Eti Itiat-idakisong kabanga Ini emi Edi-dide

Yak inam isang ika edem ke ufiop uwemeyo ke July 24, 1847 ke mkpo nte nkanika iba uwemeyo. Ke etienede okposong isang ke usen 111 ye mbon ufok Abasi 148 emi ekenamde mme akpa otu owo ndinam isang nka usop-utin, Brigham Young, President eke Eboho mme Apostles Duopeb ke ini oro, ye udongo ye mmemidem otode ufiop-idem obot, ema eduk Salt Lake Valley.

Ke usen iba ama ekebe, ke enye otongode ndikop nsongidem nto udongo esie, Brigham Young ama asanga ye ediwak mbon Eboho mme Apostles Doupeba ye mme mbon efen eka ndise nte mkpo etiede. William Clayton ewet ete, “Mkpo nte mbak-ita ke itiat ke edere camp, nnyin ima isim ediye obot-isong, emi anade mfon-mfon onyung osuhore aka usop-utin.”¹

Ndise

Brigham Young ke ebiet temple

Ndise

Brigham Young owutde ebiet emi edibopde temple

Ndise

Ndiwut ebiet emi edibopde temple

Ke ini esuk esede oto isong oro ye mbon emi eke esangade ye enye, Brigham Young osong ada ini-kiet onyung owuk esang esie ke isong, odogo ete, “Mi ke Temple Abasi nnyin edi da.” Kiet kotu nsanga esie ekedi Elder Wilford Woodruff, emi okodohode ete ke iko oro “ama oduk [imo idem] nte ekep-kep,” ndien enye owuk nkok-eto ke isong ndinim idiongo ke ebiet emi esang President Young okowuhode. Ema esio acre Aba (16 ha) enim eno temple, ndien ema enyime ete ke eyebop obio “mfon-mfon eka Edere & Usuk, usiak-utin & usop-utin” ndien temple eyedu ke ufot.²

Ke Akwa Mboho eke ofiong Inang ke isua 1851, mbon ufok Abasi ema eno unyime ke esit-kiet ke abangade uduak ndibop temple “nno enying Obong.”³ Ke Isua iba ebede, ke February 14, 1853, Heber C. Kimball ama odiong ebiet temple ke anwa-anwa edinam emi ediwak tosin mbon ufok Abasi ekedukde, ndien ema ebom-isong ndisin nsongonda temple. Ke esisit ofiong ebede, ke usen ofiong itiokiet ke oyoho ofiong inang, ema enim enyung ediong mme akwa itiat-inuk temple ke akwa edinam emi ekesangade ye ediyie mbon-ukpeme ye ekomo ye isang-otu-owo emi mme ada-ibuot ke Ufok Abasi eke esangade iso otongode ke akani tabernacle tutu ekesim ebiet edi bopde temple, do ema eting mme iko enyung ebong akam ke mme itiat-inuk inang.⁴

Ndise

Edisin itiat-idakisong eke Temple Salt Lake

Ndise

Brigham Young

Ke edinam ubom-isong, President Young ama eti ete ke imo ima ikut nkukut ke akpa ini emi imo idoride ikpat ke isong oro nte mmo esuk esede unaisong, odogo ete, “Ami mma mfiok ini oro, kpa nte ami mfiokde mfin, nte ke isong emi ke edibop temple—enye eke ana mi ke iso.”⁵

Ke isua duop ebede, Brigham Young ama eting mme iko oku-Abasi emi ke Akwa Mboho eke October 1863: “Ami nnyom ndikut nte ebopde temple ke usung emi enye edidade tutu esim millennium. Emi idighe nkukure temple emi nnyin idibopde; enye bop mme ikie enyung ediong enye eno Obong. Eye efiok temple emi nte akpa temple emi Latter-day Saints ebopde ke eyong obot. … Nyom temple oro… ada nte mkpo-editi mbuotidem, nsongonda ye ubok-utom ndito Abasi ke eyong obot.”⁶

Ndise

Nka-iso edibop eke Temple Salt Lake

Ndise

Nka-iso edibop eke Temple Salt Lake

Edifiak nkot mme ibio-ibio mbuk emi ono mi mkpa-idem abanga utom usiak-uduak Brigham Young—akpa, ke enye ndikut nte, ke usung emi enye ekemede, ke edade usung ubop-ufok emi ekedude ke ini ye ebiet oro, ke eye bop Temple Salt Lake ke usung emi enye edi dade tutu esim millennium ndien udiana,nkukut esie ke abaga nkori temple ke ini iso ke ofuri edrimbot, tutu ebat ke mme ikie.

Nte Brigham Young, mme prophets nnyin mfin emi ese mkpo ebanga Temple Salt Lake ye mbon eken ke akwa ukpeme. Ke mme isua emi ebede, First Presidency, ke ini-ke-ini eteme Presiding Bishopric ete mmo ekut ete ke itiat-idakisong Temple Salt Lake osong idem. ke ini Ami nkeyenede ubiong utom ke Presiding Bishopric, ke ebenge First Presidency, nnyin ima ifiak ise kpukpru mme mkpo emi odude ke Temple Salt Lake, nkoro ye

Emi edi ubak edifiak-nse nkpo emi ekenode First Presidency ke ini oro: “Ke uduak ye edibop Salt Lake Temple, ekeda ata nti usung-unam-utom, nti mbon-utom, mkpo-ubop ufok, mkpo udiong ufok ye mme mkpo eken emi ekedude ini oro ebop enye. Tongo nte ediongde enye ema ke isua 1893, temple emi ama osongo-ada onyung etie nte adaha mbuotidem [ye] idorenyin ye nte unwana ono mme owo. Ema eda akwa ukpeme ke nte enamde utom ke esit, enamde asana enyung ekamade temple man enye ofon Itiat anwa ye isong esit ufok ye mme adaha esie edu ke eti usung. Mme mbufa ukep-mkpo enyime ete ke itie emi Brigham Young ekemek ono temple enyene ata eti isong ye mme nti ukeme ndisongo nda.”⁷

Ndifiak-nse ke akpatre ama owut ete ke ana nte enam utom ndidiong nyung nnam-ofon man ekpenam temple ebiet obufa onyung enegede-ofon, diana nkpo-anwa esie, nkani mkpo ye itie uduok-mmong. Ke ntre, ema enyung edogo ete ekere mkpo ebanga ndinam sanga-sanga ye akwa utom ke abanga ndimenere mkpo-ukpan uyekisong otongode ke nsongonda temple emen edok enyong.

Nte afo etide, President Brigham Young ke idem esie ama esine oyoho-oyoho ke utom ndibop akpa nsongonda temple, emi anwamde temple mfon-mfon tongo eke ebopde enye ema, ke isua 127 emi ebede. Obufa mkpo-ukpan-uyekisong emi eduakde ndisin nno temple eyefon ye ndaha esie, emi owo mikekereke ibanga kini ekebopde enye. Emi edi obufa, nkpo-uso se-idude-mfin ono mkpo-ukpan-uyekisong.

Ndise

Uduak edifiak nsongo Temple

Ndise

Uduak edifiak nsongo Temple

Mkpo unam utom emi, emi enamde- ofon idahaemi, otongo ke ata nsongonda temple, ono akwa ukpeme ke abanga mbubiat uyekisong. ke akpan, enye eye osongo temple idem onyung anam enye osongo ada, okposuk-edi nte isong ye nkankuk esie edi ikopde akwa uyekisong.

Edinam-ofon temple emi edi kamare usung-unam-utom emi ke First Presidency eke esian isua oko. ke nda-usung Presiding Bishopric utom ndibop ama otongo ke esisit ofiong emi ebede, ke akpa ofiong ke isua 2020. Ekikere edi ndikure utom ke mkpo nte ufang isua inang.

Nte ami nkerede mbanga isua inang ke iso eke uwem ediyie, nkong-kong, ye enyene-ndik Temple Salt Lake, Ami mmokut nte ke edi ini ndinam enye afiak-eyie akan nte edide ini ndibrei enye. Ke ukem usung, nnyin imikeme ndibup idim nnyin, “didie ke akwa edinam-ofon eke Temple Salt Lake ekeme ndiwam spiri nnyin ke ndinam-edi-obufa, ndifiak-mbop,edimana-obufa, ndifiak-nno-uko mme mfiak-nda-ndi?”

Ntotungo ndise ekeme ndiyarade ete ke nnyin nko ye ufok emana nnyin imikeme ndikut ufon ke ini nnyin inamde ndisuk utom ndidiong nyung nnam-ofon, kpa ndimenere mkpo-ukpan-uyekisong. Nnyin imikeme nditongo utom emi ke ndibup:

Nsongonda mmi etie didie?

“Mme nso isine ke ndodobi-ibibene, enyene-uko ye okposong itiat-inuk emi edide ubak ke nsongonda mmi, emi ndoride iko ntiense mmi?”

“Mme nso idongo ke nsongonda spirit mmi ye edu-uwem emi edi yakde mi ye ufok emana mmi isongida otokiet inyung isigke, man ikeme ndiyo uyekisong ye ndutimere emi ke akpaniko edi idide ke uwem nnyin?”

Mme mkpo-ntibe emi, etiede nte uyekisong osong ndisop mfiok ini se mmo edi idide enyung edi ke ediwak ndaha—ediwana ye mbume mme eyighe, edikut ukut ye mfina, utom ndikan utok ye mme ada-usung ke Ufok Abasi, mbon Ufok Abasi, ukpep-mkpo mme edu-unam mkpo. Eti usung ndikpan mme mkpo emi ebehe nsongonda spirit nnyin.

Didie ke itiat-inuk spirit eke uwem nnyin ye uwem ufokemana nnyin ekeme nditie? Mmo ekeme ndidi mmem-mmem, edinen ye edima usung ndinam iko Abasi— akam mbon ufokemana, ndikot nwed iko Abasi ndika temple, Eto Nwed Mormon, ndikpep iko Abasi ke Di, Tiene Mi ye home evening. Me mkpo efen emi ekemede ndiwam ndisongo nsongonda spirit fo ekeme ndidi Articles of Faith, Etop ababgade ufokemana ye Oduwem Christ.

ke okim, mme ukpep emi edongode ke mme mbume emi esi nemede nte ubak ke ndibo eti-nwed temple etie nte akwa adaha ono nsongonda spirit— akpan-akpan mme akpa mbume inang. Ami nkut mmo itiat-inuk eke spirit.

Nyin, ime inyung imeghe ye mme mbume emi, nte President Russell M.Nelson eke okotde mmo kiet-kiet ono nnyin ke Akwa Mboho emi ebede.

1. Nte afo emenyene mbuotidem ke ye iko ntiense ke Abasi, Nsinsi Ete, Eyen Esie, Jesus Christ; ye ke Edisana Spirit?

   Ndise

   Mbuot-Abasi

2. Nte afo emenyene iko ntiense ke Erisio-isop eke Jesus Christ ye ke utom Esie nte Andinyanga ye Andifak fo?

   Ndise

   Erisio-isop eke Jesus Christ

3. Nte afo emenyene iko ntiense ke Mfiak-nda-ndi gospel Jesus Christ?

   Ndise

   Edifiak-nda-ndi

4. Nte afo emenyime President Ufok Abasi Jesus Christ eke Latter-day Saints nte prophet, asiak-uduak, ye andiyarareye nte nkokure owo ke isong emi enyenede-unen ndida ofuri ukpohode itie-oku nam nkpo.

   Ndise

   Mme prophet

Nte afo omokut nte ekemere ndida mme mbume emi nte akpan mkpo ke nsongonda fo ke ndiwam fi ndibop ye ke ndinam enye osong? Paul ekpep mme Epesians abanga Ufok Abasi emi eke ebopde edori ke eyong nsongonda mme apostles ye mme prophets, Jesus Christ ke idem esie edi etubom itiat-inuk; ke emi kpukpru ufok esinede mfon-mfon otokiet ekoride eka edisana temple ke Obong.”⁹

Ndise

Temple ye osongo itiat-idakisong

Kiet ke mme otu akwa idara ke uwem mmi edi ami ndimege nyung mbo uwam nto mbon Ufok Abasi ke ofuri ederimbot emi edide mme oduuwem uwutmkpo eke mbuotidem ke Jesus Christ ye gospel Esie. Mmo enyene okposong nsongo-nda emi anamde mmo eda ke ini unyekisong ye nsosong mbufiok ke misehe nbungo esit mmo ye ubaik.

Ke ndimen emi nwut ke oyoho ndaha uwem mmi, ibigike ami nketing iko ke itie mkpa eke ediye, osong-idem ekpri anwan ye eka kiet (emi onyung edide ufan ufokemana nnyin). Enye eke esiebre-mbre ikpa ke Akpa-ikpehe kini enye okokutde onyung odo ekpep-nkpo mbanga edet nte ebe. Ema ediong mmo ye ediyie, ofiok-mkpo enyen anwan. Enye ke akwa odudu ama anwana ye nsio-nsio uto cancer ke mkposong isua itiokiet. okposuk-edi nte enye eke akade iso ndiyene okposong mfina ke esit ye ke ikpokidem esie, enye ama obuot idem ke edima Ette Heaven esie ndien mbon emi esi itienede enye ke social media esi iwak nditiene enye nting mme iko emi enye esi imade nditing: “Abasi odu ke ofuri.”

ke kiet ke otu mme iko enye eke esinde ke social media enye ama ewet ete ke owo kiet ama obup imo, “Afo anam didie aka iso ndiyene mbuot idem ye ediwak mfina emi akanade fi okuk?” Enye ama oboro mfon-mfon ye mme iko emi: “Edi mbuotidem ke ami nda nsanga mbe ke ini ekim emi. Ediyene mbuotidem iworoke ite ke idiok mkpo eyetibe. Ediyene mbuotidem anam mmi nnim nte ke uwana eye afiak odu. Ndien uwana oro enye onyung otim ayama sia ami mma nke sanga mbe ke ekim Nte ami nkutde ediwak ekim ke mme isua ebede, ami mmekut ata ediwak uwana. Ami mmekut mme utibe-mkpo Ami mmekut mme angels. Ami mma mfiok nte ke Ete eke Heaven mmi ke akama mi. Ndomo-kiet ke mme mkpo emi ikpe-ikeiduhe edieke uwem ekpeke edide mmem-mmem. Ini iso ke uwem emi ekeme ndidi se owo mmi-ifioke, edi idighe mbuotidem mmi. Edieke ami mmekde nditre ndiyene mbuotidem ndien ami mme-mek ikpong-ikpong ndisanga ke ekim. Sia mbuot mme-iduho, ekim edi kpukpru se isughode.”¹⁰

Okposong iko ntiense esie ke abanga mbuotidem ke Obong Jesus Chrrist—ke mme iko esie ye mme edinam esie—eke edi uwam ono mbon eken. Okposukedi idem esie eke ememde, enye ama emenere mbon efen man enyene uko.

Ami nkere mbanga ediwak mbon Ufok Abasi eken, mbon-ekong nte enye, emi esangade ke mbuotidem kpukpru usen, edomo ukeme ndidi nti ye osong-idem mbet Andinyanga nnyin, Jesus Christ. Mmo ekpeb ebanga Christ. Mmo ekworo ebanga Christ. Mmo ewana ukeme nditie nte Enye. Ekpede-edi mme usen ke uwem mmo odu ke isong emi minyeke mme oro enyikde, nsongonda eke spirit mmo osong inyung isigke.

Mmo edi mme mmo oro efiokde mfon-mfon se iko ikwo emi oworode “Itiat idak isong mbufo osongo didie, mbufo mbon Obong”¹¹ Ami mme ono-ekom mbeh se-edomode ke ndisanga ke otu mme mmo emi ema eke ebenge nsongonda spirit emi odotde ke enying Mbon Abasi emi enyenede odudu ye ukpeme emi ekemde ndisongo nda ke ediwak afanekong ke uwem.

Ami nkereke ke nnyin imekeme nditing-okpon akan oruk nsongo-nda oro ke uwem nnyin. Ke ata uyen, ekpep ndito Primary nnyin nte mmo ekwode ebanga ata akpaniko emi ete:

Mme Nwed Iko Abasi osongo ukpepmkpo nsongonda emi. Andiyanga ama ekpep mbon Americas:

“Ndien edieke afo edi namde mme mkpo emi kpukpru ini ofofon ono fi, koro afo obopde odori ke itiat mmi.

“Edi eke owo ndomo kiet ke otu mbufo edinamde se ikponde mme se ikpride ikan emi mmo ibopke idori ke itiat mmi, edi ebop edori ke nsongonda ntan; ke ini edim edide, ndien oto-mmong edi, ndien ofum ofume, oyung amia mmo, mmo eye duo.”¹³

Edi idoroenyin mme ada usung ke Ufok Abasi ete ke akwa edinam-ofon ke Temple Salt Lake enye awam ke ndinam-osu udong Brigham Young ndikut nte ke “ebop ke usung enye edidade tutu esim millennium.” Ke mme isua emi edidi, yak nnyin nnyin mme ukpuhore emi nnyin inamde ke Temple Salt Lake anwam onyung ono nnyin udong, nte mme owo ye ufokemana, man nnyin nko—nte ebegede nnyin—edi “bop ke usung emi nnyin ididude ikesim millennium.”

Nnyin iye inam ntre nte nnnyin inamde osu iko Apostle Paul ndi “[inim] ke ubet ubono mkpo [nno idem nnyin] eti Itiat idakisong ke abanga ini emi edi-idide.” man [nnyin] ikeme ndimum nsi nsi uwem.”¹⁴ Edi akam owong-esit mi nte yak spirit nsongo-nda nnyin ofon, yak iko ntiense eke Erisio-isop Jesus Christ ye utom Esie nte Andinyanga ye Andifak akabare edi nte akan itiat-inuk nnyin, emi ami ntingde iko ntienseke enying Esie, kpa Jesus Christ, amen.