Mga Istorya kabahin ni Jesus
Sa Dihang Bata pa si Jesus
Gikan sa Lucas 2:41–52
Sa dihang bata pa si Jesus, nagpuyo Siya uban ni Maria, Jose ug sa Iyang mga igsoon. Nakat-unan Niya gikan sa Iyang pamilya ug sa Iyang Langitnong Amahan nga magmaalamon ug magmalig-on.
Matag tuig si Jesus ug ang Iyang pamilya mobiyahe og layo padulong sa Jerusalem. Miadto sila aron sa pagsaulog sa holiday nga gitawag og Pagpalabay.
Usa ka tuig niana, sa dihang panahon nga mamauli, sila si Maria ug Jose nagtuo nga si Jesus mikuyog sa mga higala. Human sa usa ka adlaw, nakamatikod sila nga wala Siya. Diin si Jesus?
Sila si Maria ug Jose dali nga mibalik ngadto sa siyudad sa pagpangita ni Jesus. Nakita nila Siya sa templo. Nagtudlo siya sa mga lalaki mahitungod sa mga kasulatan ug mitubag sa ilang mga pangutana. Ang mga lalaki nasurprisa nga Siya maalamon kaayo.
Miingon si Jesus nga nagpabilin Siya sa templo aron sa pagserbisyo sa Iyang Langitnong Amahan. Makakat-on kita sa mga kasulatan ug makasulti sa uban mahitungod ni Jesus. Dayon makaserbisyo usab kita sa Langitnong Amahan!