មកពីគណៈប្រធានទីមួយ
ការជួយដល់ការស្ដារឡើងវិញ
កែសម្រួលមកពី « សង្ឃឹមអ៊ីស្រាអែល » ( ការប្រជុំធម្មនិដ្ឋានទូទាំងពិភពលោកសម្រាប់យុវវ័យ ថ្ងៃទី ៣ ខែ មិថុនា ឆ្នាំ ២០១៨ ) ទំព័រ ១៩ គេហទំព័រ HopeofIsrael.ChurchofJesusChrist.org ។
នៅក្នុងឆ្នាំ ១៨២០ ព្រះវរបិតាសួគ៌ និងព្រះយេស៊ូវគ្រីស្ទ បានបង្ហាញព្រះកាយដល់ យ៉ូសែប ស្ម៊ីធ ។ ព្រះវរបិតាសួគ៌បានមានបន្ទូលថា « នេះជាព្រះរាជបុត្រាដ៏ស្ងួនភ្ងារបស់យើង ។ ចូរស្តាប់តាមទ្រង់ចុះ ! » ការស្ដារឡើងវិញនៃដំណឹងល្អបានចាប់ផ្ដើមនៅថ្ងៃនោះ ២០០ ឆ្នាំកន្លងមកហើយ ។ វាបន្ដនៅមានដល់សព្វថ្ងៃនេះ !
ថ្ងៃមួយ ព្រះយេស៊ូវគ្រីស្ទនឹងយាងមកផែនដីម្តងទៀត ។ នេះជារបៀបបួនយ៉ាងដែលប្អូនអាចជួយដល់ការស្ដារឡើងវិញ និងរៀបចំសម្រាប់គ្រានោះ នៅពេលដែលព្រះយេស៊ូវនឹងយាងត្រឡប់មកវិញ ៖
-
ស្ថាបនាសេចក្ដីជំនឿរបស់ប្អូនលើព្រះយេស៊ូវគ្រីស្ទ ។
-
ស្វែងយល់ពីគ្រួសារប្អូន ហើយជួយធ្វើកិច្ចការព្រះវិហារបរិសុទ្ធសម្រាប់ពួកគាត់ ។
-
រៀបចំខ្លួនចូលព្រះវិហារបរិសុទ្ធ
-
សូមជួយមនុស្សឲ្យរៀនពីព្រះយេស៊ូវគ្រីស្ទ និងដំណឹងល្អទ្រង់ ។
ការធ្វើកិច្ចការទាំងនេះនឹងជួយរៀបចំពិភពលោកសម្រាប់ថ្ងៃដ៏អស្ចារ្យ ពេលដែលព្រះយេស៊ូវនឹងយាងមកម្ដងទៀត !
រចនារូបភាពដោយ ខាធី ម៉ាក់ឌី