“Meram eo an Laļin,” Liaona, Jān. 2023.
Ruwainene n̄an Bok In
Meram eo an Laļ
Meļeļe eo jān Focus on Joy, jān Michael T. Malm
Ilo ad ejerakrōk ilo mour in, jej ioon māllijon̄ ko, ekoba jekjek ko reppen an baam̧le. Māllijon̄ kein remaron̄ kōm̧m̧an menin ad en̄jake ad makeļo̧k iaad, inepata, ak eddodo. Eļan̄n̄e jej oktakļo̧k n̄an ijo em̧ool jikin bōk meram, Rilo̧mo̧o̧r Jisōs Kraist, enaaj em̧m̧anļo̧k ad m̧adm̧ōd e jekjek ko ad reppen.
Ilo māākjiin in, Būreejtōn M. Russell Ballard ekar kalikkar wāween ko jemaron̄ eļļāļo̧k jān būraabļōm̧ ko ad. Ej ba, “meram eo [an Kraist] … ej joļo̧k ellōr ko an laļin jān ilubwilijid im kōļmenļokijen ko ad” (peij 4).
Āinwōt juon eo ekar juon therapist ikkijeen m̧arre im baam̧le, ikar jerbal ippān elōn̄ baam̧le ko ro rekar jelm̧aik apan̄ ko reļļap. Baam̧le ko me rekar bōk iien kajjojo raan n̄an kadeļo̧n̄ Kraist ilo mour ko aer rekar lo jemjera eo an meram im iakwe eo An ilo aer jelm̧aik apan̄ ko aer. Ij kwaļo̧k jet iaan bwebwenato kein ilo bwebwenato in aō ilo peij 8.
Ij kam̧m̧oolol kōn iien eo em̧m̧an ekwojarjar ikar bōk, ilo jerbal eo aō, n̄an loe baam̧le ko im kajjojo armej ro kobaļo̧k ippān Rilo̧mo̧o̧r ilo iaļ eo m̧aanļo̧k n̄an erom̧ armej in Zaion (lale Moses 7:18). Ij loe jidik in aelōn̄ in lan̄ kajjojo iien ij loe pein Irooj ilo mour eo an juon armej.
Kōn eļap kam̧oolol,
Christy Monson