Rijikuuļ in Tonga ro Raar Itok im Jipan̄ Rijikuuļ eo m̧o̧ttaer

Ke kijeek eo eaar kakkure juon bukwōn ilo Polynesia, jipan̄ ekar jab ettoļo̧k. En̄in ej wāween eo men ko rej jerbal ilo jukjuk in pād ko relukkuun in ippān doon an Pacific.

Men in ekar m̧ool eļap tata n̄an Tevita Lei, juon rijikuuļ in Saineha High School ilo Vava’u, Tonga.

Ke m̧weo im̧ōn baam̧le eo an ekar lukkuun jorrāān jān kijeek, ekar jako aolep men ko m̧wier. Raan eo tok juon, rijikuuļ ro m̧ōttan raar ain doon im ekōnono kōn ta eo baam̧le ekar aikuji n̄an jino bar jepļaak n̄an m̧okta.

Mele’ana Mafi ej katakin computer science ilo jikuuļ eo, eo ej pād ium̧win kappe eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Liin ej keememej raan eo ke eaar reito-reitak ilo kūlaajruum̧ eo an im kar kile bwe ekar jako juon. Rijikuuļ ro raar kapene bwe Tevita Lei ekar jako ijo.

Rūkaki eo eaar kajjitōk, “Etke e ejako ijin?”

Juon ainikien emera jen lik eaar ba, “Mweeo m̧ōn eaar bwiļ wiik eo ļo̧k.”

“Iien ekōnono eo am eļem waan ekar tōlļo̧k aolep n̄an ļōmņak eļap,” Mele’ana ejr keememej.

“Rijikuuļ ro raar jino baļentier n̄an jipan̄ļo̧k kōn menin aikuj ko eļap tata aikuji, ko āinwōt iuniboom̧ ko, kein jikuuļ ko, juon pākpāk kāāl. Aolepān rijikuuļ ro raar baļintier n̄an jipan̄ļo̧k kōn men ko jet ko āinwōt m̧ōn̄ā, nuknuk im ko̧o̧j māņeņ.

Innām Mele’ana eaar jibadōkļo̧k principle eo an jikuuļ eo, Motuliki Fakatava, im ba n̄an e kōn jekjek eo im lale eļan̄n̄e emaron̄ leļo̧k iaļ n̄an ro uwaan kūlaaj eo n̄an būkilo̧k m̧weiuk ko raar aini. Eaar m̧ōkaj in errā.

“Ilo iien eo wōt ke Mele’ana eaar ba n̄an eō bwebwenato in,” Motuliki eaar ba, “Iaar en̄jake juon en̄jake in kam̧m̧oolol eo etōr jān jon̄an. Jejjo allōn̄ ko remootļo̧k, ikar en̄jake im̧we n̄an jino kōjenolo̧k ilo joko eo jet m̧ōn̄ā ko im nuknuk ko, bōtaab ikar jab jeļā etke ak wōn eo enaaj n̄an wōn. Ilo iien eo wōt Mele’ana eaar ba n̄an eōk bwebwenato in, iar jeļā menin ekar iien eo ejetjet im jibadbad eo.

Raan eo juon, aolep ro uwaan kūlaaj in computer eo an Tevita raar etal ilo baj eo waan jikuuļ ilo iien kakkije im kar etal im lale ta eo epād wōt ilo m̧weeo im̧ōn. Ilo kakobaba n̄an m̧weiuk ko an Motuliki, rijikuuļ ro raar bōktok ippāer aolep men raar aini ekoba jet men raorōk āinwōt rice, pilawā, jukwa, piin im petkōj.

Raar lo Tevita im jemen ijo ippāer make ippān men ko repād wōt ilo m̧weeo.

“Iaar jiron̄ jemen kōn unleplep in am̧im kar ito im kar kajjitōk an mālim n̄an kōm̧m̧ane jidik iien jar ippāer,” Mele’ana eaar ba.

“Ke kōm kar jino al, ‘Kimij Kamolol Yuk, O Anij Kin Juōn DriKanan,’ kōm kar lukkuun en̄jake jetōb im kar kam̧ool iakwe eo an Anij n̄an Ajri ro nejin. M̧ool eo an jar eo kar leļo̧k ilo m̧ool un̄ur eo an bōro eo am im kar kōm̧m̧an bwe aolep ren kemejaaļaļ.

Liin eaar ba: “Ekar lukkuun rub būruwō ke iaar tōkeakļo̧k im lo Tevita im jemen inam̧ōj kajjieon̄ in karreoiki menkwarraar ko im men ko rebwiļ ilo m̧weeo m̧weer. Iaar jeļā ilo būruwō ke en̄in ej men eo ejim̧we bwe kōmin kōm̧m̧ane.”

Jet iaan rijikuuļ ro raar kwaļo̧k aer en̄jake kōn loļo̧k eo aer n̄an ippān Tevita im jemen:

• “Bon̄ ikar pok kōn ta eo ij aikuj bōkļo̧k n̄an baam̧le eo. Ekar itok n̄an ļōmņak eo aō bwe ejjab aorōk eļan̄n̄e ej juon men eo edik, kilep, dik wōņāān ak ļap wōņāān, bōtaab kwar kajjieon̄ ijo em̧m̧an tata ippam̧ n̄an jipan̄. Ej kwaļo̧k n̄an baam̧le eo an Tevita ke ejjab jem̧ļo̧k eo in im bwe Irooj ej iakwe er. Iaar lo ettōn̄dikdik ilo mejeer, im ekar kakeememej eō kōn baam̧le eo aō.”

• “Ij kōjatdikdik bwe ta eo kōm kar leļo̧k n̄an er ekar juon jipan̄ eļap n̄an baam̧le eo aer. Jān jipan̄ ro jet, kom̧ij ekkatak n̄an iakwe er āinwōt kōm make. Ij kam̧m̧oolol, im Anij en kōjeraam̧m̧an baam̧le eo aer.”

• “Ke kōm kar tōkākļo̧k, ikar pijaik eō make ilo jekjek eo me ej pad ie, kōn kain apan̄ kileplep eo im kakkōt eo n̄an mour. Ekar un̄ur eō eļap tata ke jemān ekar ba bwe ej kam̧m̧oolol bwe Tevita ekar wōr an baam̧le ijello̧k in baam̧le eo an make, meļeļe in kōm, rijikuuļ in kamputōr ro m̧ōttan.”

• “Lo m̧ōņōņō eo an rijikuuļ ro m̧ōtta’ n̄an jipan̄ e elukkuun in kar un̄ur būruō. Ekar kwaļo̧k iakwe eo an juon baam̧le ewōr ippam ilo kūlaaj eo am. Jekdo̧o̧n ta ewi kilep in jipan̄ eo am n̄an Tevita Lei, ejjab aorōk, bōtaab ta eo ekar aorōk ekar bwe rijikuuļ ro m̧ōttam raar m̧ōņōņō in leļo̧k juon jipan̄ eo n̄an eo jeium im jatim ejitōn bōro. Kōmij jamin naaj likūt jabdewōt itulik.”

• “Ijeļā bwe jemen Tevita ekar lukkuun m̧ōņōņō kōn ta eo kōm kar kōm̧m̧ane. Ekar ba bwe kiiō emaron̄ en̄jake bwe ‘ewōr juon an ļaddik eo nejin baam̧le me rej kea wōt kake e.’ Aolep ro ilo mour in rej aō baam̧le.”

• “Iien eo wōt iaar lo būratōr in, būruwō im aō eaar obrak kōn jetōb in iakwe. Iaar kam̧m̧oolol rūkaki eo aō kōn jetōb in em̧m̧an me ekar im̧we kōm āinwōt juon kūlaaj in computer n̄an loļok rijikuuļ eo m̧ōttam ejitōnbōro Ti Lei. Iaar en̄jake iakwe eo an Jisōs n̄an ro Nejin.”

Mele’ana eaar kōmeļeļeik ļōmņak ko an kōn en̄jake in: “Ij kam̧m̧oolol kōn iien in em̧m̧an bwe kūlaaj in am̧ en loļo̧k Tevita. Ta eo ekar waļo̧k jibbon̄in ekar juon ijjino ilo tōre in am̧. Jerbal in jouj, jerbal ippān doon, iakwe, jouj, im jerbal in jipan̄, em̧ool ej kwaļo̧k wōn lukkuun er. Rej ļaddik im leddik ro nejin Jemedwōj Ilan̄.”

Ke iaar ro̧o̧ltok n̄an kūlaajruum̧ eo aō im kōļmenļo̧kjeņ kōn rijikuuļ ro aō im em̧m̧aan eo im tiriam̧o eo an Anij n̄an ro Nejin, eoon eo ilo Alma 26:37 (Ilo Bok in Mormon: Bar Juon Kallim̧ur kōn Jisōs Kraist) eaar itok n̄an kōļmenļo̧kjeņ eo aō:

“Kiiō ro jeiū im jatū, jej lo bwe Anij ej lōmņak kōn armej otemjeļo̧k, jabdewōt āne eo rej pād ie; aaet, E ej bwine armej ro An, im An būruōn tūriam̧o rej ioon aolepen laļ. Kiiō en̄in ej m̧ōņōņō eo aō, im aō kam̧m̧oolol eļap; aaet, im iaan leļo̧k kam̧m̧oolo n̄an aō Anij indeeo.”