O Le Mana o le O Afea

Na faafuasei lava ona ma’i lou toalua. I se tasi taeao sa ia moaina le vao, ma o le mea na sosoo ai na matou iloa ua ma’i o ia. E oo atu i le aso na sosoo ai ua faamanava e le masini. Ao matou siitia ese mai le potu o faalavelave faafuasei i le potu e fai ai taotoga, na talanoa mai se tasi o fomai talosia pe afai e mafai ona latou sefeina o ia.

Talu ai ona o le faamai lea ua maua ai o ia e le taatele, o lea e itiiti lava se avanoa e toe ola ai. Sa ou le talitonu i le ofoofogia o le suiga o mea ua tutupu. Sa ou lagona le lofituina i le leai o se faamoemoe.

O le mea e faafetai ai, na sao mai Pierre i lona taotoga muamua ma taofia ai i le iunite e tausia ai ma’i tigaina (ICU). O le a umi se auala o i luma atu, peitai na faaleleia ona avanoa i le aluga o itula taitasi. O le taeao ina ua maea le taotoga muamua na talanoa mai ai ia te au se teine tausimai muamua mai le tele o isi. Sa ia talanoa e uiga i le o afea o le a oo ai Pierre i le isi laasaga o lona togafitiga. Sa ou tu i aafiaga o lena upu. Sa matua tele le faamoemoe i le o afea nai lo le afai—o loo fesootai mai ai le mautinoa ma le faamoemoe. Sa ou faafetai ia te ia mo le filifilia o le upu, ma sa ia ataata mai ma le iloa.

Na maua e Pierre le tele o faamanuiaga o le perisitua, lea na maua ai le faamalosiauga sili. Na matou iloa ia vaavaai mo le aao o le Alii i o matou olaga, talu ai o Lana aafiaga sa le o se tulaga o le afai ae o le o afea. O taimi uma lava e faaletonu ai le soifua maloloina o Pierre, ou te faamanatuina ia te ia ia faamanuiaga ma e manaomia le faaalia o lo ma faatuatua i le Alii. O se malaga paia lenei mea, ma o aso taitasi sa o se meaalofa.

O le faamoemoe o le o afea na matou maua ai le faamalosiauga. Ae peitai, o le 18 aso o le aluga o le malaga, na le sologa lelei ai. O le taimi o le taotoga lona fitu, na iloa ai e ana fomai ua matua faateleina le sosolo o le faamai. Na faailoa mai ma loimata e le au fomai lo latou faanoanoa ao latou tau maia ia te au e le aulia e Pierre le po.

Sa mafai ona ma faatasi ma lau soa e faavavau ao ia pasi atu i le veli. Sa faamanuiaina i maua i le i ai o lona atalii e toatasi mai lana faaipoipoga talu ai i luga o le telefoni e tau mai lona alofa mo lona tama. Na maliu filemu Pierre.

I le tele o vaiaso mulimuli ane, i lona tuugamau, na oo mai ai ni upu faamafanafana mai ia Mosaea 2:41: “Ia outou manatunatu i le tulaga manuia ma le fiafia o i latou o e tausi i poloaiga a le Atua. Aua faauta, … afai latou te tutumau i le faamaoni e oo i le iuga, e talia i latou i le lagi, ina ia mafai ona latou mau faatasi ma le Atua i se tulaga o le fiafia e le gata” (faaopoopo le faamamafa).

Na ou naunau lava e le aunoa ma Pierre o le afai i lena mau o le a avea ma o afea mo i maua. Na ma iloa o le tumau ai i le tuuto i a tatou feagaiga, o le a tatou toe faatasia—sa na o se fesili lava o le o afea. Ma te faatuatua i le fuafuaga a le Alii o aiga faavavau ma le ola faavavau. O le mana o le o afea lea e faatumauina i tatou i le agai i luma.