Faasoaina Atu o le Talalelei i Luga o le Initoneti
E alala le tusitala i Metro Manila, Filipaina.
Sa ou iloa mea sa ou talitonu i ai, ae sa ou lagona le popole ao taumafai e tali uma fesili sa i ai o lau au o le talanoaga faafinau e uiga i le Ekalesia.
Sa ou le maua le lototoa i taimi uma i le faasoaina o le talalelei i au uo. Sa iloa e le toatele o i latou lau tapuaiga, ae sa ou le faia se isi mea e faasoa ai lau molimau. E ui i lea, afai sa i ai i se tasi se manatu sese e uiga i le Ekalesia, ou te taumafai i le mea sili e faasao.
Ina ua ou amata i le kolisi, sa ou auai atu i le sosaiete o talanoaga faafinau. Sa iloa e isi tagata auai o au o se tasi o le Au Paia o Aso e Gata Ai pe a ou faasaoina i latou i mea latou te fai mai e uiga “i Mamona” pe a maea le talanoaga faafinau. Ou te le i talanoa muamua lava e uiga i lau lotu, o lea sa tele ai ni au fesili i lena aso. Sa ou lagona le fefe ma toetoe lava a ‘aloese mai le taliina. Sa ou iloa mea sa ou talitonu i ai, ae sa ou leiloa pe faapefea ona faasoaina atu. Sa ou tatalo ae foliga mai sa ou le maua se tali.
I nai aso mulimuli ane, ao ou i ai i luga o le uepisaite o le Facebook, sa ou vaaia se tusiga mai LDS.org lea sa tusia i luga e lou taitai mai le ekalesia. Sa ou iloa ai e mafai foi ona ou tusia ni mea i luga [o le uepisaite] mai le Ekalesia. Sa ou sueina autu sa fesiliga e lau au o le talanoaga faafinau e uiga i ai, faasalalau sootaga i lau itulau, ma faapipii ia i latou uma sa aofia ai. Sa ou lagona o le a sili atu ona latou fiafia i tali.
Ou te le i tusia muamua ni mea e uiga i lou talitonuga i luga o le initoneti, o lea sa toatele ai nisi tagata fiailoa ua fesilisili e uiga i lau lotu. Ao latou fai maia ni fesili, sa ou taumafai e tuuina atu tali faigofie faatasi ai ma sootaga i anomea o le Ekalesia. O lenei auala o le a le faalagolago ai tagata i nao au tali ae e mafai foi ona faalagolago i saunoaga a Pulega Aoao e uiga i o latou fesili. Afai ae oo atu le talanoaga i se tulaga maaleale, o le a ou tali atu i le tagata i se tulaga faalilolilo e ala i le auina atu o se savali.
Ou te matua fiafia e maua anomea o le Ekalesia i le initoneti. Ou te lagonaina pea le popole i soo se taimi pe a faafuaseia au i se fesili e se tasi e uiga i le Ekalesia. Ae ou te le o toe faatalitali mo latou fesili e oo mai; ou te muai taina anomea o le Ekalesia i le initoneti. Ou te iloa e mafai ona fesoasoani nei anomea i au uo uma e lolotu ma le lolotu.