115 ka Ngalan ug Titulo ni Jesukristo

Ni Matthew Brooks

Ang tagsulat nagpuyo sa Utah, USA.

Ang pagpangita ug pagtuon sa mga ngalan ni Jesukristo motabang kanato nga mas mapaduol ngadto Kaniya ug maila ang mga paagi nga Siya makapanalangin sa atong mga kinabuhi.

Imahe

Jesukristo

Ang salmista nagtawag kanato nga “ihatag ngadto sa Ginoo ang himaya nga angay sa iyang ngalan” (Salmo 29:2).

Si Presidente Russell M. Nelson nagdapit usab kanato sa “pagtuon sa tanan kon unsa si Jesukristo pinaagi sa mainampoon ug madasigong pagtinguha nga makasabot sa kahulogan sa matag usa sa Iyang nagkalain-laing mga titulo ug mga ngalan sa personal nga paagi alang kaninyo. Sama pananglit, Siya mao gayod ang imong Tigpataliwala ngadto sa Amahan.”¹ Pinaagi sa personal nga kasinatian, ako makapamatuod nga ang atong relasyon ngadto ni Jesukristo motubo samtang atong madiskobre ang Iyang mga ngalan ug mainampoong magtuon kon unsa ang kahulogan niadto nga mga ngalan ug mga titulo ngari kanato.

Usa ka paagi nga kita mas makasabot sa daghang tahas nga si Jesukristo nagtuman mao ang pag-ila sa daghang ngalan ug mga titulo nga Siya naghupot, ingon nga nalista diha sa balaan nga mga kasulatan. Ang matag ngalan ug titulo nagpaila sa Iyang kaharianon, kakusgan, kagahom, ug kamandoan. Ang iyang mga ngalan nagpakita usab sa Iyang kalumo, kalooy, ug grasya. Si Jesukristo mao ang atong tinubdan sa kalig-on, proteksiyon, kinabuhi, ug kahopayan.

Si Elder Jonathan S. Schmitt sa Seventy namulong sa panalangin niini alang kanato nga mahibalo sa mga ngalan ug mga titulo ni Kristo: “Ang pagkahibalo sa Iyang daghan nga mga ngalan makadasig usab kanato nga mahimong mas sama Kaniya––aron mopalambo og Kristohanong mga hiyas nga nagdala og hingpit nga kalipay ug tumong sa atong mga kinabuhi.”²

Ang akong paningkamot sa pagsiksik sa mga ngalan ni Jesukristo nakapadugang sa akong pagpamatuod sa gahom sa pagtuon sa kasulatan. Dali nakong naamgohan nga kon ako wala pa maghunahuna nga mangita alang sa Iyang daghan nga mga ngalan ug mga titulo, dili ko kini makita. Mas nasabtan ko kini karon nga kon kita mangita, ato kining makaplagan. Nagpadayag ang Dios og mga tubag pinaagi sa mga kasulatan kon kita moduol sa Iyang pulong nga may mga pangutana nga gipangutana diha sa hugot nga pagtuo.

Adunay daghan nga mga ngalan ug mga titulo nga gihatag ngadto ni Jesukristo diha sa mga kasulatan. Personal kong nadiskobre ang labaw sa 500 niini. Sa akong nabasahan, akong nakategoriya kadtong mga titulo ug mga ngalan sa mamumulong, ingon nga kini gipahayag sa usa ka sakop sa Dios nga Kapangulohan, mga angel, mga disipulo, ubp. Apan matag usa kanato makakaplag og lalain-laing mga paagi sa pagtuon o pagrekord niini nga mga ngalan nga modasig kanato ug motabang kanato sa paghan-ay kon unsa ang atong gitun-an. Usab, samtang ang akong lista kutob dinhi naglakip lamang og mga ngalan nga makaplagan diha sa mga kasulatan, usa ka susama nga lista mahimong makamugna og mga ngalan nga gitudlo sa ulahing adlaw nga mga lider sa Simbahan.

Sa ubos, nagpakigbahin ako og 115 ka ngalan nga gipamulong sa mga sakop sa Dios nga Kapangulohan. Manghinaot ako nga kini nga lista magdasig sa gilapdon sa mga titulo nga makaplagan sa atong pagbasa. Mahimo nimong mamatikdan ang susamang mga ngalan o mga titulo nga mogawas og sobra sa makausa. Ako nakahimo niini sa tinuyo nga paagi. Sa diha nga ang nabanhaw nga Ginoo mipakita ngadto ni Maria diha sa lubnganan, Siya misulti kaniya, “Mosaka ako ngadto sa akong Amahan, ug inyong Amahan; sa akong Dios ug inyong Dios” (Juan 20:17). Ang paggamit ni Jesukristo sa “akong Amahan” ug sa “akong Dios” ingong ka klaro gikan sa “imong Amahan” ug “imong Dios” mahimong magpakita sa Iyang espesyal nga relasyon ngadto sa Iyang Amahan ug tingali ang personal, sagradong relasyon nga kita makatukod uban sa atong Amahan sa Langit. Tungod niini nga rason, ako nakapili sa paglista sa mga titulo sama sa “ang Ginoo nga imong Dios” ug “akong Manunubos” lahi gikan sa “Ginoong Dios” ug “Manunubos.”

Niini nga artikulo, ako makalista unta og 500+ ka ngalan nga akong nakaplagan, apan nagdapit ako kaninyo hinoon sa pagsunod sa pag-awhag ni Presidente Nelson sa pagpangita ug sa pagtuon sa mga titulo ug mga ngalan ni Jesukristo sa inyong kaugalingon.

“Manlalaban ngadto sa Amahan” (Doktrina ug mga Pakigsaad 32:3)
“Makagagahom” (Moises 1:25; Pinadayag 1:8)
“Makagagahom nga Dios” (Moises 2:1: Genesis 17:1)
“Amen” (Pinadayag 3:14)
“Alfa ug ang Omega” (Pinadayag 1:8; Doktrina ug mga Pakigsaad 19:1)
“Sinugdanan ug ang Kataposan” (Doktrina ug mga Pakigsaad 19:1; Moises 2:1)
“Karon ug sa kaniadto” (Pinadayag 1:8)
“Sugdanan sa mga binuhat sa Dios” (Pinadayag 3:14)
“Sanga” (Zacarias 3:8)
“Tinapay sa kinabuhi” (Juan 6:35)
“Nabana”(Marcos 2:19)
“Masidlak nga bitoon sa kabuntagon” (Pinadayag 22:16)
“Kristo ang Ginoo” (Doktrina ug mga Pakigsaad 19:1)
“Walay Kataposan ug Mahangturon” (Moises 7:35)
“Kasaligan ug tinuod nga saksi” (Pinadayag 3:14)
“Amahan sa mga kahayag” (Doktrina ug mga Pakigsaad 67:9)
“Amahan sa Israel” (Jeremias 31:9)
“Sinugdan ug ang Kataposan” (Pinadayag 2:8)
“Unang Natawo” (Doktrina ug mga Pakigsaad 78:21)
“Tuboran sa mga tubig nga buhi” (Jeremias 2:13)
“Dios” (Moises 7:35)
“Dios ni Abraham” (Exodo 3:6)
“Dios ni Abraham, ni Isaac, ug ni Jacob” (Exodo 3:16)
“Dios sa tanang mga unod” (Jeremias 32:27)
“Dios sa Beth–el” (Genesis 31:13)
“Dios ni David nga imong amahan” (Isaias 38:5)
“Dios sa Israel” (Isaias 29:23; 3 Nephi 11:14 )
“Dios ni Isaac” (Exodo 3:6)
“Dios ni Jacob”(Exodo 3:6)
“Dios sa tibuok yuta” (3 Nephi 11:14)
“Dios sa imong amahan” (Exodo 3:6)
“Maayong magbalantay” (Juan 10:11; Doktrina ug mga Pakigsaad 50:44)
“Halangdon nga Ako Mao” (Doktrina ug mga Pakigsaad 29:1; 38:1)
“Dakong Hari” (Malaquias 1:14)
“Manununod” (Lucas 20:14)
“Niya kinsa nagpuyo sa kahitas-an” (Doktrina ug mga Pakigsasad 1:1)
“Iyang Bugtong Anak” (Moises 6:57)
“Iyang bugtong Anak” (Juan 3:16)
“Ang Balaan sa Israel” (Isaiah 48:17)
“Balaan ni Jacob” (Isaiah 29:23)
“Mao Man” (Exodo 3:14)
“Jehova” (Exodo 6:3)
“Jesukristo” (Moises 6:57; Juan 17:3)
Jesukristo, ang Anak sa Dios” (Doktrina ug mga Pakigsaad 36:8)
“Jesukristo ang Anak sa buhi nga Dios” (Doktrina ug mga Pakigsaad 42:1)
“Jesukristo ang imong Manunubos” (Doktrina ug mga Pakigsaad 34:1)
“Jesus nga Nazaretnon” (Mga Buhat 22:8)
“Hari sa tanan nga yuta” (Alma 5:50)
“Hari sa langit” (Alma 5:50)
“Hari sa Zion” (Moises 7:53)
“Kinabuhi” (Juan 11:25)
“Kinabuhi ug kahayag sa kalibotan” (Doktrina ug mga Pakigsaad 10:70)
“Kahayag nganhi sa kalibotan” (Juan 12:46)
“Kahayag ug kinabuhi sa kalibotan” (3 Nephi 11:11; Doktrina ug mga Pakigsaad 39:2)
“Kahayag alang sa kalibotan” (Juan 8:12)
“Kahayag ngadto kanila sa kahangtoran” (2 Nephi 10:14)
“Kahayag nga dili matago sa kangitngit” (Doktrina ug mga Pakigsaad 14:9)
“Kahayag nga nagdan-ag sa kangitngit” (Doktrina ug mga Pakigsaad 10:58)
“Kahayag diin kamo mopakita” (3 Nephi 18:24)
“Ginoo” (Ezequiel 24:27; Doktrina ug mga Pakigsaad 53:2)
“Agalon bisan pa ang adlaw nga igpapahulay” (Mateo 12:8)
“Ginoo ang Dios ni Abraham nga imong amahan” (Genesis 28:13)
“Ginoo ang Dios sa mga Hebreohanon” (Exodo 3:18)
“Ginoo ang Dios sa ilang mga ginikanan” (Exodo 4:5)
“Ginoo ang Dios sa inyong mga ginikanan” (Exodo 3:15)
“Ginoo sa langit ug sa yuta” (Mateo 11:25)
“Ginoo sa mga Panon” (Helaman 13:17)
“Ginoo sa anihon” (Lucas 10:2)
“Ginoo sa mga Panon” (Doktrina ug mga Pakigsaad 98:2)
“Ginoo sa parasan” (Lucas 20:15)
“Ginoo nga among Dios” (Exodo 3:18)
“Ginoo ang nag-umol” (Jeremias 33:2)
“Ginoo ang imong Dios” (Isaias 43:3; Lucas 4:8; 2 Nephi 8:15)
“Ginoo nga inyong Dios” (Exodo 6:7; Doktrina ug mga Pakigsaad 38:1)
“Tawo sa Tambag” (Moises 7:35)
“Tawo nga Balaan” (Moises 7:35)
“Magtutudlo ug Ginoo” (Juan 13:13)
“Sinugo sa pakigsaad” (3 Nephi 24:1)
“Mesiyas” (2 Nephi 25:19; Moises 7:53)
“Akong Bugtong Anak” (Moises 2:1)
“Gamhanan sa Israel” (Doktrina ug mga Pakigsaad 36:1)
“Akong pinalanggang anak” (Lucas 20:13)
“Akong Hinigugma” (2 Nephi 31:15)
“Bugtong Anak sa Dios” (Juan 3:18)
“Atong halangdon ug tinuod nga Dios” (Helaman 13:18)
“Manunubos sa kalibotan” (Doktrina ug mga Pakigsaad 19:1)
“Pagkabanhaw” (Juan 11:25)
“Matarong nga Maghuhukom” (Moises 6:57)
“Bato sa Langit” (Moises 7:53)
“Gamot ug kaliwat ni David” (Pinadayag 22:16)
“Manluluwas sa kalibotan” (Doktrina ug mga Pakigsaad 42:1)
“Anak nga si Ahman” (Doktrina ug mga Pakigsaad 78:20)
“Anak sa Dios” (Alma 5:50; Doktrina ug mga Pakigsaad 6:21)
“Anak sa Tawo” (Moises 6:57; Mateo 9:6, 12:8)
“Anak sa Pagkamatarong” (3 Nephi 25:2)
“Anak sa buhing Dios” (Doktrina ug mga Pakigsaad 14:9; 42:1)
“Anak sa labing halangdon nga Dios” (1 Nephi 11:6)
“Bato” (Lucas 20:17)
“Bato sa Israel” (Doktrina ug mga Pakigsaad 50:44)
“Adlaw sa pagkamatarong” (Malaquias 4:2)
“Ang nahauna” (Isaias 48:12)
“Ang naulahi” (Isaias 48:12)
“Imong dako uyamot nga tumbas” (Genesis 15:1)
“Imong Manunubos” (Isaias 48:17)
“Imong Manunubos” (Isaias 43:3)
“Imong kalasag” (Genesis 15:1)
“Paras” (Juan 15:5)
“Ang dalan, ang kamatuoran, ug ang kinabuhi” (Juan 14:6)
“Inyong manlalaban ngadto sa Amahan” (Doktrina ug mga Pakigsaad 29:5)
“Imong Balaan” (Isaias 43:15)
“Inyong hari” (Doktrina ug mga Pakigsaad 38:21)
“Imong Ginoo ug imong Dios” (Doktrina ug mga Pakigsaad 10:70)
“Inyong Ginoo ug Magtutudlo” (Juan 13:14)
“Inyong Magtutudlo” (Mateo 23:8)
“Imong Manunubos” (Isaias 43:14; Doktrina ug mga Pakigsaad 78:20)