Lidasip Jenis we Oli Anaonsem

Long taem blong Oktoba 2020 jeneral konfrens, oli bin anaonsem wan niu memba blong Presidensi blong Olgeta Seventi, wan niu Jeneral Atoriti Seventi, wan niu memba blong Prisaeding Bisoprik, mo fofala niu Eria Seventi.

Elda Brent H. Nielson, we oli bin sastenem hem olsem wan memba blong Presidensi blong Olgeta Seventi i folem rilis blong Elda L. Whitney Clayton, we oli givim hem wan emeritus posisen. Elda Patrick Kearon, naoia i stap olsem Senia Presiden blong Olgeta Seventi, wan posisen we Elda Clayton i bin holem fastaem.

Elda Dean M. Davies, oli bin sastenem hem i kam wan Jeneral Atoriti Seventi, hemia folem rilis blong hem olsem Fas Kaonsela long Prisaeding Bisoprik. Bisop W. Christopher Waddell, oli sastenem hem blong hem i tekem ples blong Elda Davies olsem Fas Kaonsela long Prisaeding Bisoprik, mo Bisop L. Todd Budge we oli rilisim hem olsem wan Jeneral Atoriti Seventi, oli sastenem hem i kam Seken Kaonsela (posisen we Bisop Waddell i bin holem fastaem).

Elda Enrique Falabella mo Elda Richard J. Maynes tu, oli bin rilisim tufala olsem Ol Jeneral Atoriti Seventi mo oli givim wan emeritus posisen long tufala.

Ol laef stori blong olgeta lida ia, bae yu save faenem stat long pej ia. Oli bin anaonsem tu rilis blong 47 Eria Seventi, mo oli bin singaotem fo Eria Seventi (luk long pej 30).