Becky Craven

E parau tā te tuahine Becky Craven fa’ahiti pinepine ’a misiōnare ai ’oia : « ’Ia ’ite ’oe ’o vai ’oe, e mea ta’a ’ē tā ’oe ’ohipa e rave. »

« Mai te reira nō te mau mea ato’a—nō te huru ’ahu e ’ō’omo, nō te huru e paraparau, nō te huru e ti’a i mua i te ta’ata ’e nō te mau ’ohipa e haere atu ’oe », ’ua parau te tuahine Craven, tei tāvini nā muri i tāna tāne, ’o Ronald L. Craven, nō te peresideni i te misiōni nō North Carolina Charlotte mai te matahiti 2012 ē 2015.

’Ua pāturuhia te tuahine Craven ’ei tauturu piti i roto i te Feiā ’Āpī Tamāhine i te 31 nō Māti 2018. « ’Ia ha’amata te feiā ’āpī tamāhine ’ia hi’o ia rātou iho i roto i te fa’anahora’a a te Atua, e roa’a ia rātou te hi’ora’a nō rātou iho », tāna i parau. « ’Ia vai tā ’outou hi’ora’a ātea e ti’a ai. Mai te mea ’aita tā ’oe e hi’ora’a ātea, ’aita ’oe i ’ite tē haere ra ’oe i hea ’e ’aita ’oe i ’ite e aha te rave nō te tāpae i reira ».

’Ua fānauhia Rebecca Lynn Craven i te 26 nō ’Ātopa 1959, i Chardon, i Ohio (Marite), nā Corless Walter Mitchell ’e Linda Louise Kazsuk Mitchell. ’Ua fa’a’oru ’ōna i te parau iāna ’ei « tama a te nu’u », ’ua pa’ari ’oia i Texas (Marite) i reira tōna ’utuāfare i te tomora’a i roto i te ’Ēkālesia ; i Heremani, i terā ra taime tōna ’utuāfare tā’atira’ahia i roto i te hiero nō Helevetia ; o Peretāne ; i Utah (Marite), i reira ’oia i te bāpetizora’ahia i te taime mātāmua ’a reva ai tōna metua tāne i te fenua Anami ’e i te mau tuha’a fenua nō Marite mai ia Maryland, Kentucky, Missouri ’e Kansas.

’Ua fa’aipoipo rāua i te 5 nō ’Ātete 1980 i roto i te hiero nō Roto Miti, ’e e pae tamari’i tā Craven mā.

Hou ’oia ’a pāturuhia ai i ni’a i teie pi’ira’a ’āpī, tē tāvini ra ’oia ’ei tauturu i roto i te peresidenira’a Sōtaiete Tauturu pāroita ’e ’ei rave ’ohipa i roto i te hiero nō Bountiful (Utah). ’Ua tāvini ato’a ’oia ’ei peresideni Feiā ’Āpī Tamāhine pāroita, ’ei melo nō te ’āpo’ora’a Sōtaiete Tauturu o te titi, ’ei misiōnare titi ’e ’ei fa’atere scout Webelos.

E parau tū’ite Licence tā te tuahine Craven nō te atuatura’a fare nō Brigham Young University mai, i reira ato’a ’oia i te tāvinira’a i roto i te tōmite a’o nō te mau mā’ona. ’Ua tāvini ato’a ’oia ei melo nō te ’āpo’ora’a fa’atere o te fa’anahora’a tauturura’a CHOICE, e fa’anahora’a e haere nā te ara, tōna pū tei Utah, e fa’anahora’a rima aroha.

E mea au nāna ’ia hāhaere nā roto i te nātura, te mau tū’aro pape, te hāhaerera’a nā roto i te hiona, te rāterera’a i te mau fenua, te pēni, te ’ohipa tīfaifai ’e te mau ha’uti ’e te mau fa’a’oa’oara’a ’e tōna ’utuāfare.