Tama Taalo Lakapi Liki Talavou o le Au a ‘Melbourne Storm’ na Faamalosia e Lona Faatuatua ma Lona Aiga

O le miti a Dean Ieremia o le atina’eina o ona tomai ina ia “ta’a’alo ma tama i luga o le TV” na taunuu lata mai nei. O le aso 30 o Aperila na ia taalo ai i lana taaloga muamua i le lakapi liki a Ausetalia, ma le au tele o Melbourne Storm.

O se tagata o Le Ekalesia a Iesu Keriso o le Au Paia o Aso e Gata Ai, ua ia faapea mai, “Sa ou faia se folafolaga i le Atua afai e mafai ona faaleleia o’u tomai e taalo ai, o le a ou tausia poloaiga.

Sa ou faatutūina ni tulaga faatonuina ma u’una’ia ai a’u e lo’u faatuatua ina ia tausia nei mea. Sa ou galue malosi ma na aumai e le Atua le avanoa.”

Na faaauau pea Ieremia, “O se tasi o mafuaaga ua ou filifili ai e taalo mo Melepone ona e faamuamua e le kalapu le āiga, ma e tāua le āiga ia te a’u.”

Na ia faafetaia ona matua mo le la lagolago le faatua’oia i le tele o lu’itau ma tofotofoga. Na ia fai mai ua faate’ia ma fiafia o ia e vaai i le vaega toatele o aiga ma uo i le taaloga, o loo uuina se pepa lautele mo ia.

Sa malosi le puipui i le “ulua’i taaloga” a lenei tamafanau a le nuu.” Na avea o ia ma sui o Vitolia mai le au taaalo e i lalo ifo o le 14 tausaga agai atu i le au taaalo e i lalo ifo o le 20 tausaga ma taalo ai mo le au laiti a le Storm ma isi au fili a o le’i mauaina mulimuli ane se valaauga i le vaega a le NRL i le taamilosaga lona valu.