Jerbale Men ko Reppen ilo Jemjerā ko

Tom im Joan (et ko rekar ukoti) rekar jim̧ōr luuji ro pāleer. Kōrā eo pāleen Tom ekar mej jān nan̄inmej in cancer, im ļāeo ippān Joan, kōn an̄ūrlep, ekar ilo̧k jān jemerā eo aerro n̄an bar jet. Tom im Joan rekar ioon doon ilo juon kweilo̧k eļap an single im rekar errim̧aanļo̧k n̄an m̧are.

Kajjojo iaer ekar wōr nejier, iiō 15, im ium̧in. Baam̧le ko aer rekōn ital ipped doon ļo̧k kōm̧m̧an m̧akūtkūt in kalimomo ko nam̧ōj, im jimōr Tom im Joan rekar loe jet būraabļōm̧ ko remaron̄ walo̧k ilo baam̧le ko aerro jim̧ōr. Rekar pojak tok n̄an iien counseling kōn jet ļōmņak ko im wāween ekōņōņō ko rekkar im ājimourur n̄an jerbale jepta in ekāāl ilo mour ko aerro.

Ikar leļo̧k juon ļōmņak bwe erro en etale enaan eo kōn kweilo̧k ko ilo baam̧le jān Būreejtōn M. Russell Ballard, Ripenej Jenkwan Būreejtōn eo an Doulul eo an Jon̄oulruo Rijilōk ro. “Ajir ro relukkuun in aikuji ro ro jinen im jemen kōņaan eo n̄an ron̄jake er, im ko̧o̧njeļ an baam̧ļe emaron̄ letok juon iien me ro uwaan baam̧ļe eo remaron̄ katak n̄an meļeļe im iakwe doon.”¹

N̄an kweilo̧k ko an baam̧le eo arro, rekar kālet n̄an ļoor agenda in ilaļ:

1. Kōmeļeļeik būraabļōm̧ eo.

2. Ļōmņak kōn wāween ko n̄an jerbale.

3. Kālet juon karōk.

4. Kōjerbale ak kōm̧m̧ane

5. Etale tōprak eo an karōk eo ilo wiik eo tok juon im kōm̧m̧an oktak eļan̄n̄e emenin aikuj.

N̄an kakkobaba n̄an counseling ippān doon āinwōt juon baam̧le, Tom im Joan rekar ekkatak bwe n̄e inepata ko ilo jemjerā eo ej ļap im utiej, enaaj bar maron̄ wōr juon wāween n̄an kōkm̧anm̧anļo̧k ekōnono ippān juon-ippāņ-juon.

Tom im Joan rekar ekkatak elōn̄ kilen ko n̄an jipan̄ er kōkm̧anm̧anļo̧k wāween aer ekōnono im jemjerā ko aer ippān ajri ro nejier.

• Ro jinen im jemeer rekar jutak ippān doon ilo aer kappukot jekjek ko n̄an jerbale būraabļōm̧ ko ippān ajri ro.

• Eļan̄n̄e juon ajri ej apan̄ n̄an an kadedelo̧k juon jerbal, juon iaan ro jinen im jemen rej joļo̧k aer iien ippāer, ekōnono kōn raan eo ilo aer jerbal n̄an kadedeļo̧k jerbal ko.

• Rej joļo̧k aer iien kajjojo wiik kam̧wilaļļo̧k jemjerā ko aer ippān kajjojo ajri.

• Rej ejaaki iien ko m̧oktaļo̧k ke renaaj kōm̧m̧an iien kakkije jidik n̄e “en̄jake ko” an kōmālij (lam̧ōj) ej bōk jikin wāween jerbale ko “rekkar,” (ekōnono).

• Jabdewōt iien ewōr apan̄ ilo kajoor ikōtaan ro jineer im jemeer im ajri eo, eo jinen ak jemen, n̄e ej bōk im̧we n̄an kōm̧m̧ane, ej etal jene im bar jepļaaktok tok ālik n̄an ļōmņake ippān doon juon wāween eo enaaj jerbal.

Ilo an baam̧le eo kōm̧m̧an ijo koņaer em̧m̧antata ilo tiljek im wāween ko rājimourur n̄an ioon apan̄ ko an jemjerā—ekōnono kōn apan̄ ko aer im jerbali ippān doon—Tom im Joan rekar loe eddōkļo̧k eo aurok ilo ajri ro nejier im er barāinwōt.

Ilo an ajri ro erom̧ rutto ro, rejjab iien otemjej kōm̧m̧ani kālet ko jej kōņaan bwe ren kōm̧m̧ani. Ekojkan ad jerbale kain jekjek rōt in? Ekōjkan ad dābij ak em̧ool kōkajoorļo̧k jemjerā ko ad bwe jen maron̄ wōnm̧aanļo̧k ilo ad juon eo ej rie im juon waanjon̄o̧k eo ejim̧we ilo mour ko aer?

Terry im Bruce rekar itok n̄an opij eo aō jidik iien ālikin an Terry im ļaddik eo nejin, Seth, kar akweel ilo taļeboon. Seth ekar ped ettoļo̧k ilo jikin jikuul jilu iiō ko. Ekar wōr juon n̄aninmej eļap ippāņ im ekar ped wōt ium̧win pein im kōjparok an toktō ro. Kōn n̄aninmej in an, ekar jab jerbale juon mijen. Terry im Bruce rekar jab jeļā ewi naan in kam̧ool eo an ak eļan̄n̄e ej ke jar wōt. Rekar inepata bwe Jolyn, ledik eo ekāāl jeran Seth, ekar jab juon waanjon̄o̧k eo rekar kōņaan n̄an mour eo an Seth. Jim̧ōr jinen im jemen rekar inepata kōn iaļ eo ekar ļoore.

Ilo am kar ekōnono kōn ta eo rej aikuj kōm̧m̧ane, kōm ekar ekōnono kōn parable eo an sip eo ejebābwe. Seperd eo ekar bōlen keron̄jake ainikien an lamb eo jan̄ m̧okta jān an kar loe, iakwe, im kōjepļaaktok n̄an lowaan oror eo (lale Luk 15:6). Terry im Bruce rekar kile bwe reban maron̄ ukot Seth, ak remaron̄ kālet n̄an ron̄jake, iakwe, im karuwaineneik e n̄an m̧weo. Rekar jab maron̄ kālet wōn eo pāleen ak iaļ in mour eo an n̄ane, ak remaron̄ kar kōkemeemej e kōn iakwe eo an baam̧le eo aer n̄ane im n̄an gospel eo.

Terry ekar ko̧o̧le Seth im joļo̧k an bwōd ippān kōn akweel eo. Ekar wōt ron̄jake an ba n̄an e kōn an jook kōnke ejjan̄in jerbale juon mijen. Ekar ļōmņak kōn wāween an maron̄ jerāiki juon leddik jān Kabun̄ in. Rekar karuwaineneik Seth im Jolyn n̄an m̧we ilo juon iien karn̄ jikuuļ kakkije.

Seth im Jolyn rekar itok. Sister ro an Seth rekar atabo̧kwij rijerā ro. Jim̧ōr ro jineer im jemeer rekar iakwe an Seth bar ped m̧weo im rekar ba n̄an e. Terry im Bruce rekar emakijkijļo̧k aer tōpar im ekkeij ippān Seth. Terry ekar jejeļo̧k elōn̄ kattan ilo juon wiik. Baam̧le eo rekar kōm̧m̧an aer iien bitio ko̧o̧ļ kajjojo Jabōt. Jemen Seth ekar joļo̧k an iien golf im en̄od ippāņ. Ekar jab m̧ōkaj an waļo̧k, ako Seth ekar bar juon wōt ippān baam̧le eo. Āliktata, Seth ekar kālet bwe iaļ eo an Jolyn ekar jab jim̧we n̄an e. Tokālik ekar m̧areik juon leddik em̧m̧an eo ekar peptaiji.

Terry im Bruce rekar bar loe lamb eo nejier ekar jebwābwe ilo aer ron̄jake, iakwe, im karuwaineneik tok n̄an oror eo.

Pija

Kōrā im em̧m̧aan eo rej joļo̧k an jorrāān bridge eo.

Jerbale oktak ko ippān doon emaron̄ kōkajoorļo̧k jemjerā ko im kōm̧m̧an eddōkļo̧k.

Marie im eo pāleen, David, rekar m̧are ium̧win eļōn̄ iiō ko im rekar ro uwaan jukjuk in ped eo im eļap kautiej erro. Ak juon raan Marie ekar ekkatak bwe, ilo an David jaje, bwe ekar bar pād ilo juon jemjerā ippān bar juon kōrā.

Marie ekar itok n̄an opij eo aō, kōn en̄jake ko in illu, būrum̧ōj, inepata. Ke ej jan̄ ilo an kwaļo̧k bwebwenato eo, ekar jeļā bwe ej aikuj ba n̄an David wāween an en̄jake ak enjab ilo juon wāween eo ellu, bwe Jetōb en maron̄ pād ippāerro.

Ālkin jar im kōpojak, ekar ba n̄an David ke ej iakwe e im bwe ekar ilbōk kōn jemjerā eo an ippen bar juon kōrā. Rej aikuj ioon bisop eo aerro im ļōmņak kōn iaļ in jibadōk eo an m̧are eo aer. David ekar jab kōņaan luuji kōrā eo pāleen im baam̧le eo an. Kōn jipan̄ jān bisop eo an, ekar wōnm̧aanļo̧k ilo m̧akūtkūt ko in ukweļo̧k.

Marie ekar jeļā bwe ewōr men ko erro jim̧ōr aikuj naaj kōm̧m̧āni n̄an kappukot kōmour ilo erro make im āinwōt juon ripālele. Marie ekar kajjitōk ippān David n̄an jokwe ilo m̧weo im̧ōn ro jinen im jemen ium̧win jidik iien ilo an m̧okta karōk en̄jake ko an. Ekar joļo̧k iien ilo tampeļ, kajjitōk ippān Irooj n̄an jipan̄. Ekar pād wōt ilo therapy, kōkajoorļo̧k jeļā ko an ilo wāween ekōnono im ekkatak n̄an kōm̧m̧ani jem̧ļo̧kin pedped ko rekkar.

Ippān doon, Marie im David:

• Rekar riiti jeje ko rekwojarjar kajjojo bon̄.

• Rekar jar.

• Kwaļo̧k ippān doon men ko rej kwaļo̧k ilo juon raan.

• Kōm̧m̧an aerro iien date juon bon̄ ilo juon wiik.

Ekar ļapļo̧k aer ekōnono ilo ejjeļo̧k ennojak. Marie ekar ba ta eo ej ļōm̧ņake, im David ekar ron̄jake. Rekar jinoe ekōnono ippān ajri ro nejier āinwōt aer kijon̄ kōm̧m̧ane jinoun in aer kar m̧are.

Marie ekar kwāļo̧k bwe ekar jab David wōt ekar oktak; ak e barāinwōt. Ekar en̄jake an kajoorļo̧k im ļapļo̧k an peran ilo e make. David ekar pād wōt ilo an ukweļo̧k im ekar bar jepļaak n̄an m̧weo.

Kobaik Irooj ilo mour ko aer kajjojo raan ekar boktok eļapļo̧k lōke im iakwe n̄an jemjerā eo aerro. Erro jim̧ōr ekar en̄jake bwe kijejeto eo n̄an anjo̧ jān apan̄ in ippān jipan̄ eo an Irooj ekar kōkajoorļo̧k erro.

Ilo ad jerbale jemjerā ko reppen an baam̧le, jen aolep kemeemej n̄an jijet ilo kapilōk ippāņ Irooj. Jet iien E enaaj ba n̄an kōj ta eo n̄an kōm̧m̧ane. Jet iien jemaron̄ kālet. “Ejjab ekkar bwe In aikuj jiron̄ kom̧ ilo men otemjeļo̧k” (Katak im Bujen Ko 58:26). Ak ewōr bar jet iien jenaaj aikuj ukōtļo̧k kōj make n̄an Irooj. Eļan̄n̄e jenaaj dāpij juon erreim̧aanļo̧k eo an mour indeeo, m̧weie ko an baam̧le indeeo enaaj ad “aolep men ko naaj jerbal ippān doo n̄an em̧m̧an eo [ad]” (Katak im Bujen Ko 90:24).