Elder Kyle S. McKay
Hitu ’Ahuru Hui mana fa’atere rahi
Ta’a ’ē noa atu tōna ’utuāfare ’e te ’Ēkālesia, te mea tā Elder Kyle S. McKay e au roa nei, ’o te haerera’a ïa nā ni’a i tāna pua’ahoro fenua i roto i te mou’a.
’Ua nā ’ō ’oia : « E ’ere i te ha’apa’ora’a fa’aro’o, pāpū nei rā ’ua ha’apūai te reira i tō’u [fa’aro’o]. ’A taime ra e haere au i ni’a i te mau mou’a a te Fatu ’e ’a taime ra e haere au i ni’a i te mou’a o te fare o te Fatu. E fārerei mai ’oia iā’u i nā vāhi e piti. »
Tē fa’aau nei Elder McKay i te mau mou’a i ni’a mai ia Huntsville, i Utah (Marite) i te mau pape ’e te uru rā’au nō Moromona ’e te faufa’a o te reira nō te mau ta’ata o Alama—i reira ’oia, i tōna ’āpīra’a, te noa’ara’a te ’ite nō tōna Tāra’ehara.
’Ua fānauhia Elder McKay i te 14 nō Fepuare 1960, i Chicago, i Illinois (Marite), nā Barrie Gunn McKay ’e Elaine Stirland McKay, tāna e parau nei ē, maoti rāua ’oia i riro ai i terā ta’ata i teienei.
’Ua fa’aea ’oia i tāna ha’api’ira’a i Brigham Young University i te matahiti 1979 nō te tāvini i te hō’ē misiōni rave tāmau i Kobe (Tāpōnē). ’Aita i maoro roa i tōna otira’a tāna misiōni, tē haere ra ’oia e fa’aoti i tāna parau tū’ite reo peretāne, ’ua mātau Elder McKay ia Jennifer Stone, tei ho’i noa mai mai te misiōni nō England Bristol ra. Tei roto ato’a ’oia i te piha ha’api’ira’a reo peretāne. ’Ua fa’aipoipo rāua i roto i te hiero nō Oakland (California) i te 12 nō Tiunu 1984.
Ma te ’utuāfare i te pū o tō rāua orara’a, ’ua parau Elder McKay ē, nō roto mai tō rāua tāna vahine ’oa’oa rahi roa a’e i te ’utuāfare. Tē ora nei McKay mā i Kaysville, i Utah (Marite), ’āre’a rā, tē haere pinepine nei rātou i Huntsville ’e tā rāua nā tamari’i e iva, i reira tōna tupuna i te ha’amaura’a iāna i te mau matahiti 1860.
’Ua noa’a tā Elder McKay parau tū’ite i te pae nō te ture i te matahiti 1987 i te fare ha’api’ira’a J. Reuben Clark School of Law i BYU ’e ’ua rave ’oi’oi mai ’oia i te hō’ē ’ohipa i roto i te hō’ē taiete rahi nō te ture i tō rātou mata’eina’a i Portland, i Oregon (Marite). ’Ia tae i te hō’ē mahana, ’ua ho’i mai ’oia i Utah nō te rave i te tahi ’ohipa ’e te tahi atu taiete ture hou ’a ’ohipa ai i roto i te taiete Kroger. ’Ua riro ’oia ’ei mono peresideni nō te mau faretoa Smith’s ’e Fry’s, e tuha’a rātou nō Kroger, i Utah ’e i Arizona (Marite), mai te matahiti 2000 i te matahiti 2017.
’Ua tāvini Elder McKay ’ei ’episekōpo, ’ei melo ’āpo’ora’a teitei, ’ei peresideni titi ’e ’ei Hitu ’Ahuru ārea.