Jodikdik in Kabun̄ ko rej Koba Ippān Doon n̄an Lale Social Media im Kabun̄ in ilo Fiji

“Social media emaron̄ in juon ejipan̄ kwaļo̧k juon men n̄an kōketak bōro kuk kōjekdo̧o̧ņ oktak ko ilo kabun̄ im tōmak ko ilo m̧anit,” Willie Irava, juon rūm̧m̧an ded ejjeļo̧k karejeran jān Kabun̄ eo an Jisōs Kraist im Armej ro Rekwojarjar ilo Raan-ko Āliktata, ekar ba kiiō epaak.

Irava ekar kōnono ilo Inter-Religious Dialogue Youth Spiritual Event būrookraam̧ eo, kar ejake jān Missionary Society of Saint Columban ilo Fiji.

Ekar kwaļo̧k bwe ilo an wōr ilo m̧ool juon ļōmņak enana ekar koba ippān social media im kabun̄ im oktak ko m̧anit, kalimijōk wōt em̧m̧an ko remaron̄ kadikļo̧k inepata ko ilo ikitōltōl im jipan̄ ejake juon jukjuk in pād eļapļo̧k kōņaan im meļeļe.

“Kōjekdo̧o̧n tarpok ko me rej jepooļ kōj ioon laļ in im em̧ool ilo social media platform ko, jemaron̄ ukōt men jab in kōn kwaļo̧k men ko rem̧m̧an kōn tōmak ko me ewōr ippād im men jab in emaron̄ ukōt juon jukjuk in pād. Men̄e nanan ej ļapļo̧k, em̧m̧an enaaj aolep iien kōmakunļo̧k,” ekar ba.

Irava, ippān rūm̧m̧an ded ro jet jān Suva Fiji Stake eo (kumi in jarlepju ko) raar jutak ilo etan Kabun̄ eo an Jisōs Kraist im Armej ro Rekwojarjar ilo Raan-ko Āliktata ilo m̧akūtkūt eo me ekar kōm̧m̧an ilo Sacred Heart Cathedral ilo Suva.

Raar pedped wōt ioon unin tōl eo “Baam̧le ko Rej Indeeo,” kar ejake juon pija in alooj me ekar jipan̄ kwaļo̧k aorōk eo an tampeļ ko ilo karōk eo ekwojarjar an Jemedwōj Ilan̄ im ekōjkan ļōmņak eo kōn pād indeeo ippān ro rejitōnbōro ekar kapidodoik kōn Pinmuur eo an Rilo̧mo̧o̧r, Jisōs Kraist.

“Jān social media, ewōr ad iien em̧m̧an n̄an kwaļo̧k im ekkejel ippān baam̧le ko im ro rejitōnbōro. Kōmij tōmak āinwōt ro uwaan Kabun̄ in bwe baam̧le ko rej indeeo, ejja āinwōt an Irooj kar karōke, im jej tōmak bwe jemjerā ko me rej ejaake ijin ioon laļ in maron̄ pād n̄an indeeo,” Irava ekar ba n̄an ro raar pād.

Būrookraam̧ eo ekar letok juon m̧ōņakjen n̄an jodikdik ro im rūm̧m̧an ded ro ejjeļo̧k karejeraer n̄an kwaļo̧k im leto letak meļeļe ko kōn tōmak ko an kabun̄ eo aer.

Jijlimjuon kumi iin kabun̄ ko roktak jān doon raar itok ilo etaer ilo pād ilo m̧akūtkūt eo ekoba Kabun̄ in Methodist, Local Spiritual Assembly of Baha’i Faith, Arya Prantinidhi Sabha of Fiji, Then India Sanmarga Ikya (TISI), Kabun̄ in Catholic, im Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Elōn̄ļo̧k jān 50 jodikdik ro im rūm̧m̧an ded ro ejjeļo̧k karejaer raar pād.

“Ikar lukkuun in m̧ōņōņō in ioon armej ro jān kabun̄ ko jet im jeļā kajjier ilo jekjek eo an juon make,” Mercedes Semaan ekar ba. “Ekar āinwōt juon forum eo epeļļo̧k im ikar lukkuun en̄jake ruwainene.” Ejjeļo̧k kajjitōk ibar kōņaan kōm̧m̧ane menin.”

Kōnono n̄an rijikuuļ ro ilo Brigham Young University eo ilo 2014 eo, rijilōk eo an Armej ro Rekwojarjar ilo Raan-ko Āliktata, Elder David A. Bednar, ekar ba, “Irooj ej libwijerjer jerbal eo An, im ejjeļo̧k jide bwe kein leto letak meļeļe kein rekajoor im men kein loe rej waļo̧k ilo tarlep in iien bōk eddo in an tarlep in iien ko. Social media channel ko rej kein jerbal ko aolepān laļ in me remaron̄ jelet juon oran eo eļap an juon make im em̧m̧an an kajjojo armej im baam̧le ko.”