Atong Pahina
Usa ka adlaw, sa wala pa ko mabunyagi, didto ko sa balay sa akong lola sa dihang siya miadto sa silong kay adunay kuhaon. Siya nadalin-as ug natumba ug dili makabarug. Gitawag ko niya, apan ako nagtan-aw sa TV ug wala makadungog kaniya. Human sa mga 10 minutos, hinay akong nakadungog sa akong ngalan, “Tom!” Miadto ko aron sa pagsusi kaniya ug nakita siya nga naghigda sa salog. Wala akoy igong kusog sa pagpabarug kaniya, busa midagan ako ngadto sa balay sa usa ka silingan. Siya mikuyog ug mitabang nga makabarug si Lola.
Si Lola miingon nako, “Tom, mao kadto ang Espiritu Santo nga imong nadungog. Layo ra kaayo ko aron makadungog ka nako.”
Nasayud ko nga kini mao ang Espiritu Santo kinsa mihunghong kanako. Karon ako nabunyagan na, ug nalipay ko nga makabaton sa gasa sa Espiritu Santo.
Tom R., edad 8, Germany
Natalia A., edad 10, Colombia
Olivia I., edad 8, gikan sa Romania, ganahan nga motabang sa iyang mama sa paglimpyo sa balay. Ang iyang inahan nagtudlo kaniya ug sa 13 niya ka mga higala, ug kon sila mopahuway ganahan siya nga magpakaaron-ingnon nga siya mao ang magtutudlo. Ganahan siyang mobiyahe uban sa iyang mga ginikanan ug mogahin og panahon uban sa iyang mga apohan. Sa dihang siya gibunyagan siya mibati og hilabihan ka duol sa Langitnong Amahan, ug siya mapasalamaton nga siya makabaton sa Espiritu Santo sa pagtabang kaniya nga mohimo og desisyon. Ang iyang paborito nga kanta sa Primary mao ang “Sunda ang Propeta” (Songbook sa mga Bata, 58).
Liu C., edad 7, Ecuador
Thierry M., edad 7, gikan sa Brazil, ganahan nga motambong sa Primary ug pagkanta og mga himno. Siya nasayud nga ang templo mao ang balay sa Ginoo.
Ganahan ko nga mosimba uban sa akong pamilya ug magkat-on mahitungod ni Jesukristo. Sa balay ganahan ko nga mobasa ug magkat-on sa mga istorya sa kasulatan, mokanta og mga himno, ug magdula atol sa family home evening. Ang ebanghelyo ni Jesukristo mipanalangin sa akong pamilya, ug kini nakapalipay nako. Ako mihatag og Basahon ni Mormon sa tulo ka mga magtutudlo sa akong eskwelahan ug sa pamilya sa akong labing suod nga higala, nga si Miguel.
Martim P., edad 6, Portugal