Oki rikaaki ma te Karineaki

Tamnei

Kamatata n te tamnei iroun Greg Newbold

I mwiin banen au kiraati inanon te bwakantaai ngke e a kaan ni bong, I a tei n te titoa ae uarereke ae kanoana bwai ni kawai i mwaain ae I a okira mwengau—te mwananga ae I tangiria ni kabanea e ngae i nanon rikiraken korakoran te karau. Bon ti ngai te aomata i nanon te titoa, ao te aine are e mwakuri ikekei e buokai ma te taura are I tangiria ni kabooa.

Ngke I a kauka te baeki ni bobwai, I a noori taian burenibai aika matamata aika toka mataia i aon te kaunta. I anaa teuana ngke neienne e katuka te taura i nanon te baeki. E buratini bwaai aika a katokaaki, ao tao iteran taian burenibai a rebwetata i aon te burooa. E tara n ae neweti teutana ma e a kabaneia n orea boon au bobwai. I kitana te titoa, te kiaba ni baiu teaina, te baeki ma te taura inanon baiu are teuana.

I rianna nakon mwengau, kanakoi au kau aika mwaimwai, ao ni katanga te katangitang. Ngke I a kaotinakoa te taura, I noora te bwai teuana i kabin au baeki. Bon te burenibai ae uraura. E a tia ni bwaka man bwaai ake a katokaaki nako nanon au baeki. I matangare, n iangoa bwa mwaitira te tai aio ni moanna ni katotonga te karaki man aia boki Kairake n Ataeinaine ae e a maan: “Ngkanne Valerie e iangoa te reirei are a tibwa tia n reirei iai n te kiraati n te Raurere.”

I karerake te burenibai i aon au kainiwene ao ni kanimwa mwiin au taura. E karika te ota ae abue n te tawanou ae kureei. I taraa tinaniku n te winto. E a bon korakora riki te karau, ao te tino i aon tano e a bitaki nakon te tino ae e a ran ae barekareka.

I taraa te burenibai. Ai aron taraan karan te tierii ae uraura. I a karinna ni baiu. Te beeba are e kaota boona e tinetine—$20. E koaua N na kaokia. E aki rinnako n au iango bwa N na aki. I buutia ao ni katikua i aon au bwariko ni boki are I a tia n nanonna ni kararoai. I a nakon te ru are teuana ni karaoa te mangko n tiaokureti ae kabuebue.

I mwiina I a manga oki n rin.

Manra ae I a tia ni kawaeremweaki ma booki akanne? Tabeua te tai. Manra te burenibai n tiku ikekei ngkana I aki ninikiria?

Au kantaninga bwa N na kaokia. Ma n ningai te tai anne N na tataninga n ae maan bwa I aonga ni mamaa ni kaokia? N na kona ni mwaninga taekana?

I a tabwarabwara riki teutana. I a taraa tinaniku man te winto riki. I iangoia bwa a kanga waeu n tia ni kabueaki. I iangoa te tiakureti ae kabuebue ae kangkang.

I mwiina I anai taian burenibai, ni karini au kau, ao n nako n otinako.

Ngke I roko n te titoa, te aine e buoka temanna riki te aomata. I tei n tataninga. Ngke e a tia, I kaotinakoa te taua ni bai man buan au kooti, kabwarabwara bwa e kanga ni mena ikekei. E taraa n ae mimi, ni mino teutana, n taekina ko rabwa, ao ai ngaia naba anne. E aki anganai kaniwangau ibukin au kokoaua. E aki rangi ni korakora ana kakaitau. Ao bon akea ae e mena ikekei n nooria.

Ngke I a nakon mwengau, I iangoia bwa I kanga n tainako n iangoai bwa te aomata ae kokoaua. Bon te aro ae I kawakinna ao n taraia iai tabeman. Ma te kokoaua ae e koaua, n ai aron te tangira ae koaua ao te tangira ae kororaoi ae koaua, bon te aroaro ae kakammwakuri. E ngae n anne a bon rine ao a koaua n au kantaninga, I tii riki bwa te aomata ae kokoaua ngkana I karini au kau ao ni mwakuri au kantaninga.

I namakina toman baiu ae akea otangana i nanon au kooti ao ni moangare teutana.Te tia korea te karaki