Kwa ajili ya Wazazi
Mpango wa Mungu Ni kwa ajili Yenu
Wapendwa Wazazi,
Tunapojifunza taswira, alama na mafundisho ya Agano la Kale, tunaweza kuelewa vyema mpango wa Baba yetu wa Mbinguni kwa ajili yetu na jukumu la Yesu Kristo katika mpango huo.
Makala za toleo la mwezi huu zinaweza kukupa mawazo kwa ajili ya kuwafundisha watoto kutoka kwenye Agano la Kale na kuhusu mpango wa Mungu kwa ajili yetu.
Baba wa Mbinguni Ana Mpango Mtakatifu kwa ajili ya Watoto Wake
Kwa Nini Ni Muhimu Kuelewa Mpango wa Mungu wa Wokovu? Tumia “Misingi ya Injili” kwenye ukurasa wa 10 kuwafundisha watoto wako umuhimu wa Anguko la Adamu na Hawa. Kwa pamoja, mngeweza kutengeneza orodha ya baraka na fursa tulizonazo katika maisha kwa sababu tulikuja duniani.
Baada ya kusoma makala ya Mzee Quentin L. Cook kwenye ukurasa wa 6, jadilini kama familia baraka ambazo zimekuja kwenye maisha yenu kwa kujua kwamba Mungu anao mpango wa kuwaokoa watoto Wake.
Kujifunza Agano la Kale
Ongeza kujifunza kwako Agano la Kale kwa kusoma makala kwenye ukurasa wa 20 na 26. Unajifunza nini ambacho kinakusaidia kuelewa Agano la Kale? Kwa maombi jadili na familia yako ni malengo gani mnayo kwa ajili ya kujifunza kwenu Njoo, Unifuate mwaka huu.
Ufahamu wa Njoo, Unifuate
Ona ukurasa wa 30 kwa ajili ya maelezo ya mchoro juu ya Uumbaji na nyenzo zingine za kusaidia kujifunza kwako Njoo, Unifuate.