Kajan̄ Bell eo!

Apuauro Fa’aofo ekar aolep iien iakwe menmenbwij eo an baam̧le. Kar ilo 2017, e im baam̧le jidikdik eo an rekar em̧m̧akūt n̄an Apia Samoa Pesega 6th Ward, ijo ļeo pāleen kar kūr e n̄an jerbal n̄an juon bisop. Emōkaj an Apu kar kile ke ward eo an ekāāl ekar ejjeļo̧k juon būrokūraam̧ ikkijeen menmenbwij an baam̧le. Ekar kōņaan pukot kilen menin.

Juon m̧ōtta eo em̧m̧an jān ward eo ekar kijoroor n̄an jipan̄. Foketi Manon Fuimaono-Malo ekar wōr an kōnaan n̄an kōm̧m̧an menmenbwij jān jibun, eo ekkā an kar jipan̄ kōlaajrake ro uwaan baam̧le eo an. Ke Manon im Apu rekar kōmeļeļe kōn ļōmņak ko aer, rekar lo ruo im jilu wōt baam̧le ko ilo ward eo aer me ewōr aer kamputōr, kōn menin elōn̄ iaan membōr ro ejjeļo̧k aer jeļā kōn FamilySearch, juon kein jerbal ekajoor jān Kabun̄ eo an Jisōs Kraist im Armej ro Rekwojarjar ilo Raan Ko Āliktata n̄an rekoot menmenbwij ko an baam̧le. Ekar juon apan̄ rekar aikuj anjo̧ jāne.

Kōn jipan̄ eo an ko̧o̧njeļ eo an ward eo an, rej ejaake juon kamiti in menmenbwij an baam̧le im kar jion loļo̧k kajjojo baam̧le, jipan̄ er n̄an menmenbwij an baam̧le ko. “Jikin kōmat eo ekar oktak n̄an juon jentōr in kōm̧m̧an menmenbwij an baam̧le,” Apu ekar ettōn̄. “Ekar wōr juon boot mouj eo me em̧ōj je laajrak in etan aolepān baam̧le ko ilo ward eo, im jekkein koba ippān doon aolep jabōt ruo n̄an ribot e loļo̧k ko ad.”

Kijejeto ko ad rekar kōļapļo̧k makūtkūt ko an menmenbwij an baam̧le ilo ward eo. Kamiti eo ren kar aikuj bōktok etan baam̧le ko n̄an m̧weo im̧ōn Apu, ijo remaron̄ kar kōjerbal im intōrnet koonjeņ n̄an kadeļon̄i ilo FamilySearch database.

“Kar ilo Juļae im Okwōj ko,” Apu ej ba. “Kōttōpar eo ekar bwe kajjojo baam̧le renaaj maron̄ bōk 2 et n̄an tampeļ āliktata Nobōm̧ba.”

Mokta ļo̧k wōt, kamiti in menmenbwij an baam̧le (eļaptata Manon im eo pāleen) rekar jerbal ilo m̧weo im̧ōn Apu eiten aolep raan, ekkā aer itaakļo̧k in jibbon̄ taa im pād n̄an bon̄en eo. Āliktata rekar kāālet bwe enaaj ļapļo̧k bwe n̄an ejaake juon m̧akūtkūt n̄an aolepān ward eo: juon m̧akūtkūt eitok kitien 12 awa in n̄an menmenbwij an baam̧le.

Ilo juon bōļaide eaimololo ilo Jeptōm̧ba 2017, Pesega 6th Ward rekar koba ippān doong ilo m̧ōn jar eo aer n̄an kōpelļo̧k m̧akūtkūt eo aer kōn juon nokon an menmenbwij an baam̧le. Kōn m̧akūtkūt eo aer jinoin, kar leļo̧k n̄an er jet pepa im kar kōmeļeļeik er n̄an kōlaajrake emen epepen ilo menmenbwij ko an baam̧le ko aer. Ke aolep pepa ko rekar lōlō ilo dipin m̧ōn jar eo, ward eo ekar lukkuun bwilōn̄ kōn jon̄an lōn̄in baam̧le ko rekar kooneek n̄an doon. “Rekar loe et ko me rej juon wōt innem rekar dānin kōmjaļaaļ im rekar atbokwoj doon ke armej rekar jeļā bwe rej nukiik doon,” Apu ekar. “Makūtkūt in ekar lukkuun kōm̧m̧an juon im̧we im juon jetōb eaibojooj me ekar pād ippāer ilo aolepān bon̄ōn eo.”

Jān iien eo, baam̧le ko rekar bōk koņaaer juon ļo̧k juon im jerbal ippān ro uwaan kamiti eo n̄an kadeļon̄ et ko ilo FamilySearch. Juon bell ekar elļaak ilo juon bo̧o̧t mouj ilo hall eo, im aolep iien juon et ekāāl ej pojak n̄an kain̄i ko an tampeļ, juon ej je etan ilo bo̧o̧t eo innem kajan̄ bell eo.

“Kar jinoin, bell eo ekar jan̄ emakijkij, bolen juon ak ruo kōttan ilowaan wōt juon awa, ak aolep renej bōjrak im kam̧ōņōņōik doon n̄e rej ron̄,” Apu ekar ba. “Ke ej bon̄ ļo̧k wōt, bell eo ekar jan̄ emakijkij—eiten aolep 10 minit—im ejjab to, rekar m̧ōņōņō ippān doon im dānin kōmjaļaaļ kōn lan̄lōn̄.”

Manon ej bar keememej en̄jake eļap iakwe im epaake doon. “Ekar lukkuun ļap kam̧ōņōņō jān aolep membōr ro ilo ward eo me rekar lukkuun kater er. Bell eo ekar jan̄ aolepān bon̄ eo ke aolep rekar en̄jake jetōb in Ilaisha ilo buruōer.”

Ilo bar juon iien ke rekar aolep jerbal, sister eo an Manon ekar Gilderhenomal Sapini Fuimaono ekar diwōjļo̧k bwe en tin bōk juon men jān wa eo waan. Mōn jar eo rej jare ie ekar pojak āinwōt juon jikin aer pād, im Sapini ekar ilbōk im bwilōn̄—eļaptata kōn m̧ootļo̧k in awa—n̄an lale jejjo armej ritūrūier rekar aiin doon ilo nabōj in gate eo. Rekar lam̧ōj e ļo̧k er ilo aer bwilōn̄ļo̧k im kajjitōk, “Ta eo ej waļo̧k ilo m̧ōn jar in bon̄ōn in?”

Ekkar n̄an rein rej jokwe turin m̧ōn jar eo, rejjan̄in kar loe an lukkuun obrak m̧ōn jar eo kōn elōn̄ armej, ro rekar iiōtļo̧k jān jān jikin paak eo ļo̧k n̄an oror eo.

Sapini ekar pok ke ekar lale jikin paak eo ke ej marokļo̧k, me ekar ejjeļo̧k kobban n̄an bolen bujin bujin wa ie. Ak ro rej jokwe turin m̧ōn jar eo rekar jepooļ kōn jarlepju in armej ro rekar jidik jidik aer jakoļo̧k ilo bon̄ōn eo.

Ālkin aer kar kōmeļeļe, Manon, Apu im ro jet jān ward ko aer rekar ļōmņak eļan̄n̄e ro rej jokwe turin m̧ōn jar eo rekar loe jān ran̄ōl e bon̄ōn eo. “Jej m̧ool in en̄jake bwe armej ro rej kappukot etaer rekar pād ijeņ n̄an jipan̄ kōj n̄an tōpar juon kōttōpar ekwabilōn̄bilōn̄,” Manon ej ba.

Men kein rej jejjo wōt iaan m̧akūtkūt ko rekar waļo̧k me ekar waļo̧k ilo iien m̧akūtkūt eo an menmenbwij im ekabwilōn̄lōn̄, ijo jibuki armej rej pād kadede n̄an kain̄i ko an tampeļ.

“Ij iakwe wōt aolep ilo buruō Ij ļōmņak kōn bōn̄on eo me eaibojooj,” Manon ej ba. “Ikar lukkuun m̧ōņōņō in jipan̄ membōr ro ilo ward eo am rekar kate er n̄an jipan̄ ro jibūd im jim̧m̧ad bōk jerbal ko am̧ jerbal. Ran̄ōl ekar lukkuun aidik im jekar en̄jake en̄jake in jetōb ro me eto aer kōttar kōn et ko etare n̄an kōm̧m̧ane jerbal ko an.”