Man Mmo Ekpekut
Se nyung bong akam yom mme ufang ndiyak unwana fo ayama man mbon efen ekpekut usung etiene Jesus Christ.
Ndito-eka iren ye iban, esit nnyin enem onyung edi obufa oto ke Spirit eminnyin ikebode ke mbono emi.
Isua ikiba ekebede,eboho unwana ikang ama odoro ekpri eyen erenowo kiet ke akai ikot. Ke unwana ikang oro, Joseph Smith ama okut Ete Nnyin ke Enyong ye Eyen Esie, Jesus Christ. Unwana ikang emi ebin spirit ekim okofukde isong onyung owut Joseph Smith usung nkaiso—nko ye kpukpru nnyin. Ke ntak unwana usen oro, nnyin imekeme ndibo mme oyoho edidiong otode uwa usio isop Andinyanga nnyin, Jesus Christ.
Ke edifiak nda ndi iko Abasi Esie, nnyin imekeme ndiyoho ye unwana Andinyanga nnyin. Okposuk edi, unwana oro ikedige ino mbufo ye ami ikpong. Jesus Christ odoho nnyin ete “Yak unwana nnyin ayama ono mmo emi,man mmo ekpekut nti utom nnyin nyung ntoro Ete Nnyin emi odude ke Enyong.”1 Ami ntongo ndima mme udim iko emi odohode “man mmo ekpekut.” Edi ata eti ikoot emi otode Obong Nnyin nditim mfiok nte inwamde mbon efen ekut usung enyung edaha editiene Christ.
Ini nkedide eyen isua duop, ufok nnyin ema efon iso ke ndikama Elder L . Tom Perry Apostle eke ikpehe duopeba esen ke ini enye akanamde ibiong utom esie ke obio nnyin.
Ke usuana utom, nnyin ye eke Perry etie oto kiet ke ubet ndidia inem apple pie eka mi kini Elder Perry enemede nneme abanga Ndisana-owo ke ofuri ereimbot. Mma ntie ke nkohoidem.
Eyo ama okim ini eka mi okotde mi ke kitchen onyung obup ekpri mbume: “Bonnie, ama ono unen udia?”
Esit oduo mi; Nkenoho. Nkoyomke ndikpong iso Apostle Obong Nnyin, Mma nkere mme unen nditie utitudia tutu usenubok.
Eka mi oboro ke okposung uyo “Nnyimeke.” Do ke Elder Perry oduk kitchen ye ndodobi ,odudu uyo esie obup, “Nte mkop owo oyom edino unen udia? Nte eyen mi ye ami imekeme ndinwam fi?”
Oh,nsuto inemesit ikodu ke ndino mme unen udia! Ami mfehe nkemen akamba ikang torch. Ye idaresit, ami mbe iso, mfro tutu nsim itie ubok unen. Ye ikang torch ntuenede ke ubok, nnyin ima ibe efak ibokpot inyung ibe inwang wheat.
Ke isimde itie ekpri mmong ndiong ebede ke usung oro,mma nyene ntuk mfro nte nsinamde ke mme okoneyo efen. Nkefioke nte mkpe nwamde Elder Perry ndisanga ke ekim ,ke usung emi enye akanam misangake. Ikang unek mi ikanwamke enye ndikut usung ndiong oro. Ntak unana unwana ikang ndikut usung, enye ama asanga oduk mmong onyung osio mkpo. Ke nyekidem, nwongore nse obufa ufan mi nte osiode mbit mbit ukot ke usung ndiong anwana ndiduep mmong nsio ke ikpa ukot esie.
Kpa ye mbit mbit anam uyom ikpa ukot, Elder Perry me ke ndino mme unen udia. Ke ima ikekure, enye ono item,“Bonnie, nyom ndikut usung. Nyom unwana ayama ke usung emi nsangade.”
Ami mma nyama edi ikedige ke usung akanwamde Elder Perry. Idahaemi, mmefiok nte ke enye oyom unwana mmi ndikut usung, ami mma nyan ikang torch mi ke iso ndien nnyin ima isim ufok ye oyoho idorenyin.
Ndima ndito-eka irenowo ye iban, mme ediwak isua ami nkere mbanga mme mkpo mkpepde nto Elder Perry. Ikoot Abasi ndiyak unwana nnyin ayama idige ndinam anana-iwuk uyama ye ndinam ererimbot otim ayama. Edi abanga ndituene ikang nnyin man mbom efen ekut usung etiene Christ. Edi nditum Israel nim ke ikpehe nkang emi—ndinwam mbon efen ekut se ekpenam ke ndinam nyung nim ndisana ediomi ye Abasi.2
Andinyanga ete, “Sese Ami ndi Unwana; Ami ndi uwutmkpo nno mbufo.”3 Yak nnyin ise kiet ke otu mme uwutmkpo esie.
Nwan oro ke well okoto Samaria emi mikofioke Jesus Christ nko owo ikedaha enye isin ke otu ke ebiet emi enye otode. Jesus okut enye onyung otongo nneme. Enye eneme ye enye abanga mmong. Enye ndien otim anam anwanga enye nte Enye anamde enye ofiok ete ke Enye edi “mmong uwem.”4
Christ ke esit-mbom ama ofiok enye ye mme unana esie. Enye okosobo ye nnwan oro ke nde emi enye okodude onyung otongo ndineme mbanga nkpo emi enye ofiokde onyung ememde. Ekpedi ama etre do,ekpedi eti edisobo. Edi emi ikpekenamke ete enye aka esit obio okofiori ete “Di, se … : nte emi idige Christ?”5 Nte nneme akade iso, enye ama okut Jesus Christ, ndien isehe nkani uwem esie, enye akabade edi mkpo utom unwana, anwanga usung ono mbon efen ndikut usung.6
Idahaemi yak ise owo iba emi etienede uwutnkpo uyama unwana eke Andinyanga. Ibigike ufan mi Kevin eketie adiana akwa anam mbubehe ke itieudia. Enye ama ekere abanga se enyenede nditing ke hour iba. Nditiene ntuuk, Kevin obup,“Neme banga ufok fo no mi. Mmo eto mmong edi?”
Ufan emi okofiok ekpri mkpo abanga inyene obot esie,ntre Kevin osio phone, ete, “Ami mmenyene mkpo edade ekot owo edian ke ekpuk mmo. Yak ise se nnyin ikeme ndikut.”
Ke ema ekeneme eka anyan, obufa ufan Kevin obup, “Ntak ufokemana edide akpan mkpo ke ufok Abasi mbufo?”
Kevin oboro ete, “Nnyin inim ete ke nnyin iyeka iso idu uwem ke nnyin ima ikpa. Edieke nnyin ifiokde mbon-ntongo-ubon nnyin inyung ida enying ika edisana ebiet emi ekotde temple, nnyin imekeme ndinam edinam ndo emi edinamde ufokemana nnyin edu otokiet ke mkpa ama ebe.”7
Kevin okotongo ye mkpo emi enye ye obufa ufan esie enyenede. Ndien enye oyom usung ono iko ntiense mbanga unwana ye ima Andinyanga .
Udiana mbuk abanga Ella, andibre basketball ke ufoknwed. Uwutmkpo esie otongo ke ini enye obode nwed ndika ukworo iko Abasi ke ini enye odude ke ufoknwed. Enye emek ndikubore nwed ikot esie ke iso mbon mbre esie. Mmo ikofiokke mkpo ibanga Ufok Abasi Jesus Christ inyung idiongoke ntak Ella enyenede udong ndikworo ikoAbasi. Enye afiak obong-akam nte ekpenamede mission call esie anwanga mbon mbre esie man mmo ekop ntuuk Spirit. Iboro esie?
“Ami mma Nnyene Udong, Ella ete, “koro ami nnyeneke mfina.” Enye eting abanga mme nkori ndikworo iko ke kiet ke otu mme mission ikie inang ye ndikpep usem efen. Enye abat mme tosin missionaries esuk ekworore iko. Ella etre ye ndise Andinyanga ye ibio ibio iko ntiense: “Basketball edi akpan-nkpo kiet ke uwem mi. Ami nsanga nkanare ke mme idut mkpong ufok emana ndibre nno andikpep ye mme mbon mbre emi. Nkukure mkpo iba emi edide akpan mkpo ke uwem mi akan ball ubok edi mbuotidem mi ye ufok emana mi.”8
Idahaemi, nte ekerede, “Emi edi ikpo watt 1,000 nte uwutmkpo, edi ami ndi 20 watt bulb,” ti ete Andinyanga eting ete, “Ami ndi unwana emi mbufo edimumde ikama.”9 Enye eti nnyin ete ke iyemen unwana idi edieke nnyin idinyande mbon efen ubok iwut imo
Ami ye mbufo imenyene unwana ikem ndibuana idahaemi. Nnyin imekeme ndiyama ke idaha ke idaha ndinwam nnam owo ekpere Jesus Christ, ye ke idaha efen, ye efen.
Bup idem mbufo, “Mme anie iyom unwana mbufo eyomde usung mmo ndinyene edi ikemeke ndikut?”
Mme ndima ufan mi, nsidi ntak ndiyak unwana nnyin ayama edide akpan mkpo? Abasi odoho nnyin ete “odu ediwak mi ke ererimbot---emi edipde mmo akpaniko koro mmo mifiokke ndiyom nkut.”10 Nnyin imekeme ndinam. Nnyin immikeme ndituene ikang nnyin nno mbon efen ekut. Nnyin imekeme ndisuan ikoot.11 Nnyin imekeme ndisanga ye mmo oro esangade ikpat kiet etiene Andinyanga, okposuk edi edide sung sung. Nnyin imekeme nditang Israel nim.
Edi ami nting iko ntiense ke Jehovah eyedemere ofuri mkpri ukeme. Edisana spirit eyeteme nnyin se ifiokde nditing ye ndinam. Uto udomo oro oyom nnyin ndiworo mkpong itie inemesit,edi nnyin inyene idorenyin ite ke Abasi enyenwam ndinam unwana nnyin ayama.
Nkop inemesit mbanga unwana Andinyanga ,emi akade iso ndida Ufok Abasi usung oto eriyarare.
Ami mmoyom kpukpru nnyin itiene uwutmkpo Jesus Christ nyung nyene mbom mbanga mme mmo oro ekande nnyin ekuk. Se nyung bong akam yom mme ufang ndiyak unwana fo ayama ono mbon efen ekut usung etiene Jesus Christ. Enwongo Esie okpon: “Owo eke etienede Mi idisangake ke ekim, edi eyenyene unwana uwem.”12 Ami nting iko ntiense nte ke Andinyanga nnyin, Jesus Christ, edi usung, akpaniko, uwem, unwana, ye ima ofuri ereimbot. Ke enying Jesus Chrst, amen.