“Pe o a’u o se ‘Tagata Fufui’ po o se ‘Tagata Maulu’?,” Liahona, Ian. 2024.
Sau, Mulimuli Mai ia te A’u
Pe o a’u o se “Tagata Fufui” po o se “Tagata Maulu”?
I le miti a Liae i le laau o le ola (tagai i le 1 Nifae 8), aisea e te manatu na tuua ai e nisi tagata le laau ae nonofo isi i tafatafa o le laau e aai i le fua? O nisi o tagata sa aai i le fua na pauu ese, sa maasiasi i le motu o tagata taufaafefe i le fale tele ma le ateatea. O se tasi o eseesega autu i le va o na vaega e fesootai i mea na latou faia a’o le’i oo atu iina: le ala na latou pipii ai i le ai uamea—o le afioga a le Atua.
Fepiiti po o le Pipiimau
Na vaai Liae ia i latou o e sa “fetaomi atu i luma …o fepiiti i le pito o le āi u’amea” ma i latou o e na “fetaomi mai i luma i lo latou ala, ma pipiimau pea i le āi u’amea” (1 Nifae 8:24, 30; faaopoopo le faamamafa).
Sa ta’ua e Elder David A. Bednar o le Korama a Aposetolo e Toasefululua e faapea, e tolu vaega na amata i luga o le ala, ae na o le lua vaega na taofi mau i le ai uamea:
“[O le vaega lona lua] sa i ai foi faamanuiaga faaopoopo o le āi u’amea, ma sa latou fepiiti i ai! … O le fepiiti i le ai u’amea ua ta’u mai ai ia te au e na o nisi taimi e ’pa’ ai suesuega pe na o le fufui i sina taimi nai lo o le faatofuina faifai pea i le afioga a le Atua. …
“O le vaega lona tolu sa fetaomi atu foi i luma ma le faatuatua ma le talitonuga mautu; peitai, e leai se mea o ta’u mai ai faapea sa latou se ese. … Atonu o lenei vaega lona tolu o tagata sa faitau ma faitau pea lava e le aunoa ma suesue ma sailiili i tusitusiga paia. … O le vaega lea e tatau ona e taumafai ma ou taumafai e auai.”1
Pe o tatou o ni“tagata fufui” pe o ni “tagata maulu” pe a oo i le su’esu’eina o le afioga a le Atua? E ui lava o tagata fufui ma tagata maulu e susū uma lava, ae o tagata maulu e tele atu aafiaga loloto ma tumau lea e mafai ona aumaia ai le olioli faifai pea.