Mga Ideya sa Family Home Evening

“Family History—Gibuhat Ko Kini,” pahina 58: Pagpasiugda og kalihokan nga mag-journal! Awhaga ang mga sakop sa pamilya sa pagrekord kabahin sa ilang kinabuhi—panumduman sa nanlabayng katuigan o butang nga nahitabo nila nianang adlawa. Tabangi ang inyong pamilya nga makasabut nga adunay daghang mga paagi nga mag-journal. Sila makasulat, maka-type o maka-drowing sa ilang journal, o gani sila mismo makarekord nga nagsaysay og istorya gamit ang voice recorder. Awhaga ang inyong pamilya nga kanunayng magpadayon og rekord sa ilang mga journal.

“Pagkat-on og Dugang mahitungod sa Unsay Giandam,” pahina 64: Ikonsiderar ang paghimo og kalihokan sa pagpangandam og misyon sama sa gibuhat sa usa ka ward sa Norway. Kamo makatudlo sa samang mga butang nga ilang gibuhat—sama sa unsaon pagsugod og hisgut sa ebanghelyo o unsaon pagplantsa og puti nga polo—o maka-focus mo sa ubang mga kahanas nga sa inyong hunahuna magamit sa inyong sakop sa pamilya ngadto sa misyon.