Doktrina nga Gihatagan og Gibug-aton
Ang Pulong sa Kaalam
“Niadtong 1833 ang Ginoo mipadayag ngadto ni Propeta Joseph Smith og usa ka plano alang sa piskay nga pagpuyo. Kana nga plano makita sa Ika-89 nga seksyon sa Doktrina ug mga pakigsaad ug naila isip Pulong sa Kaalam. Naghatag kini og piho nga direksyon bahin sa kalan-on nga atong gikaon, ug nagdili sa paggamit og mga butang nga makadaot sa atong lawas.
“Kadtong nagmasulundon sa mga sugo sa atong Ginoo ug nagmatinud-anon, nagtuman sa Pulong sa Kaalam gisaaran og partikular nga mga panalangin, lakip niana ang kapiskay ug dugang kusog sa lawas [tan-awa sa D&P 89:18–21]. …
Hinaut atong amumahon ang atong mga lawas ug atong mga hunahuna pinaagi sa pagtuman sa mga baruganan nga gitakda diha sa Pulong sa Kaalam, usa ka balaanong hinatag nga plano. Sa tibuok nakong kasingkasing ug kalag, ako mopamatuod sa mahimayaong panalangin nga nagpaabut kanato kon ato kining buhaton.”