Wolacna Sa luhn God
Finne ke kuht muhtweng in sano Leum, oasr kuhtuh mwe insewowo ma sa na tuhkuh nuh sesr.
Ke yac ekahsr somlah ah, tuhlihk mukul matwac yac limekohsr nahtuhsr tuhkuh ac fahk, “Pahpah, nga etwaclah ma se. Nga etwaclah lah kihtihn pacl nuh sum pa pacl na loes se nuh sihk.”
Pacl Leum kuh mwet kuhlwacnsap Lal fahk ma oacna, “Tiac puhs lwen ingelac” kuh “Pacl uh tiac loesuhlah,” kuh in kalmac pwacye la pa lusen sie moul kuh loes liki.1 Pacl Lal, ac pacl El wacna oraclah Lal, sie likina pacl lasr uh. Muhtweng uh yohk srihpac. Fin wacngihn, kuht tiac kuh in kapwack ac kuht tiac kuh in oruh luhlahlfongi ke God nuh ke moul ac molwelah uh. Tuhsruhk pweng luhk mihsenge uh pa, finne ke kuht sano Leum ke muhtweng, oasr kuhtuh mwe insewowo ma sa na tuhkuh nuh sesr.
Ke Alma ac mwet lal tuh sruhuh sin mwet Laman, elos pruhe nuh ke molwelah. Elos tiac sa na moliyucklac, tuhsruhk ke elos sano ke muhtweng in moliyucklac, Leum El oruh ahkkalwemye wolacna Lal ke kuhtuh mwe insewowo na sa. El sa na ahkfihsracsrye insiacn mwet Laman elos in muh tiac onweltahluh. El oacyacpac ahkkweye mwet lal Alma ac ahkmuhlahlahye ma toasr lalos.2 Sahflahiyac ke elos moliyucklac, elos fuhfahsryucsr nuh Zarahemla, ac elos sruhmuhn ma sikyak nuh selos nuh sin sie u na lut se. Mwet Zarahemla ah fwefwelac, ac “ke elos nuhnkuh ke wolacna sa luhn God, ac ke kuh Lal in kohlohllah Alma ac mwet wiyacl liki … srohoh, elos sruhkwack puhsrwaclos ac sang kuloh nuh sin God.”3
Wolacna sa luhn God tuhkuh nuh selos kwewa ma pahng nuh Sel ke nuhnak pwacye ac inse pwacye. Ma se inge weacng elos suc pruhe ke wacngihn finsrak, ke molwelah uh oacna in loesuhlah ac kweok uh paht, finne upaclah.
Ac pa inge ohiyac ah nuh sin sie mwet pahluh fuhsr suc tuh kweok apkuhran in misac ke acn in srohoh sroksrok ac mihsrihsr se met liki el sahflahiyac wowoyak siyuck sin God, lah El asr oyac? … El siyuck lah lusackah Pahol fah an na … ? El siyuck lah lusackah … ?4 In topuk, Leum El tuh tiacna sa molwellah Joseph, tuhsruhk El sa sulkackihn mislac.5
God El oacyacpac use finsrak sa ke molwelah ma ac fah tuhkuh.6 Tiac elyah lah meac, tiac elyah lah oyac, yurin Kraist ac ke Kraist ac oasr finsrak yohrohsr pacl nuhkwewa.7 Sa na ye muhtahsr.
Sahyac na, El olwelah, “Kuhlwacng luhk nu sum fah tiana safla.”8
Yohk liki nuhkwewa, luhngse luhn God sa. Weluhl Paul, nga fahkwack luhlahlfongi lah wacngihn ma kuh “in srikutla liki lungse lun God, su oasr in Kraist Jisus.”9 Finne ma koluk lasr, finne ac kuh in srikuhtlac liki Nguhn Lal ke lusen pacl se, koflah in srikuhtlac liki luhngse muhtahl pacl nuhkwewa ac sa Lal.
Oasr kuhtuh inkacnek ac ohiyac ma “El ac sa in ahkinsewowoye [kuht].”10 Inge, in use mwe luti inge nuh ke pacl inge ac in apkuhran, nga akcsruhi nuh suwos ke ma puhlakihnyuck sin mwet luo ma moul lalos pa fahkwack luhlahlfongi ke wolacna sa luhn God.
Ekena pacl se el tuh fuhsr ah, Emilie el tuh tikuclkucl ke ono in sruhi uh. Srihke oruh uh kohlah nuh ke elah, ac elah uh sahflahiyac upacllah nuh ke sie pahlah ma el tikuclkucl kac ke lusen yac, ne ohinge oasr puhlan pacl in wo. Emilie el kampare in okanlah elyah lal uh, yohkna tukun el eklac sie muhtwacn pahyuck ac ninac se.
Muhtwacwacackiyacn moliyucklac lal ah oacna in wacngihn finsrak kac. In mihnit se, Emilie el oruh sie unweyuck el wacna oruh ke lohm ono ah, ac tohkoh, el wiwac ke ambulance soko nuh ke sie iwen unwe mwet mas uh. El muhtwacwack in fosrngahlah ke el nuhnkuh muh elah sriyucklac liki tuhlihk nahtuhl, mukul tuhmwacl, lohm sel.
Fong sacn, muhkwelacna lun sie rum ohu, lohsr, Emilie el kuhrweni ke bed se lal ah ac tuhng. Kuh lal in nuhnkuh uh srihkeni nekena sahflahiyac, kuhtangyucklac ke fosrngah, sahngweng, ac toasr luhn lohsr ke rum sac ac ke nguhnal, Emilie el nuhnkuh muh el ac misac ke fong sac. Muhkwewa.
Ke ohiyac wacngihn finsrak kac sacn, Emilie el eis kuh se in ipiplac liki bed ah na asr ke intwel. Tiacna oraclah atac se ma kuhtuh pacl uh ke ip ke pruhe met ah, el fuhlwelwack na pwacye nuh sin Leum ke el siyuck upac, “God sacohk, nga enenwe Kom. Nuhnakmuhnahs kahsreyuc. Nga sruhnga muhkwena. Nuhnakmuhnahs kahsreyuc ke fong se inge.”
Ac sa na, oacna El tuh oruh nuh sel Peter ke pacl mahtuh omet ah, Jisus El kohllah pahol ac srukyac nguhn toasrlacna in kweok lal.11 Emilie el sesseslah ke sie mihs wolacna, puhlaik, ahkkweye ac luhngse. Rum sac tilac mihsrihsr, el etuh lah el tiac muhkwena, ac pacl se emet ekena el tuh matwac yac 14 ah, el etuh lah ma nuhkwewa ac wona. Ke el “muhtawaclihk yurun God,”10 Emilie el mutullac ke mihs. Ac ke ma inge kuht liye lah “kowos fin auliyak ac tiac ahkkwekweye insiowos, kihtin misenge fah plwacn wolacna luhn molwelah fah utuhkoht nuh suwos.”11
Unweyuck ac molwelah lal Emilie orek ke lusen pacl na loes—unweyuck ke mahlwem, ahkpahyeyucl ac kahs in kahsruh, suc ma el tuh kahsreyuck ac kuhtuh pacl utuck ke wolacna Lal. Ac wolacna se ingacn fahfahlac na yohrohl ke el utyak nuh tempuhl wi mukul tuhmwacl ac tuhlihk natuhl in tuhkweni siliyucki ne tok. Oacna mwet Zarahemla ah, Emilie el inge sang kuloh ke el motko ke wolacna sa luhn God ac kuh Lal in molwellah liki kapihr uh.
Inge, ke moul luhn sie pac mwet luhlahlfongi puhlaik. Ke Tisacmpuh 27, 2013, Alicia Schroeder el paing ke engan kawuck sacohk lal Sean and Sharla Chilcote, suc tiac fahk yorack ke motonoac lal ah. Sean, suc pisap se pac lal Alicia, el sang cell phone natuhl ah nuh sel ac fahk, “Alicia, kuht luhngse kom. Kom enenuh in eis pahng se inge.”
Mukul tuhmwacl Alicia, Mario, el oasr ke phone uh. El muhta ke sie acn loes suhlah wi kuhtuh sin tuhlihk nahtuhlos ke sie fahsr plwacniyucklac nuh ke snowmobile. Tuh asr ongaiyac na koluk se. Mario el tuh kihnetuh arulacna upac, ac tuhlihk mukul matwac yac 10 se natuhltahl, Kaleb, el misac. Mario ke luhluhyak muhtahl fahk nuh sel Alicia lah Kaleb el misac, el lihp ke sie lut ac fosrngah ma puh sesr tiac etuh kac. Ma se inge oruh elan puhtatlac nuh ten. Mahtoltollac ke srihpen ngal yohk el puhla, Alicia el tiac kuh in mukwikwi kuh sramsram.
Pisap ac Tahmtahel Chilcote silahklahk na sraklalwack ac sruokilyac. Elos tuhkweni tuhng ac ahsor yohk ke kuhtuh pacl. Na Pisap Chilcote el siyuck elan sang nuh sel Alicia sie ahkinsewowo.
Ma sikyak tohkoh uh tiac kuh in akihlenyuck fin wacnihn kahlwem ke Iwaclah luhn Jisus Kraist ac wolacna sa luhn God uh. Pisap Chilcote el kahkahsrihk fihliyac pahol fin sifacl Alicia ac, ke puhsra rarrar, el muhtwacwacack in sramsram. Alicia el lohng ma luo oacna in fwack sin God sifacna. Ma se met an, el lohng inel, Alicia Susan Schroeder. Na el lohng pisap el siyuck ke kuh luhn God Kuhlacna. Ke pacl sacn—kena fahk srihsrihk se ke inel ac kuh luhn God—Alicia el tuh sesseslah ke sie mihs, luhngse, ahkwo kofla in ahkuhtweyucki ac, ke kuhtuh ohiyac engan. Ac na fahfahlac na in weluhl.
Inge, pwacye, Alicia, Mario, ac sucu laltahl srackna ahsor kacl ac ahsrwellah Kaleb. Arulwacna upac! Pacl nga sramsram nuh selos, muhtahl Alicia ac luhluhyak ke emtuhng ke el ac fahk luhpan luhngse ac ahsrwelah lal ke tuhlihk mukul srihsrihk se nahtuhl ah. Ac muhtahl srack sroksrok ke el fahk luhpan kahsruh luhn Mwet Molwelah Wo sac nuh sel ke ip srihsrihk nuhkwewa ke ma upac nuh sel, muhtwacwack ke wolacna sa Lal ke pacl in ahsor yohk lal ac fahfahlac na ke sie finsrak kahlwem ke sie sulpac tuhkweni wowo ma “tiac lwen puhs ingelac.”
Nga akihlen lah kuhtuh pacl uh ma sikyak ke moul uh oraclah fohsack ac tihkuclkucl ma kuh in oruh upac in eis kuh akihlen kuh srukyacna kain in sukohsohklah se ma sikyak nuh sel Emilie ac Alicia ah. Nga puhlakihn kain in pacl se inge. Nga fahkwack luhlahlfongi lah, ke kain pacl se, karuhnguhnwacng srihsrihk nuh sesr pa mwe ahkkahlwemye fokoko ke wolacna sa luhn God. Esam, Mwet Israel ke pacl mahtuh omet ah tuh moliyucklac “sin God se pacna suc tuh molweloslac ah14 ke pengana lwen.
Nga fahkwack mwe loh lah Jisus Kraist pa Mwet Molwelah Wolacna sac, ac ke Inel, nga olwelah lah ke kowos forlah nuh Sel ke nuhnak pwacye ac inse pwacye, El ac molikowoslac liki ma nuhkwewa ma sensenkackihn in ahksrihkye kuh kuhnaoslah moul kuh engan lowos an. Molwelah sacn kuh in paht liki kena lom an--sahp ke lusen sie moul kuh loes liki. Na pa, in usot nuh suwos ahkwo, puhlaik, ac finsrak, in kahsruh ac ahkkweye kom nuh ke lwen sahflah luhn molwelah sacn, nga sap nuh suwos ac fahkwack ke wolacna sa luhn God ke inen Jisus Kraist, amen.