Odudu Nwed Mormon ke Ndikabare-esit

Ke makese iboro ndunghore idem ke mimi, ami mkpep nte ke ana nte nam mme ukpuhore ke edu uwem. Ke ndinwam mi, doctor mi eteme abanga mme udia ye uduak nsinghe idem, emi, edieke nditienede, eyekpuho mi esin ke okop idem owo.

Edieke nnyin tiet tiet inamde ndungore eke spirit, nso ke nnyin idikpep ibanga idem nnyin? Nsuto edisik ke ese mkpo nsong idem eke spirit nnyin editeme? Ke nnyin ndidi se nnyin iyomde ndidi, edi akpan nte nnyin ifiok se ikpenamde ye ndinam se ifiokde.

“Jesus Christ edi akpan ono mme andikok.¹ Otode ke Mkpa erisio isop Esie, Enye obop mme unan nnyin, emen ono idem Esie mme ndudue nnyin, oyung okok mme nbungo esit.² Otode ke mfon Esie mmem idem nnyin akabare edi osongo.³ Enye okot nnyin ete itiene Enye⁴ ke ndikpep nto Enye, ndikpang utong nno iko Esie, nyung nsanga ke nsuhore idem eke Spirit Esie.⁵ Enye ama onwongo ndiwam nnyin⁶ ke mkpo ini uwem nkabare-esit emi, emi okpuhore nnyin oyung emen nsinsi idara edi.⁷

Andiyanga ama ono nnyin Nwed Mormon nte enyene odudu mkpo utom ke ndiwam ke ndikabare-esit. Nwed Mormon ono udia eke spirit, ono uduak edinam, nyung nyit nnyin ye Edisana Spirit. Ekewetde eno nnyin,⁸ enye odongo iko Abasi⁹ nko eting ono nnyin kabanga se idide, uduak, ye ebiet idikade.¹⁰ Ye Bible, Nwed Mormon edi ntiense ono Jesus Christ¹¹ onyung ekpep adanga nte ikemede ndifiok akpan iko nyung nkabare ntie nte Enye.

Ndise

Brother Saw Polo

Eyen eka eren Saw Polo ekedi isua 58 kini eketingde eno enye iko Abasi Jesus Christ emi ekefiakde eyak ke isong. Kini nkekutde enye, enye ama anam utom nte branch president ke mme ediwak isua, edi nkekpep ke enye akanam ikotke Nwed Mormon koro ikiduho kanga ke usem esie emi edide Burmese. Kini nkebupde enye nte enye ofiokde ke nwed ekedi akpan iko kini enye mikotke enye akanam, enye oboro mi ete ke enye ekpeb abanga Mbuk eke Nwed Mormon nwed eke ndise kpukpru usen ke ndise mme mkpo nda nwut, akama dictionary ndikabare mme iko nsin ke English, ye ke ndiwed obong mme mkpo enye ekpepde. Enye anam anwanga, “Kpukpru ini ami mkpepde, nye bong akam mbanga mkpo emi mkpepde, ndien nyekop emem ye idara, ekikere mi eye anwanga, ndien esit mi eye mem. Ami nkop nte Edisana Spirit etiede ntie nse ono mi ke enye edi akpan iko. Mefiok ke Nwed Mormon edi iko Abasi.”

Nte eyen eka eren Saw Polo, nnyin tiet tiet imikeme nikpep Nwed Mormon kpa nte ndaha nnyin edide. Nte nnyin iduakkde ndinim nnyung nkere mbanga mme ukpep mkpo esie ke esit nnyin, nnyin imikeme ndibup Abasi ke mbuotidem mme mme ukpep nkpo edi akpan iko.¹² Edieke nnyin isanade kudong ke ndifiok nyung nyene ata ekikere ke ndinam nwut, Enye eye boro nnyin ke esit oto ke Edisana Spirit. Edi Ke odudu eke Edisana Spirit ke nnyin iyefiok akpaniko kpukpru nkpo.¹³ Kini nnyin ibode edisana ntiense eke Nwed Mormon, nnyin nko iyefiok kpa ke ukem odudu oro ke Jesus Christ edi Andiyanga eke ererimbot, ke Joseph Smith edi Asiak uduak Esie, nko ke Ufok Abasi Jesus Christ Mme Ndisana Owo Ukpere edem Ini edi mfiak nda ndi Ufok-Abasi Esie¹⁴

Nte akparawa ntongode utom ukworo iko mi, mma nduk plane emi ekekade Australia. Nkerede ikpong, nyikidem, ye unana ndidot edi ebierede ndinam, mma nehede nyom ndifiak mfiok ke se nkenimde ekedi akpan iko. Mma mbong akam nnyung nkoot mme nwed Abasi ke eti esit, edi nte ekperede ndife, nyikidem mmi enehede okpon ndiene ndaha mi abiara. Ke make wana ke ediwak awa, ese mkpo ke plane asanga edi onyung atuak ada ke nkang mi. Enye obo Nwed Mormon eke ami nkekotde ke ubok mi. Enye ese edem nwed onyung odoho, “Emi edi akwa nwed!” ndien afiak ayak nwed ono mi nko otungo ndisanga. Ami akanam nkwe enye aba.

Kini iko esie afiak obongde ke mme kutong mi, ami neghede nkop ofon ke utong nko nkop ke esit mi, “Ami ndu mi, nko mefiok ebiet emi odude. Kam nam ukeme fo, ke Ami nyese mbanga mbon eken.” Ke ubom onyong oro ke enyong Pacific Ocean, ami mbo asanga sanga ntie nse otode ke ukpep mi ke Nwed Mormon ye sung sung uyo eke Edisana Spirit ke Andiyanga mi ama ofiok owo emi ndide nko ke ikoabasi edi akpan iko.

Elder David A. Bednar amakpep: “Ndifiok nte ke ikoabasi edi akpan iko edi ntak eke iko ntie nse. Ke ndisongo ke akpan iko ke iko abasi edi ntak edikabare-esit.”¹⁵ Nkabare-esit oyom nnyin ndidi, “mme anam iko, ekudi mme okop iko kpot.”¹⁶ Akpan uduak Abasi kabanga nnyin—ndutim Christ—ekpep enehede anwanga ke Nwed Mormon.¹⁷ Emi odongode:

• Akpa, ndinyene mbuotidem ke Jesus Christ ke ndinim Enye ke akpaniko, ndinim mbet Esie, ye ndifiok ke Enye eyenwam nnyin.¹⁸

• Udiana, ndikabare-esit kusen kusen ke ndudue nnyin nyung nkop idara ye emem kini Enye efende eno nnyin.¹⁹ Nkabare-esit oyom nnyin ifen ino mbon efen²⁰ onyung anwam nnyin ibe ika iso. Andiyana ama owongo ono ndifen nno nnyin adanga ini nte nnyin ikabare-esit.²¹

• Oyoho Ita, ndinam ye ndinim ediomi ye Abasi otode ke ndutim uto nte uduok mmong. Emi eyenim nnyin ke usung ediomi emi adade osok Enye.²²

• Oyoho inang, ndibo eno Edisana Spirit. Eno emi anam inyene kini kini ndausung eke owo emi awade idem, odong esit, oyung ada nnyin usung.²³

• Oyoho itiong, ndiyo tutu utit ke ndiyire nkaiso kini ikotde iko Christ ke kpukpru usen.²⁴ Ke ndidia nto ke Nwed Mormon nnyung nsongo nyire ke mme ukpep nkpo esie, nnyin imikeme ndibe mme idomo ndien ibo ndausung ye ukpeme ke kpukpru uwem nnyin.²⁵

Ke ndiyire nsin ubono mkpo Christ ke uwem nnyin, nnyin iyekan memm idem emi obiongode okpohore ndien ndik emi abiatde edinam. Nnyin iyebo eriyarare eke idem nnyin, koro Edisana Spirit “eye owut fi kpukpru mkpo emiedinamde,”²⁶ ndien “iko Christ eye ting ono fi kpukpru mkpo se edinamde.”²⁷

Ke isua 20, Eyen eka eren Huang Juncong ekewana ye okposong min, nsung ikang, ye akamba udong ubre nsa. Kini emende ewut Jesus Christ ye nfiak nda ndi iko abasi Esie, Eyen eka eren Huang enyene udong ndikpuhore ke ntak nsek ufokemana esie Akamba idomo esie ekedi ndinwong ikong. Akwa onwong-ikong kiet, emi odomode nditre ediwak ini edi ikekemeke. Usen kiet iko emi otode Nwed Mormon oduk ke esit esie: “ye ata eti esit, ye ata udong.”²⁸ Okposukedi ndomonse kini ebede ekekpude, enye ekere kakpan ke imikeme ndikpuhore otode uwam eke Ete nnyin ke Heaven ye Jesus Christ.

Mme full-time missionaries edian mbuotidem mmo ye eke esie ndien eno uduak edinam ke ndibiongo, asangade ye akwa edibong akam ye ndikpep iko Abasi. Ye akpaniko ye ata udong, Eyen eka Huang ama anam mkpo ye udong mbuotidem oyung okut ete nte enye owukde ese obufa edu uwem esie emi enye oyomde ndinam okori, mkpo nte ndikpep Nwed Mormon, enye inehekede ise edu uwem emi enye oyomde ndikpong.

Nditi uwutmkpo esie ke isua 15 emi ekebede, enye odoho, “Ami ntighi ata ini nkekpongde uwong nsung ikang, edi nte nke neghede ndomo kpukpru usen ndinam mme mkpo emi mfiokde nte nam man nda Spirit eke Abasi nsin ke uwem mi nnyung nka iso ndinam mmo, ami nkiyeneke ntabi nno cigarettes nyung nyeneke tongo ke oro.” Otode ndising mme ukpep emi otode Nwed Mormon, uwem eyen eka eren Huang ama okpuhore, ndien enye akabare edi eti ebe ye ete.

Ndise

Huang Juncong ye ufokemana

President Russell M. Nelson onwongo ono: “Nte afo ekpepde Nwed Mormon ke ndibong akam kpukpru usen, afo eyenam mme eti ubiere—kpukpru usen. Menwongo nte ke nte afo ekerede abanga se edikpepde, window heaven eyebere, ndien afo eyebo mme iboro kabanga mme mbume fo ye nda usung ke uwem fo. Ami mewongo nte nte afo esinde idem fo ke Nwed Mormon, afo eyekeme ndibo editibe kabanga mme idiok mkpo eke usen, okposuk nte ufen emi omumde osong eke ndise iferi ye mme mkpo eken onode ekikere ebikpai idiok udong.”²⁹

Mme ndima ufan, Nwed Mormon edi iko Abasi. ndien nnyin iyesik ikpere enye edieke ikpepde enye.³⁰ Nte nnyin inamde mkpo ibanga iko esie, nnyin iyebo ntiense eke ofuri akpaniko esie.³¹ Nte nnyin isuk iyirede ke ukpepnkpo esie, nnyin idinyeneke udong aba ndinam idioknkpo.³² Esit nnyin, mbiet, ye uduot-obot eyekpuho³³man ekabare ebiet Andinyanga. Ami mbuana akpan iko iko ntiense nte ke Jesus edi Christ, Andinyanga nnyin, Andifak, ye Ufan. Ke enying Jesus Christ, amen.