“San José, Costa Rica,” Liahona, Disyembre 2023.
Ang Simbahan Ania Dinhi
San José, Costa Rica
Ang nasyonal nga kapital sa Costa Rica, ang San José, anaa sa Central Valley, gipalibotan og mga bukid ug mga bulkan. Ang unang mga misyonaryo sa Ang Simbahan ni Jesukristo sa mga Santos sa Ulahing mga Adlaw miabot sa Costa Rica niadtong 1946. Karon, ang Simbahan sa Costa Rica adunay:
-
52,000 ka miyembro (gibanabana)
-
10 ka stake, 78 ka ward ug mga branch, 2 ka misyon
-
1 ka templo sa San José
Mamugnaon nga Pagkat-on sa Ebanghelyo
Sa Heredia, amihanan sa San José, si Jeremy ug si Estefania Brandaris ug ang ilang anak nga lalaki nagtuon sa ebanghelyo isip usa ka pamilya. “Ang among anak aktibo kaayo, mao nga dali ra kaayo siyang malinga,” nag-ingon si Estefania. “Ang mga litrato, mga bidyo, pagbalik-balik sa hugpong sa mga pulong, ug pagdula nagtabang kaniya sa pagkat-on. Karon ang iyang paborito nga pulong mao ang Jesus.”
Dugang pa mahitungod sa Simbahan didto sa Costa Rica
-
Usa ka batan-ong babaye gikan sa Costa Rica nagpasalig sa pagtuman sa iyang mga pakigsaad, bisan unsa pay mahitabo.
-
Bisan pa man sa pagkawala sa tanan diha sa makalilisang nga baha, usa ka pamilya sa Costa Rica nakakaplag nga anaa pa gihapon nila ang tanan nga maoy importante.
-
Panahon sa Pasko sa Costa Rica, usa ka pamilya mipakigbahin sa kalipay sa paghatag uban sa mga misyonaryo.
-
Usa ka young adult nga lalaki gikan sa Costa Rica mipakigbahin sa iyang mga hunahuna mahitungod sa pagbuntog sa espirituhanon nga pagkabinhod.
-
Usa ka kickboxer gikan sa Costa Rica gi-feature sa usa ka salida sa Simbahan.
Si Elder Dale G. Renlund ug ang iyang asawa, si Ruth, mibisita sa mga representante gikan sa daghang relihiyon sa usa ka symposium alang sa internasyonal nga kagawasan sa relihiyon didto sa Costa Rica niadtong 2017.
Sama sa mga Santos sa Ulahing mga Adlaw sa tibuok kalibotan, ang kabatan-onan sa Costa Rica nakakaplag og panaghigalaay ug espirituhanon nga kalig-on gikan sa pagtambong og dungan sa mga klase sa Sunday School.
Ang pagpaminaw sa mga pakigpulong ug makapadasig nga paggiya sa mga miting sa Simbahan makatabang usab sa mga Santos sa Ulahing mga Adlaw sa Costa Rica nga mapaduol kang Jesukristo.
Atol sa usa ka pagbisita sa Costa Rica niadtong 2020, si Elder Ulisses Soares nakiglamano sa presidente sa legislative assembly sa nasod.
Usa ka pamilya sa Costa Rica dungan nga naglakaw pauli human sa pagtambong sa simbahan.
Usa ka pamilya nagbisita sa San José Costa Rica Temple.