Pangitaon, Dad-on, Itudlo: Apil sa Hagit sa Templo
Ang tagsulat nagpuyo sa Utah, USA.
Ang hagit gihatag na—gidawat na ba ninyo kini?
Si Elder Neil L. Andersen sa Korum sa Napulog Duha ka mga Apostoles midapit sa kabatan-onan sa “pagpangandam og ingon ka daghang mga pangalan para sa templo samtang sila nagpahigayon sa ilang bunyag sa templo ug sa pagtabang sa usa ka tawo sa pagbuhat sa ingon.”1 Si Elder Dale G. Renlund sa Korum sa Napulog Duha ka mga Apostoles misaad usab nga ang pag-apil dinhi niining apostolikanhon nga hagit makahatag og espirituhanon nga panalipod ug pag-ayo sa mga pamilya.2
Hunahunaa kini—ang Apostoles sa Ginoo nag-awhag sa kada usa sa pag-apil sa buhat sa family history pinaagi sa pagdala sa mga pangalan sa ilang kaugalingong pamilya ngadto sa Templo. Dili ba nindot kini nga kon sa kada ordinansa nga gihimo sulod sa templo alang sa inyong kaugalingong pamilya? Si Elder Andersen nagdapit sa kabatan-onan sa tibuok kalibutan sa pagbuhat lang niana ug sa pagtabang sa mga higala ug mga pamilya sa pagbuhat sa ingon.
Sa inyong pagdawat niining hagit, inyong mabati ang Espiritu, mapalambo ang inyong pagpamatuod, ug monindot ang inyong kasinatian sa templo. Dili sigurado unsaon sa pagsugod? Atong tagsatagsaon ang ang mga hagit:
Pangitaon
Una, pangitaon ang mga pangalan aron dad-on sa templo ug idugang kini sa FamilySearch.org. Kon aduna kay nakompleto nga kapin sa upat ka henerasyon, sulayi ang Descendancy View sa FamilySearch. O kon ang imong family tree wala pa kaayoy sulod, makasugod ka pinaagi sa pag-adto sa FamilySearch.org/findnames.
Dad-on
Pagkahuman og pareserba ug pagpaprinta sa mga ordinansa pinaagi sa FamilySearch.org, dayon, uban sa rekomen, makadala naka sa mga pangalan ngadto sa templo alang sa mga bunyag ug mga kompermasyon! Dapita ang mga na-endowed nga pamilya ug mga higala sa pagkompleto sa uban sa mga ordinansa, o isumiter kini ngadto sa mga templo pinaagi sa FamilySearch aron mahuman ang buhat.
Itudlo
Ipakigbahin ang kalipay sa family history niadtong naa sa inyong palibut! Pagpahigayon og gabii sa family history uban sa inyong mga higala, o makig-uban sa inyong ginikanan ug mga igsoon ug pagsulat sa inyong family tree. Mahimo ninyong ipakigbahin ang inyong mga kasinatian sa social media, gamit ang #TempleChallenge.
Andam Ka Na Ba?
Bisan unsa pa ang inyong kasinatian uban sa family history, adunay daghang paagi nga makaapil kamo sa hagit. Hunahunaa kon unsaon ninyo sa pagtabang sa buhat sa Ginoo nga magpadayon karon.