“Je, Ninawezaje kumwalika Roho nyumbani kwangu wakati watu wakigombana na kubishana?”

Wakati nimekuwa na mabishano, Nimegundua kwamba kwa kuomba radhi na kukubali kwamba umekosea, hata kama unafikiri au kujua kwamba uko sahihi, husaidia kurudisha amani katika chumba. Kisha toka nje, kaa kimya, badilisha mada, au tafuta kitu cha kukubaliana. Haichukui muda kwa Roho kurudi.

Nimegundua kwamba kuonyesha upendo wa kweli kwa familia yangu humwalika Roho kukaa nyumbani mwetu. Nabii aliongea kuhusu upendo kama kichocheo ambacho husababisha badiliko na malhamu ambayo huleta uponyaji wa nafsi. Roho ya upendo huleta usalama na amani nyumbani.

Kama wanafamilia yako si waumini wa Kanisa, waambie ni vibaya kiasi gani unajisikia pale wanapobishana na waombe wajirekebishe. Kama hiyo haitasaidia, sali na jaribu tena. Kama ni waumini, wakumbushe kwamba wao ni watoto wa Mungu na kwamba wanatakiwa kuepuka ugomvi.

Wakati wanafamilia wanapobishana, ni vigumu kuhisi uwepo wa Roho, lakini hii haimaanishi kwamba huwezi kumuhisi kama unastahiki. Sali katika moyo wako kwa ajili ya nyongeza zaidi ya Roho wa Bwana na kuwa makini zaidi katika misukumo inayotumwa kwako. Baba wa Mbinguni anaweza kukusaidia kuhisi amani na kujua ni namna ipi nzuri zaidi ya kurudisha amani katika nyumba yako.

Ongea na familia yako kutataua tatizo katika njia ambayo kila mmoja ananufaika, au shiriki andiko takatifu au imba wimbo. Unaweza pia kumwomba Baba wa Mbinguni msaada wa kutatua tatizo. Katika njia hii, kila mmoja atatulia na kuwa na uwezo wa kutatua tatizo bila kuwa na sababu ya kupaza sauti au vurugu. Hakika Roho Mtakatifu atawajaza nyote na amani na kumpa kila mtu hamu ya kutotaka kugombana tena.