Te berita ae tabu bon te berita, ao ai bon arona naba ma aika a bati riki.
Ngkana ko ongo te taeka ae te berita ae tabu, tera ae roko n te iango? Ngkana ko taekina, “Te berita ae uoua kawaina ma te Atua,” ko na bon eti.
Ma te berita ae tabu ma Tamara are i Karawa ao e bon bati riki. I nanon te berita ae tabu anne, bon iai te mwaaka, te korakora, kamaiuaki, ao te rau. Ngkana ko karekea am tai n iango ibukin berita aika boou ake ko a tia ni karaoi i nanon maium ao ae kona karaoi i nanon maium ao ngkana ko na iri am berita i nanon berita aika tabu akanne, ko na moanna n namakina ao ni maiu n ae kaokoro. Berita aika tabu a rota te kawai are ko mwakuri iai ao ni kairiko i nanon am rinerine.
Ikai are e na kangara berita aika tabu ni karaoa te kaokoro i nanon maiuia tabeman te roronrikirake.
“Te berita ae tabu e kateimatoaki i aon te kawai ae eti man irariki, ni buokiko ni maiuakina te maiu ae raoiroi riki, ao n anganiko te ota ae tamaroa riki.”
Marcus A., ana ririki 17, Utah, USA
“Te koaua are I a tia ni karaoi berita aika tabu ma te Tama are i Karawa e a tia n anganai taai aika angaraoi n rikirake n te tamnei ao n riki bwa te mwembwa ae kakaonimaki riki. Ni katoa te tai are N na karaoa te bwai teuana, I iangoi berita aika tabu are I a tia ni karaoia ma Tamara are i Karawa ao n titirakinai ngkana I bon kawakina te berita are I karaoia ma Ngaia ngke I bon bwabetitoaki ao ngke I karekea te nakoanibonga Te berita aika tabu are I a tia ni karaoia ma Tamau are i Karawa e buokai n tiku ni matoatoa i nanon te euangkerio ao n te bongina N na oki nakoina.”
Efraín V., ana ririki 14, New Zealand
Tamnei
“I uringnga ngke I bwabetitoaki—anne bon te kabanea ni kakukurei are I a tia n namakinna ibukina bwa anne bon au moan berita ae tabu. I mwiina bon ngke I karekea te nakoanibonga. Bon te kakukurei ae akea okorona. Iiai te moangare ae e oti i aon moau ae korakora ngke I ataia I a tia ni karaoa te berita ae tabu ma te Atua. Ngkana I ongo ataei aika a manikangarea te Ekaretia, I uringa te kukurei ao I uringnga bwa te berita ae tabu ma te Atua ao tiaki ma aomata.”
Bradford A., ana ririki 16, Arizona, USA
“Karaoan berita aika tabu e uotii nakoira ao ara utu kakabwaia aika rangi ni bati. Te katooto, bwabetitoakim e karokoi nakoira te kona ni bitaki, n tamaroa riki. Berita aika tabu ake ti karaoi ma Tamara are i Karawa e katea te onimaki are ti kainnanoia n teimatoa ni koaua nakon te euangkerio.”
Naomi A., ana ririki 15, Guadalajara, Mexico
“Te tiamwa ae nako I nakon te tembora n tainako ni karaoa te bwabetito ibukiia maate. Man kawakinan au berita aika tabu man nakou nakon te tembora ao ni karaoan ae eti, I bon kakabwaiaki. E bon taonai te rawawata n au kabanea n ukeuke. I nakon te tembora, ao e a bon ti karaoi bwaai ni kabane ni katamaroai riki. Kawakinan au berita aika tabu e kabebetea te maiu ao ni kabatia riki te kukurei.”
McKenna M., ana ririki 18, California, USA
Tamnei
“Au moan bong n riikan ni kabuta te toa, I bon rangi n nakonnano. Ngkanne I uringa te bong are I bwabetitoaki iai, ao I namakina te Tamnei ae Raoiroi. I a bon namakina te rau riki ao ni kona ni karaoia raoi.”
Seth A., ana ririki 12, Mexico City, Mexico
“I a tia ni karekei kakabwaia aika bati man kawakinan au berita aika tabu. Ibukin au berita aika tabu man te bwabetitio, te Tamnei ae Raoiroi e a tia ni buokai ni karaoi au babaire. Te berita ae tabu ngkana ko karekea te nakoanibonga bon te kabaeaki ni kamanena te nakoanibonga ni buokiia tabeman ao ni mwakuri. E buoka am kakoaua ni karikirakea ngkana ko mwakuri.”
Erik N., ana ririki 15, Alberta, Canada
“Ko aki kona ni karaoi bwaai nako are ko tangiria ao ni kantaninga te Atua bwa e na kawakina ana itera n te berita. E kantaninga ae e rangi ni bati mai iroum ibukina E ata am konabwai are iai iroum. E bon tauai nakon te rieta are e rietata riki.”