O Le Feagaiga Faa-Aperaamo

Na folafola atu e le Atua ia Aperaamo e faapea “o le toatele e taliaina lenei Talalelei o le a … faitauina o au fanau” (Aperaamo 2:10). O a tatou feagaiga i le papatisoga ma le malumalu e mafai ai ona tatou maua faamanuiaga o le feagaiga faaAperaamo ma avea ai i tatou o se vaega o le nuu o le feagaiga a le Atua, pe afai tatou te faamaoni (tagai Esekielu 11:20).

O ai Aperaamo ma Sara?

Ata

Abraham and Sarah

Ata o Aperaamo ma Sara na tusia e Dilleen Marsh

O Aperaamo ma Sara o ni soo faamaoni o le Atua o e sa ola pe tusa o le 2000 TLM. Sa tele o laua tofotofoga, ae ona sa sailia e Aperaamo le perisitua ma “faamanuiaga o tamā” (Aperaamo 1:2), sa osia e le Atua se feagaiga ma ia ma folafola atu o le a faaauau pea le feagaiga i e tupuga mai ia Aperaamo ma Sara. Sa faamanuiaina Aperaamo ma Sara ona o lo laua faamaoni.

O a mea o aofia i le feagaiga faa-Aperaamo?

Faamanuiaga Folafolaina

O se nuu folafolaina e nonofo ai (tagai Kenese 13:14–15).
O e tupuga mai ia i latou e toatele “e pei o fetu o le lagi” (Kenese 22:17).
O le talalelei a Iesu Keriso ma le perisitua (tagai Kenese 17:7; Aperaamo 2:9–11).

Tiutetauave

Aumai le atoatoaga o le talalelei a Iesu Keriso i fanau uma a le Atua ina ia “manuia ai aiga uma o le lalolagi” (Aperaamo 2:11; tagai foi Kenese 22:18).
Usitai i poloaiga a le Atua (tagai Kenese 18:19).