Mga Highlight sa Doktrina
Unahon ang mga Balaod sa Dios
“Ang pulong nga tinuohan nagpasabut og … ‘kaduha ibugkos’ ngadto sa Dios. Ang atong ikapangutana tingali mao, lig-on ba ang atong pagkabugkos ngadto sa Dios aron ikapakita kini, o nabugkos ba kita ngadto sa ubang butang? … Daghan ang miuna sa laing prayoridad kay sa Dios. … Kinahanglan ang balaod sa Dios mao gayud ang atong sumbanan. Sa pagsulbad sa kontrobersyal nga mga problema, unahon nato sa pagpangita ang giya sa Dios. …
“Ang tintasyon sa pagkahimong inila moresulta nga iprayoridad ang opinyon sa katawhan labaw kay sa pulong sa Dios. … Bisan og ‘ang tanan naghimo niini,’ ang sayop dili gayud husto. … Mag-ampo ko nga mabugkos kamo og balik sa Dios, nga ang mahangturon Niya nga mga kamatuoran matisok sa inyong kasingkasing sa hangtud.”
Elder Russell M. Nelson sa Korum sa Napulog Duha ka mga Apostoles, “Ipakita ang Inyong Pagtuo,” Liahona, Mayo 2014, 29, 30, 31.