O Faifeautalai, saunia e Maria Clara A., 9 tausaga, Pasila
O Paulo ma Carlo D., e tai 10 tausaga, mai Filipaina, o ni auso masaga. Ua la naunau lava ina ia matutua ia maua le perisitua ma tufa le faamanatuga. La te fiafia e aoao isi e uiga i le talalelei, ma ua la saunia e auauna atu i ni misiona. E tau e Carlo i tagata uma na te iloa le perofeta soifua, ao Paulo e fiafia e ave lana Tusi a Mamona i le aoga ma faitau faatasi ma ana uo. La te iloa e taua le faitau o tusitusiga paia i aso uma ma o i le lotu i le Aso Sa. E lua gagana e lelei tele ai le tautatala a Carlo ma Paulo—Takaloka ma le Ilokano—ma o loo la aoaoina le Igilisi i le aoga. La te fiafia e taaalo pasiketipolo ma a laua uo.
I se tasi aso i le aoga sa faaosoosoina ai au e au uo e ee atu se upu leaga i se potuaoga gaogao. Ina ua ou fai atu leai, sa latou taufaalilili ma ulagia au. Ona ou fai atu lea ioe, ma sa ou tau atu lemu ma faatopetope le upu. Sa ou matua salamo lava i lena taimi mo le mea sa ou faia. Sa ou tatalo i lena po ma lou loto atoa ma salamo mai le tauina o le upu leaga. Ou te iloa e mafai e le aunoa ona ou liliu atu i le Tama Faalelagi ina ia iloa le mea sao, ma afai o se mea sese, o le a ou fai atu leai, e tusa lava pe fai mai au uo ia te au e fai. Ou te faafetai mo le salamo!
Paola L., 10 tausaga, Mekisiko
Taumafai ia Avea Faapei o Iesu
I lau aoga sa matou sauniuni talu mai le amataga o le tausaga mo se gaoioiga sili e ta’ua o le Festidanza. E pei lava o tausaga uma, o le a faia i se Aso Toonai. Ona oo lea i se tasi aso na faasilasila mai e le matou taitai o le a suia i le Aso Sa. Sa ou tauina i lou tina o Aso Sa matou te o ai i le lotu, ma ou te fiafia e faamamalu le aso Sapati.
Isaías R., 6 tausaga, Peru
O le aafiaga sili o lou olaga o le aso lea na ou papatiso ai. Na aoao atu e lou tina o le taimi ou te papatiso ai, o le a ou tali atu mo au amioga uma. Na oo mai le aso, ma sa ma ofu papae uma ma lou tama. Sa ou popole, ae ina ua ou uuina le lima o lou tama e alu atu ai i totonu o le faatanoa, sa ou iloa o le a lelei mea uma. Ina ua faia e lou tama le tatalo o le papatisoga ma ave au i lalo o le vai, sa ou lagona ni mea matagofie i totonu o lou loto e faigata ona faamatala. Ona faamauina lea o au ma tuuina mai le meaalofa o le Agaga Paia. Ou te matua fiafia ua papatisoina au. E pei lava ona setiina e Iesu Keriso se faataitaiga mo au, o loo ou setiina se faataitaiga mo lou uso laitiiti. Ou te iloa o loo soifua Iesu Keriso ma e alofa ia i tatou.
Richard H., 8 tausaga, Kuatemala
Agustina B., 10 tausaga, Atenitina
Marianella B., 7 tausaga, Atenitina
Ou te fiafia i le vaega a tamaiti i le Liahona aua e fesoasoani tala ia te au e aoao ai e uiga i le Tama Faalelagi. E masani lava ona ou talosaga i lou tina e faitau mai ia te au ni tala. Ou te fiafia i paso, mazes, valivali, ma faamatalaina o tala. Ou te fia aoaoina ni mea fou i le Peraimeri. Ou te iloa e alofa le Tama Faalelagi ia te au, ma e alofa foi o Ia ia te oe. Ou te taumafai i taimi uma ina ia manatua o Ia ma filifili le mea sao.
Jocelyn C., 4 tausaga 4, Nicaragua
Talu mai lava lou laitiiti, sa ou manao lava e maua le Perisitua Arona. A ou maua le perisitua, o le a mafai ona ou tufaina le faamanatuga, ma o le a tatalaina faitotoa o le malumalu ia te au. O se avanoa matagofie le auai i lenei Ekalesia toefuataiina, ma ou te iloa e moni le talalelei. E le toe umi ae ou tuua le Peraimeri, lea na ou aoaoina ai le tele o mea, ma auai i le autau o le autalavou i Alii Talavou.
Santiago P., 11 tausaga, Ekuatoa
O Santiago ma lona uso laitiiti, o Iairo
“Ma sa faaalia mai se tagata i ou luma, o lona ofu talaloa sa sili ona papae nai lo soo se mea ua ou vaai i ai. O lona igoa o Moronae.” (Tagai Iosefa Samita—Talafaasolopito 1:30–33.)