“Ta Kar Mijen im Jerbal in Karejar an Kraist?,” Liaona, Jān. 2023.
Itok, Ļoor Eō
Ta Kar Mijen im Jerbal in Karejar an Kraist?
The Sermon on the Mount, jān James Tissot © Brooklyn Museum of Art / Bridgeman Images
Jisōs Kraist ekar kōm̧m̧an bujen kallim̧ur ilo mour eo m̧okta n̄an itok n̄an Laļ in im erom̧ ad Rilo̧mo̧o̧r (lale Moses 4:2; Ebream 3:27). Āinwōt juon ad Rilo̧mo̧o̧r, E ekar kōtōprak jim̧ōr mijen im jerbal in karejar eo An.
Būreejtōn Russell M. Nelson ekar kōmeļeļeik: “Mijen eo an Irooj ilo mour in ej n̄an kakūrm̧ool Pinmuur eo [im] n̄an kōm̧m̧an bwe mour indeeo en maron̄ n̄an aolep ro renaaj ekkar n̄an e. … Jerbal eo an ekar aolep men ko ekar kōm̧m̧ani—Kabwilōn̄lōn̄ ko An, Katak ko An, Iakwe eo An, mije eo An ioon kain̄i ko, An katakin kōj wāween jar.”1
M̧akūtkūt ko in mijen im jerbal in karejar an Kraist rej kōmeļeļeik ilo elōn̄ jikin ko ilo jeje ko rekwojarjar. Lale kōmeļeļe kein kar letok jān Jinen, Meri, ilo Luk 1:46–55. Hanna, bar juon waanjon̄o̧k kōn pokake, ekar kōm̧m̧ane jar eo an ejjeļo̧k oktak kōn jerbal in karejar eo an Irooj ilo 1 Samuel 2:1–10.
Ilo an Itok, Ļoor Eō bok eo elmakot, komaron̄ keidi men kein ippān Kōjeram̧m̧an ko an Jisōs ilo Matu 5:3–12.2
Ļōmņak in kōlaajraki jet iaan m̧akūtkūt ko ilo jerbal in karejar an Kraist me eoon kein rej kōmeļeļeik, juon m̧akūtkūt em̧ōj kōlaajrake āinwōt juon waanjon̄o̧k:
-
Kraist ekar itok n̄an jipan̄ joļo̧k ad kwole ilo jetōb (lale 1 Samuel 2:5; Luk 1:53; Matu 5:6).