1 Chiwilampeʼ, wacamic quinbij chiwe chi rajwaxic chi quinicʼoj ri jastak riʼ. Kas jeʼ, quinyaʼ ri takbal chiwe chi quixsacʼajin na che ri u nicʼoxic we jastak riʼ. Are cʼu waʼ, sibalaj nim canok ri u tzij ri Isaías.

2 Kastzij cʼu riʼ, xubij ronojel ri cätzijon chquij ri nu winak ri e aj ri awo rachoch ri Israel. Rumal cʼu riʼ, rajwaxic baʼ cätzijon na chque ri Gentilib xukujeʼ.

3 Bantajinak cʼu ronojel jas xubij, cʼä cäbantaj cʼu riʼ na. Cäban cʼu na jas ri u beyal tak ri tzij ri xubij.

4 Rumal cʼu waʼ, chitatabej ri nu tzij. Chitzʼibaj jas ri nu bim chiwe. Copan cʼu na we tzij riʼ cʼä cucʼ ri Gentilib, jas ri kʼij ri cuchomaj ri Tataxel, y che ri u rayibal.

5 Apachin cʼu ri cutatabej na nu tzij, ri cäqʼuexow ri u cʼux, y cäyaʼow chi cäban u kasbal xeʼ jaʼ, ri areʼ cʼut kas cäcolotaj na. Chinicʼojampeʼ tak ri qui tzij ri kʼalajisanelab che ri cäpe na, rumal cʼu chi e qʼui chque ri e areʼ ri quekʼalajisan we jastak riʼ.

6 Xcʼulmataj cʼu riʼ bim chi tak we tzij rumal ri Jesús, xebutzijobej chic jumul. Are u kʼalajisam chi conojel ri lokʼalaj tak tzʼibatalic ri qui cʼamom chic, xubij cʼu chque: Chiwilampeʼ, cʼo nicʼaj tak lokʼalaj tzij ri quinrayij chi quitzʼibaj, ri man cʼo tä iwucʼ.

7 Xcʼulmataj cʼut chi xubij che ri Nefi: Chacʼamaʼ ulok ri tzʼibatal canok chejujun junab ri a cʼolom.

8 Are cʼut, ri Nefi xucʼam bic ri tzʼibatal can chejujun junab, xuyaʼ chuwäch ri Jesús. Areʼ xunicʼoj, y xubij cʼut:

9 Kastzij quinbij chiwe, xintak ubic che ri nu pataninel, Samuel, ri jun aj Lamanita, chi xukʼalajisaj chquiwäch we jun tinimit, chi pa ri kʼij ri Tataxel cunimarisaj na u biʼ wumal ri in, cäpe na chic qʼui chʼajchʼojalaj tak winak. Quewalaj na chquixol ri cäminakib. Cäquicʼut na quib chquiwäch sibalaj winak, y xebequipatanij na chque. Y xutaʼ chque: ¿La man je tä riʼ xbanic?

10 Cʼu ri u tijoxelab xquitzelej u bixic, xquibij cʼut: Jeriʼ, Kajaw, ri Samuel xukʼalajisaj can ri cäban na, je jas ri tzij la, y ronojel xtzʼakatisaxic.

11 Cʼu ri Jesús xubij chque: ¿Jasche man i tzʼibam tä waʼ, chi qʼui chʼajchʼojalaj tak winak xewalajic, xecʼutwächinic chquiwäch sibalaj tak winak, y xequipatanij?

12 Xcʼulmatajic chi ri Nefi xnataj che chi ri nicʼaj riʼ man e tzʼibatal taj.

13 Xcʼulmataj cʼut chi ri Jesús xtakanic chi cätzʼibaxic. Rumal riʼ, xtzʼibax riʼ je ri xubij ri u takanic.

14 Xcʼulmataj cʼu riʼ chi ri Jesús xuqʼuis u kʼalajisaxic conojel tak ri lokʼalaj tzʼibatalic ri tzʼibatajinak cumal. Cʼäte riʼ, xtakan chque chi quetijoxic we jastak riʼ, ri u kʼalajisam canok.