Liye Lamb nuhtin God

Nga wona met liki nga liye sron in muhtahlos mwet fuhsr ke choir se inge. Sron in muhtahlos pa luti kuh yohk liki na mwe luti nga kuh akacsruhi.

Ngwetwack fin kof ah, mwet uh silahklahk in liye pacptais se elac ahkfahsrye ke pahol ah, Sohn, pahngpahng Sohn Pacptais, el tuh liye cousin se wiyacl, Jisus luhn acn Nazareth, kihluckyacng tulac pac in siyuck elac oruh pacptais sac. Kahkahsrihk, tuhsruhk nuh selos suc tu fototo in lohng, John el ahkkahlwemye ma ac fah sikyak ke millennia luo tohkoh: “Liye tuh Lahm nuhtihn God.”¹

Ahkkahlwemyeyuck lah palye se inge tiac pahngpahng El ke “Jehovah” kuh “Mwet Lahngo” kuh “Mwet Molwelah” kuh finne “Wen nuhtin God”—ine nuhkwewa ma ahkuhtweyac ke El. Moh, Sohn el sulwaclah emet ac sahp kuh in akihlen atacn facsin luhn mwet lal. El orekmakihn atacn kihsaclah luhn lahm in kihsackihn ke iwaclah nuh ke ma koluk ac suhpwacr luhn facluh se inge ac mwet nohfohn luhn facluh se inge.

Nuhnak muhnahs lwelah nga in akacsruhi sramsram mahtuh kuhtuh.

Ke tukun elos som liki Imac Eden, Adam ac Eve puhlakihn upaciyacn pacl fahsruh uh nuh selos. Ikacslah moul in suhkawihl nuh sesr, elos kaliyac pac sruhnguhl nuh ke moul kawihl ac moul ma pahtpaht nuh selos sifacna. Ke srihpen orekma koluk se elos sulwaclah in oruh ah kacsr, na elos puhlakihn misac in mahno ac lihllihllac luhn nguhn, fahsrwelihk liki ye muhtuhn God ma pahtpaht.² Meac elos in oruh? Yac oasr inkacnek liki ma upac sac? Kuht nihkihn lah meac mwet luo inge kuh in esam ke mwe luti elos eis fin imac ah, tuhsruhk elos tuh esam lah elos enenuh ke pacl nuhkwewa sang kihsackuhnlah nuh sin God sie lamb suwos, nwacsnwacs, mukul isus se met luhn flock lalos.³

Tok sie lihpufacn tuhkuh in ahkkahlwemye lah kihsac se inge pac atac, srihkasrak luhn kihsac ma sikyak kaclos sin Mwet Lango luhn facluh suc ac fah tuhkuh. “Ma se inge oacna mwe kihsac se luhn Wen Sefanna nuhtihn Pahpah,” lihpufacn sac el fahk. “Pwacnwacng, … kowos enenuh in auliyak ac pahng nuh sin God ke inen Wen nwe tok ma pahtpaht.”⁴ Wo ohiyac, oasr ohiyac se in fahsr nuh met ac som nuh lucng.

Ke toeni luhlahp inkuhsrao met liki moul uh, God El olwelah nuh sin Adam ac Eve (ac nuh sesr nohfohn) lah kahsruh fah tuhkuh sin Wen Nahtuhl suwohs, nwacsnwacs, Lamb lunn God “kihsac ke muhtuhn facluh,”⁵ oacna Mwet Sap John el pa Pahnglol. Ke kihsac lamb srihsrihk ac srihkahsrak fin moul uh, Adam ac tuhlihk nahtuhl ahkkahlwemye kahlwem lalos ke ac enenuh ke iwaclah luhn Jisus Ahkinsewowoyeyuck Se.⁶ Tohkoh, tabernacle fin acn mwesis ac mwe akwuck se ac, tohkoh, tempuhl lal Solomon ac muhsahiyuckyak.

In oacna sie akucl ke auliyak pwacye ac moul in luhlahfongi, kihsac se inge ke mwe kihsac tiac nwacsnwacs se ac tiacna orekma kihsac sac wo ah, oacna ke Wuhlweacng Mahtuh ahkpwacyei. Sahflahiyacn enenuh in toeni na kihsac sacn kuhtuh pacl uh tiac kuh in an paht ke srah sacn ac kahklac lihsr fin yot sacn. Ke ma sacn, ac tiac kuh in an paht in tilokihnyac acnwuckuh, ke Cain el uniyac tamuhlwel wiyacl Abel ke fihl se emet an.⁷

Ke mwe sruhf ac upac sikyak ke pacl inge uh, pa oruh lihpufacn inkuhsrao on ke engan ke pacl se, Jisus El isuslac—Messaia se ma uliyuck ah. Na tukun pacl in luti Lal fin facluh, pa sip soko in Passover ma nwacsnwacs emet in ahkoelah Mwet tuhma lutlut Lal nuh ke Misac Lal ke El tuh fahk ke kuhfa luhn Leum ke Mongo in Ekuh luhn Leum, akwuck se ma oreklac lihkihn acn Eden. Oasr na mwe sang se, ac orek wi pacna kihsac an, tuhsruhk ac yohk kalmac liki na acnwucki luhn sie lamb isuslac mahtuh se. Nuh sin mwet Nephi, tukun sifil Moulyak Lal, Mwet Lahngo El fahk:

“Kowos fah tiacna sifilpac orek kihsac nuh sihk ke ahkkahkyelah luhn srah. …

“… Kowos fah sang ke sie mwe kihsac nuh sihk ke inse muhsahl ac toasr in nguhn. Ac elos suc tuhkuh nuh yuruk ke inse muhsahl ac toasr in nguhn, elac fah pacptaislac sihk ke e ac ke Nguhn Muhtahl. …

“… Pwacnacng auliyak, … ac moliyucklac.”⁸

Tamuhlwel ac tahmtahel sacohk wiyuck, ke srikasrak se ma yohkyohkwelihk ke wosasuc uh in oruh lutlut in lohm se uh, arulacna yohk sripac nuh sesr in esam ke ma sapkihnyuck uh in “som nuh ke lohm in pruhe ac oruh kuhfa luhn Leum in lwen muhtahl se.”⁹ In weacng pac in oruh in oasr pacl yohk in lutlut ke wosasuc in lohm ah, toeni lasr ke Sacnri in ahksrihkyelah ke miting ma ahkfahsryeyuck ke kuhfa luhn Leum ke Mongo in Ekuh luhn Leum in muhtahl, in akihlenyuck ke wik in alu lasr uh. Kuht enenuh in esam ke ohiyac sifacna lah Kraist El misac insiyac muhsahlah ke sruohkiyac ma koluk ac ahsor nohfohn luhn sucu luhn mwet.

Oacna kuht sang nuh kuh ma upac se inge, pacl se enenuh mihs lasr nuh ke. Na, kuht ahkweyeyucklac in sa tuhkuh ac ahkolah ac in mihs, nuknuk in muhtahl ac fal nuh ke toeni ke akwuck muhtahl. “Sacnri wo emet” srihksrihkweni na in fahsr fal nuhke pacl, ac nuh Sel suc kuht tuhkuh nuh yohroh, kuht suk in fohlohkohnwack facsin luhn nuknuk ke lwen Sahpuht ac acn ma kuht kuh in oruh we.

Ke pacl pwacye an, pahtlac se ac kuh in luhng kuhlwacngiyuckyang nuh sin ninac ahkinsewowoyeyuck suc, ke tuhllihk ac Cheerios ac pack in pahmper okahrkahr in fahsr, insewowo in tuhkuh wi alu. Ac, kuhtuh mwet ac konwacack kaho nahtuhlos ah eke inluhluh fuhrahrrahr ke litutacng in Sacnri. Tuhsruhk, nuh sin mwet luhlahlfongi ke u se inge kuht fahk kuhtuh pacl pahtlac in kahlwem kac, tuhsruhk ke kaho ke inluhluh fuhrahrrahr sac Sacnri nuh kwewa, kuht ngihsrwe yohk lah kowos in kuhkackuhnlah kaho sacn kuh nwacklah inluhluh fuhrahrrahr sacn.

Ke nguhn sacn pacna, kuht oruh nguhsr se in ahksrihkyelah okahrkahr ke acn in toeni ke lohm alu uh. Kuht luhngse muhtwacta yurin kais sie, ac kuht kuh—pa inge luhngse se luhn Alu ke pihsac uh—tuhsruhk kuht in tiac ekuhllah atacn alu lasr uh. Nga sensen ke mwet muhtwacta ma tiac wi luhlahlfongi lasr uh kuh in lut ke kuhtuh pacl muh kuht ahksruhksruhkye uklaclac ke sie ohiyac ma ahkkahlwemye ke pruhe, testimoni, fwackyuck, ac mislac. Sahp inkuhsrao ac lut pac.

Ac wi pacna nuh ke miting in kuhfa luhn Leum fin mwet kol muh muhta emet ah muh karihngihn wo met liki muhtwacwacack, lohng mwe on ac muhta in mihs in oruh sie srihkasrak wo lah mwet nuhkwewa in ukwe. Finne oasr sramsram liki tok ah, na kuht tiacna enenuh lut finne oasr sramsram inmahsrlon mwet wi. Kuht sang kaksak lasr nuh sin pisaprik suc eislah mwe fahkwack ma lohsrlah nguhn ke alu in ahkfuhlwact lasr uh. Nga, sifacna, tiac kuh in petsacelah prist oacna Zacharias—ke tempuhl mahtuh sin Leum, ac muh wi sie prist, pacl wowo se ma ac tuhkuh nuh sel ke moul lal nohfohn—nga tiac kuh in petsacelah ke el tulac met liki motonoac in ahkacsmakihnye kuht ke akuhtuhn nuh ke innimac se muh wik ohnkohsr na luhlah nuh kac ac pwacpa in wi sa in fohlohk.

Tamuhlwel ac tahmtahel, ao se inge pa in akmuhsralah sin Leum in sie ao muhtahl ke wik se. Ke masap uh, kuht tuhkweni in eis akwuck se muh akihnlenyuck ke Alu uh nohfohn. Oasr ke mwe esam Lal lah suc siyuck ke kuhp se El oruh in nihm ma pahsiuck ah, in fahlac na mweyen El etuh lah ke sripacsr ac kuh in tiac pahsiyuck. Ac kuh in kasrwekuht fin kuht esam ke akucl ke kuhp sac ke ma sac tuhkuh nuh yohrohsr nuh acn muh kuht muhta we sin pahol dikin se suc pa yac 11 kuh 12.

Ke ao muhtahl sac tuhkuh in oruh mwe sang kihsac lasr nuh sin Leum, oasr ma koluk lasr sifacna ac fototolac ac upac in ahkwoye, pa oruh kuht oasr we. Tuhsruhk ac wo kuht fin nuhnkuh ke elos suc inse muhsahl ac nguhn in ahsor raunikuhtlac. Muhtana tiac loes liki kuht oasr elos suc tuhng—ke sifac kuh insiyac—ke on in kuhfa luhn leum ac pruhe luhn priest ingoh. Finsrak kuht ac motko ke ma inge ac sang ip srihsrihk in ahkkweye ac kuhp srihsrihk in pahkotwen--sahp ac kihsac nuh selos? kuh nuh sin mempucr ma tuhng ac muhnahs suc tiac wi ac, sahyacn fin oasr orekma in molwlah lasr, ac tiac pac wi wik fahsr uh? kuh nuh sin tamuhlwel ac tahmtahel suc tiac wi mempucr luhn Alu uh tuhsruhk srwackna pa tamuhlwel ac tahmtahel wiyacsr? Wangin sruhfallac ke kweok luhn facluh se inge, lun Alu ac lihk, ac ngwetngwet nuh ke acn nuhkwewa ac kom ac fah sokwack elos suc ma ngal la tiac kuh in kuhtanglah ac elos suc insetoasr tiac wi tui. Sie inkacnek in “esamuhl pacl nuhkwewa”¹⁰ in wi Great Physician nuh ke orekma ke wacngihn sahflah Lal in sruhk ma toasr luhn mwet puhla ngal la ac ahkweyaclos suc tohlah.

Mwet kawuck sacohk, ke kuht tuhkweni ma sefanna fin facluh nohfohn ke kais sie wik in finsraki in ahkyohkye etwacack ke mwe sang ke iwaclah wolacna luhn Kraist nuh sin mwet nuhkwewa, lwelah kuht in us nuh ke motonoac luhn kuhfa luhn Leum “sronin muhta yohk ke ahsor lal [ac] ngal yohk ke ahsor lal.” Na, ke kuht motko, pruhe, ac ahksasucye olwelah, lwelah kuht in eis liki pacl sacohk “in yohk mongfihrwacsr in kweok, … yohk kaksak nuh ke mongi.”¹¹ Ke muhtweng ac sukohsohklah, ke muhtahl ac finsrak, nga pruhe kacsr nohfohn ke Inel suc kuhnsaclihk bread sacohk ke nuhnak muhnahs ac ukwi wine muhtahl ke molwelah, finne Jisus Kraist, suc yohk ac pahkotwen, Lamb muhtahl nuhtin God, amen.