O Auala e 5 e Mafai Ai Ona e Fesoasoani ai i Lou Epikopo ia Fesoasoani ia te Oe

Ata

young adult talking with bishop

Na te faafeiloai ia te oe ma se faatalofa mau i taimi uma e te lua feiloai ai, e nofo o ia i lona nofoaga ua tofi iai i luga o le tulaga i le taimi o le faamanatuga, ma e tele mea na te ositaulagaina e auauna ai ia te oe ma le Alii.

O ia o lou epikopo: o se taitai perisitua o le ua valaauina e le Atua e pulefaamalumalu i lau uarota. O lana lisi o mea e le mafai lava ona mae’a, na te fautuaina tagata i lona ofisa tusa lava pe sa umi lona aso sa faigaluega ai, ma e fealualuai ai lava i le falelotu pe a uma le lotu e faataunuu ona tiute.

Atonu e foliga mai lou epikopo e le umi lona malosi, ae o le taitaiina o se uarota atoa e mafai ona gasea ai! E taumafai o Ia e fai le mea sili, ae o nisi taimi e manaomia se lima fesoasoani. O auala nei e l ima e m afai ona e fesoasoai ai i lou epikopo ia fesoasoani ia te oe:

1. Ia tatalo mo ia. O le valaauga o le epikopo e mafai ona tofotofo ai le mea e gata ai lona malosi faalemafaufau, faaleagaga, ma faaletino. Na te manaomia le malosi lea e na o le Atua e mafai ona aumaia ae e mafai ona maua mai lena malosi ona o lo outou faatuatua ma tatalo (tagai Iakopo 5:16.

2. Ia e faatuatua i le tofi. Sa e lagolagoina o ia o lou epikopo, ae o lou faatuatua e le faapea o i le tagata; o loo i le tofi po o le valaauga o le epikopo ma i le Atua o le sa valaauina ma lagolagoina o ia. E mafai faapefea ona e faaalia lou faatuatua? Ia naunau e faatino valaauga ma tofitofiga. A oulua fono ma le epikopo, alu ua e saunia---tatalo, anapogi pe a tatau ai, ma fai faalelei ou lavalava e faailoa atu ai lou faaaloalo mo le Alii. Mafaufau ma le toto’a i lana fautuaga. O loo ia suia le Alii.

3. Ia e iloa lelei o ia. Fai se taumafaiga e te iloa lelei ai o ia. Fesili i ai e uiga i lona olaga, lona talaaga, ma ona poto masani. Ia faailoa atu ia te ia e te talisapaia lana auaunaga ma e i ai lou faatuatuaga i lona tomai e faataunuu ai lona valaauga. (Tagai 1 Tesalonia 5:12–13.)

4. Aua le faalagolago tele ia te ia nei vaivai. E manao lou epikopo e fesoasoani ia te oe, ae afai e i ai sou faafitauli e mafai ona taulima e ou faiaoga o aiga, se tasi o fesoasoani o le epikopo, po o lau Aualofa po o le peresitene o le korama a toeaina, alu muamua ia i latou na. E i ai foi le mafuaaga o le i ai o o latou valaauga! Ua laltou i ai iina e fesoasoani ia te oe ma faatagaina ai foi lou epikopo e taulai atu i mea e na o ia e mafai ona faia.

5. Faataga o ia ia sasi. E ui atonu e foliga mai e matuai atoatoa lel epikopo mo lona valaauga, ae e le atoatoa o ia. E masalosalo foi o ia ia te ia lava, ma e na te faia mea e sese. Ae e alofa moni lava o ia ia te oe ma na te tuuina atu mea uma o ia te ia i lona valaauga. Talanoa atu ia te ia. O le tele o lona silafia e uiga ia te oe ma lou tulaga, o le tele foi lena ona mafai ona ia fesoasoani ia te oe.