Aotelega Faasolopito

1807, 1 Mati

Fanau i Farmington, Hartford County, Connecticut, ia Beulah Thompson Woodruff ma Aphek Woodruff.

1808, 1 Iuni

Maliu lona tina i le 26 o ona tausaga.

1810, 9 Novema

Faaipoipo lona tama ia Azubah Hart.

1821

Amata ona faigaluega o se tagata ililaupapa.

1832

Siitia ma lona uso o Azmon ma le toalua o Azmon i Richland, Oswego County, Niu Ioka, o iina lea sa faatau ai le latou faatoaga.

1833, 29 Tesema

Faalogo i le talalelei toefuataiina mo le taimi muamua i se fono sa taitaiina e faifeautalai o le Au Paia o Aso e Gata Ai, o Elders Zera Pulsipher ma Elijah Cheney.

1833, 31 Tesema

Papatisoina ma faamauina e Zera Pulsipher.

1834, 2 Ianuari

Faauuina o se aoao e Zera Pulsipher.

1834, Aperila

Malaga i Katelani, Ohaio, lea na ia feiloai ai i le Perofeta o Iosefa Samita.

1834, Me ia Iuni

Malaga ma le Tolauapiga a Siona i le setete o Misuri. Faamautu i Clay County, Misuri, e fesoasoani i le Au Paia iina.

1834, 5 Novema

Faauuina o se ositaulaga e Simeon Carter i Clay County, Misuri.

1835, 13 Ianuari

Tuua Misuri mo lana uluai misiona, aoao atu le talalelei i Arkansas ma Tennessee.

1835, 28 Iuni

Faauuina o se toeaina e Warren Parrish latalata i Memphis, Tennessee.

1836, 19 Aperila

Valaauina i le Korama Lona Lua a Fitugafulu.

1836, 31 Me

Faauuina o se Fitugafulu e David Patten.

1837, 3 Ianuari

Valaauina i le Korama Muamua a le Au Fitugafulu.

1837, 31 Me

Tuua Katelani, Ohaio, e auauna atu i le mission i le Fox Islands, e le mamao ma le apitagalu o le setete o Maine.

1838, 8 Iulai

Valaauina i le Korama a Aposetolo e Toasefululua e ala i se faaaliga i le Perofeta o Iosefa Samita (tagai MFF 118).

1839, 26 Aperila

Faauuina o se Aposetolo e Polika Iaga i le tulaga e fausia ai le malumalu i Sisifo Mamao, Misuri.

1839, 8 Aokuso

Malaga mo se misiona i Egelani.

1840 i le 1841

Auauna atu o se faifeautalai i Egelani. Fesoasoani e taitai tagata e tusa ma le 2,000 i le papatisoga ma faamauga. Fesoasoani e faamautu le puletaofia o le Tusi a Mamona i Lonetona.

1841, 6 Oketopa

Toe fo’i i lona aiga ma isi o le Au Paia i Navu.

1841, 21 Novema

Molimauina le papatisoga muamua mo e ua maliliu lea sa faatinoina i le vai papatiso o le Malumalu i Navu.

1843, Iulai ia Novema

Auauna i se misiona i le Iunaite Setete i sasae, i le sailiina o ni tupe e fesoasoani e faamaeaina ai le fausiaina o le Malumalu i Navu.

1844, Me ia Aokuso

Auauna i se isi misiona i le Iunaite Setete i sasae.

1844, 9 Iulai

Maua le tala i le maliufasia o Iosefa ma Ailama Samita lea sa tupu ia Iuni 27.

1844, 6 Aokuso

Toe foi i Navu ma isi uso o le Korama a le Toasefululua.

1844, 8 Aokuso

Auai i se konafesi lea sa lagolagoina ai e le Au Paia o Aso e Gata Ai ia Peresitene Polika Iaga ma le Korama a Aposetolo e Toasefululua e avea ma taitai o le Ekalesia.

1844, 12 Aokuso

Talia le valaau e pulefaamalumalu i le Misiona a Europa

1846, Aperila ia Me

Toe foi i Navu ma mulimuli ane auai atu faatasi ma le Au Paia i le malaga i sisifo.

1847, 7 Aperila

Tuua Uinita Kuota faatasi ma le vaega muamua o paionia e agai atu i le Vanu o Sate Leki.

1847, 24 Iulai

Taunuu i le Vanu Tele o Sate Leki.

1847 i le 1850

Faataunuuina ni tofiga e fesoasoani ai i le Au Paia e malaga atu i le Aai o Sate Leki mai Uinita Kuota ma le Iunaite Setete i sasae.

1856 i le 1883

Auauna o se Tusi Talafaasolopito Lagolago a le Ekalesia.

1877, 1 Ianuari i le 1884, 26 Iuni

Auauna o le peresitene muamua o le Malumalu i St. George Iuta.

1877, 29 Aokuso

Maua le tala i le maliu o Peresitene Polika Iaga ma tuua ai St. George mo le Aai o Sate Leki.

1880, 10 Oketopa

Lagolagoina e avea ma Peresitene o le Korama a Aposetolo e Toasefululua i le konafesi aoao lava e tasi lea sa lagolagoina ai Ioane Teila e avea ma Peresitene o le Ekalesia.

1882

Pasia e le Konekeresi a le Iunaite Setete le Edmunds Act, avea ai le faaipoipoga faa-autaunonofo o se solitulafono ma faasaina ai i latou e fai autaunonofo mai le palota, pe umiaina ni tofiga faalemalo, po o le faia o ni tiute i faamasinoga.

1883 i le 1889

Auauna o le Tusi Talafaasolopito a le Ekalesia.

1887, 19 Fepuari

Pasia e le Konekeresi a le Iunaite Setete le Edmunds-Tucker Act, se isi tulafono faatuiese i faaipoipoga faataunonofo, e faatagaina ai le malo e aveesea le tele o esetete o le Ekalesia. Na avea ma tulafono tumau ia Mati 3, 1887.

1887, 25 Iulai

Avea ma Aposetolo sinia ma taitai pulefaamalumalu o le Ekalesia ina ua maliu Peresitene Ioane Teila.

1888, 17 Me

Faapaiaina le Malumalu o Manti Iuta.

1889, 7 Aperila

Lagolagoina e avea ma Peresitene O Le Ekalesia a Iesu Keriso o le Au Paia o Aso e Gata Ai.

1890, 24 Setema

I le mauaina ai o se faaaliga mai le Alii, sa ia tuuina mai ai se tautinoga aloaia e ta’u mai ai ua tatau i le Au Paia o Aso e Gata Ai ona taofia le masani o le faia o faaipoipoga faa-autaunonofo.

1890, 6 Oketopa

O tagata o le Ekalesia sa auai i le konafesi aoao sa lagolagoina i le finagalo autasi le faaaliga na mauaina e Peresitene Woodruff e faatatau i le faaipoipoga faa-autaunonofo.

1893, 6 Aperila

Faapaiaina le Malumalu i Sate Leki.

1894, 13 Novema

Vaaia le faavaeina o le Sosaiete o Gafa a Iuta.

1897, 1 Mati

Auai i le faailogaina o le lona 90 o tausaga o lona soifua.

1898, 2 Setema

Maliu i San Francisco, Kalefonia, i sona gasegase mo sina taimi puupuu.