Toʻu Tupu
ʻE Founga Fēfē haʻo Manatuʻi ʻa e Fakamoʻuí he Uiké Ni?
ʻOku poupouʻi kitautolu ʻe Palesiteni ʻAealingi ke tau “fili ke manatuʻi [ʻa e Fakamoʻuí] ʻi he founga lelei taha ʻoku tohoakiʻi ai ho lotó kiate Iá.”
ʻOku founga fēfē hoʻo “manatu maʻu ai pē kiate Ia” he kotoa ʻo e uiké (vakai, T&F 20:77, 79)?
ʻOku ʻi ai haʻo ngaahi potufolofola manako fekauʻaki mo e Fakamoʻuí? Te ke lava ʻo fakaʻilongaʻi ha potufolofola kehe ʻi he ʻaho takitaha he uiké ni pea vahevahe ia mo ha taha.
ʻOkú ke hivaʻi ʻi hoʻo fakakaukaú ha himi pe ha foʻi hiva langaki moʻui ʻi he taimi ʻokú ke loto mamahi aí? Mahalo te ke lava ʻo fili ha taha he uiké ni ʻoku fekauʻaki tonu mo e Fakamoʻuí.
ʻOkú ke fakalaulauloto ki he moʻui mo e feilaulau fakalelei ʻa e Fakamoʻuí lolotonga e sākalamēnití he uike kotoa pē? Te ke lava ʻo teuteu ki he sākalamēnití ʻaki hono fakamanatu hoʻo ngaahi fili ʻi he lolotonga e uiké ke manatu maʻu pē ki he Fakamoʻuí mo fakatomala ʻi he ngaahi taimi naʻe faingataʻa ai ke ke faí.
ʻOkú ke lotua ha faingamālie ke vahevahe ai e ongoongoleleí he ʻaho kotoa pē? Feinga ke fai ha talanoa ki he ongoongoleleí he uiké ni ʻa ia ʻoku nofotaha ʻi he Fakamoʻuí. Te ke lava ʻo fai hoʻo fakamoʻoni ki he Fakamoʻuí lolotonga e efiafi fakafāmili ʻi ʻapí pe talanoa ki ha kaungāmeʻa ʻi he akó kau ki ha aʻusia naʻá ke maʻu ʻi he lotú.
Fokotuʻu ha taumuʻa ke ke manatuʻi ʻa e Fakamoʻuí ʻi ha founga makehe he uiké ni. Fakahā hoʻo taumuʻá ki ha taha ʻo e mātuʻá, tokoua pe tuofefine, taki, pea kaungāmeʻa. Fakahā ange kiate kinautolu e meʻa naʻe hokó, ʻi he fakaʻosinga ʻo e uiké. Te mou fakatou ongoʻi ʻa e nonga mo e fiefia naʻe lau ki ai ʻa Palesiteni ʻAealingí.