Mga Higala sa Tibuok Kalibutan
Ako si Bárbara gikan sa Chile
Ang tagsulat nagpuyo sa Utah, USA.
¡Hola, amigos!*
Si Bárbara nagpuyo sa Chile, usa ka nasud sa kasadpan nga baybayon sa South America. Kini taas ug yagpis ug naporma sama sa usa ka ribbon. Pipila ka mga dapit init ug uga (sama sa Disyerto sa Atacama), ug ang uban tropikal ug basa (sama sa Easter Island). Nagpuyo siya sa ulohan sa Chile, Santiago.
Ako lamang ang miyembro sa Simbahan sa akong klase sa eskwelahan. Kini naghatag nako og mga kahigayunan sa pagsulti sa akong mga higala mahitungod ni Jesukristo ug sa Basahon ni Mormon. Usa ka higayon ang akong labing suod nga higala mihangyo nako sa pagtudlo kaniya unsaon sa pag-ampo. Busa akong gibuhat. Dayon kami nag-ampo sa paniudto sa eskwelahan.
Ako nag-edad og siyam ka tuig ug adunay duha ka manghud nga lalaki. Naningkamot ko nga mahimong usa ka maayong magulang nga babaye ug nagtabang sa pag-atiman kanila ug nakigdula kanila. Ganahan ko nga moatiman sa mga bata. Gusto kong mahimong magtutudlo kon ako modako na.
Niadtong 2013 ako nag-otso anyos ug nabunyagan ug nakumpirmahan sa akong papa. Nalipay kaayo ko! Usa kadto ka espesyal nga kasinatian nga kanunay nakong mahinumduman.
Kami nagsaulog og makalingaw nga mga holiday sa Chile. Ang ika-18 sa Septyembre mao ang Independence Day, ug ang ika-19 mao ang Armed Forces Day. Atol niining duha ka mga adlaw, kami manayaw sa among nasyonal nga sayaw nga gitawag og “La Cueca” ug mokaon sa lamian nga pagkaon nga gitawag og empanadas.
Sa katapusan sa semana, ang akong pamilya ganahan nga mag-hike ug mag-drive og four-wheelers sa kabukiran duol sa among balay. Ganahan usab kami nga moadto sa baybayon.
Kami dunay espesyal nga pagkaon sa Pasko—tamatis nga gibutangan og mga tuna. Sa Chile, ang Santa Claus moabut sa tungang gabii gayud sa Bisperas sa Pasko. Kami magmata hangtud siya moabut!
Sa tuo: paghulagway sa bag ni Thomas S. Child