“Unsa ang Pipila ka Malaomon nga Timailhan sa Basahon sa Pinadayag?,” Liahona, Disyembre 2023.
Dali, Sunod Kanako
Unsa ang Pipila ka Malaomon nga Timailhan sa Basahon sa Pinadayag?
Ang mga panan-awon ni Juan miklaro nga ang mga adlaw sa dili pa ang Ikaduhang Pag-anhi sa Ginoo mapuno sa kadaotan ug sa mga katalagman. Apan kon atong tutokan lamang ang kalaglagan diha sa basahon sa Pinadayag, mawala nato ang paglaom nga gisaad sa Diyos kanato diha sa kataposang mga adlaw. Pagbantay sa pipila niining malaomon nga mga importanteng panghitabo.
Mga Mensahe sa Paglaom
-
Panalipdan sa Dios ang balay ni Israel pinaagi sa pagselyo kanila gikan sa kalaglagan. Ang 144,000 gikan sa “matag-banay sa mga anak ni Israel” (tan-awa sa Pinadayag 7:1–8) motabang sa “pagdala kutob sa moduol ngadto sa simbahan sa Unang Natawo” (Doktrina ug mga Pakigsaad 77:11).
-
Imahenagpahiyom nga babaye nga naay mga langgam naglupad duol niya
Paghulagway sa usa ka babaye pinaagi ni Dilleen Marsh
Kadtong nakigsaad sa Dios ug “gilabhan ang ilang tag-as nga mga bisti … sa dugo sa Kordero” makabuntog sa “dakong kasakitan” sa kataposang mga adlaw (tan-awa sa Pinadayag 7:9–14; tan-awa usab sa Doktrina ug mga Pakigsaad 138:11–15.).
-
Ang Dios maminaw sa mga pag-ampo sa mga Santos (tan-awa sa Pinadayag 8:4).
-
Bisan sa mga pagpanglutos nga atubangon sa mga Santos, ang Dios “manghatag og ganti ngadto sa [Iyang] mga ulipon” (tan-awa sa Pinadayag 11:17–18).
-
Aduna pay matarong nga mga tawo nga “nanagbantay sa mga sugo sa Diyos, ug sa tinoohan ni Jesus” (Pinadayag 14:12).