Kuhtwena Mwet Suc Muhtweng Nwe Ke Sahflah, El Ac Fah Moul

Tamuhlwel ac tahmtahel sacohk, nga tarilacna in use pacl luhk in sruhmuhn nuh suwos kihtin puhla luhk.

Yac ekahsr somlah ah, nga ac muhtwacn kiyuck ahwi toeni se in ahkkweye sie interactive exhibit ke tuhlihk srihsrihk ke lohm Church History Museum fin acn Salt Lake City. Ke sahflahiyacn toeni sac, Prestuhn Thomas S. Monson el fahsryak nuh yohrohsr, ac ke el sruokyac pahosr, el fahk, “Kampare, ac kom fah kuhtanglah”—mwe luti sacohk ac sie ma ma pwacye, tuh, kuht nuhkwewa kuh in ahkpwacyeyac.

Jisus Kraist El ahkkweye kuht lah “kutena mwet su mutweng ne ke sahflah, el ac fah moul.”¹

Kalmacn kampare pa “in tu na kuh ke olwelah in oruh suwohs nuh ke ma sap luhn God finne oasr mwe sruhf, ma lain, ac  ma upac.”²

Tuh mwet suc puhlakihn kuh yohk luhn nguhn ac sang kuhlwacnsap luhlahlfongi kuh in fahsr liki kuh puhtatlac in tiac wi alu sie lwen fin elos tiacna kampare nuh ke sahflah. Lwelah kuht in sang nuhke nuhnak lasr ac insiacsrkahs se inge “Ma se inge fah tiac sikyak nuh sik.”

Ke Jisus Kraist El luti fin acn Capernaum, “inakaiyacn mwet tuhma lutlut lal elos fohlohklac, ac tia sifilpac weluhl.

“Ohinge El siyuk sin mwet tuhmma lutlut singucull luo ah, Yac kowos ac som pac?”³

Nga luhlahlfongi lah mihsenge, Jisus Kraist El siyuck kuht nuhkwewa suc oraclah olwelah muhtahl Yohrohl, “Yac kowos luhngse pac som?”

Nga pruhe lah kuht nohfohn, wi motko suwos nuh ke ma moul pahtpaht sruokyac kacsr, kuh in topuk oacna Simon Peter el oruh: “Leum, kut ac som nu yurin su? Kas ma ase moul ma pahtpat oasr yurum.”⁴

Lwelah kuht in oruh suwos ke ma kuht luhlahlfongi ac etuh. Kuht fin tiacna moulkihn oacna etuh lasr, lwelah kuht in eklac. Mwet koluk suc lihksreni ke ma koluk lalos, ac tiacna auliyak, puhtatlac ne puhtatlac nuh ke fohkfohk, nuh ke Satan el pahng kom ma lal sifacna, nuh ke arulacna upac in auliyak, suk nuhnak muhnahs, ac in ahkinsewowoyeyuck ke mwet insewowo nuhkwewa luhn ma pahtpaht.

Nga lohngwack sramsram pucspucs sin mwet ma tilac wi Alu ke pacl nuhkwewa ac muhlkuhnlah srihpac lalos ke fuhfahsryucsr fin facluh se inge. Nga kwacfe elos in motko ac fohlohkohnwack, mweyen nga luhlahlfongi lah wacngihn mwet ac fah oraclah sramsram yac muhtuhn Leum lasr, Jisus Kraist.

Ke kuht pacptaislac, kuht oraclah olwelah – tiacna yurin kuhtwena mwet tuhsruhk nuhsin Mwet Lahngo, insese in “eis inen Jisus Kraist nuh facsr, in nuhnak fokoko in kuhlwacnsapuhlwacl neke sahflah.”⁵

Wi toeni luhn sackracmacn pa sie inkacnek yohk srihpac kuht kuh in nuhnkuh ke nuhnak fokoko lasr in kuhlwacnsap nuh Sel, kuh luhn nguhnasr, ac kapwack luhn luhlahlfongi lasr ke Jisus Kraist.

Ipeis ke kuhfa luhn Leum pa yohk srihpac emet kuht oruh ke lwen Sahpuht. Leum El sruhmuhn akwuck se inge nuh sin Mwet Sap Lal met liki El misac. El oruh oacpacna nuh fin acn Macrike. El fahk nuh sesr lah kuht fin wi akwuck se inge, el pa mwe loh nuh sin Pahpah tuh kuht in Esamuhl pacl nuhkwewa, ac El olwelah lah, mweyen, Nguhn Lal fah wi kuht ke pacl nuhkwewa.⁶

Ke mwe luti lal Alma Fuhsr nuh sin tuhlihk mukul nahtuhl Shiblon, kuht konwacack mwe luti lahlmwetmwet ac sensenkihn ma kahsruh kuht in muhtana fokoko nuh ke olwelah lasr:

“Liyacacng tuh kom in tiac fuhlwactwack ke inse fuhlwact; ahok, liyacacng tuh kom in tiac fihlacng ke lahlmwetmwet lom sifacna, kuh ke kuhiyom sifacna.

“Orekmakihn puhlaik, tuhsruhk tiac fuhnmwet; ac oacyacpac liyacacng tuh kom in kutongyac nohfohn kena lom, tuh kom in kuh in sesseslah ke luhngse; liyacacng tuh kom in kahing liki alsruhngwesr.”⁷

Yac ekahsr tari ah, ke kuht tuh muhtwacta ah, nga kena in som kalkal ke pacl se met. Nga moli kalkal soko, ac ke engan yohk, nga kallah nuh in meoa ah.

Tukun minitekasr ma, sie noa tuhkuh ac furokyac ak soko ah. Ke kuh yohk, nga sruokyac ahk sac ke lac po ac pak soko ah ke sie, oruh nga kuh in sulpac mayak.

Nga sulpac srihke in kalkal ke oak soko ah, tuhsruhk tukun minit ekahsr ma, oak in kalkal sac sifilpac ohnkiyucko. Nga sifilpac srike in orwacack, tuhsruhk tiac kuh, na mwet etuh atacn kal kal se fahkma nuhsihk lah enenuh in oasr srasr se ke shell sac ac oak in kal kal sac kuh in nwacnwaclah ke kof, ac oruh tiac kuh in suwohs ac upac in kahsruhsr wo. Nga fohlohkohnlah oak in kal kal sac nuh pe acn ahac eslah ma se sang fonos ah, ac pwacye iyacna, oasr kof puhkantwen tuhkuh kac.

Nga nuhnkuh nuhke kuhtuh pacl uh ke moul se inge kuht moul ke moul koluk, oacna ke wohn luhn oak soko ah, tulokihnyac kapwack lasr in nguhn.

Kuht fin sikalweni na ma koluk lasr uh, kuht muhlkuhnlah olwelah kuht oraclah yurin Leum, ac finne kuht kampare in forlah mweyen ma koluk oruh moul lasr uh in tiac pacluhns.

Oacna srasrwelihk ke oak in kal kal soko ah, srasrwelihk ke moul lasr uh enenuh in onweyucklac. Kuhtuh ma koluk an enenuh ma puhs liki ma sahyac in auliyak kac.

Kuht enenuh in siyuck sesr sifacna: Kuht piac ke nuhnak lasr nuh sin Mwet Lahngo ac orekma Lal? Kuh kuht oacna Peter ke el lahfwekihn Jisus Kraist ah? Kuh kuht fahsr liki ma se nuh ke kuht puhla ac nuhnkuh fokoko oacna el tukun “kunohkohn wolacna yohk” el eis sin Mwet Lango?⁸

Kuht enenuh in srihke in ahkos ma sap nuhkwewa ac oruh nuhnak lasr nuh ke elos ma upac in karihngihn. Leum El ac oasr siskacsr, kahsrwekuht ke pacl ma enenuh ac muhnahs, ac fin kuht srihke wo ke kena pwacye ac oruh oacna nu ke, El ac oruh “ma muhnahs uh in ma fokoko nuh selos.”⁹

Ahkostwen ac use nuh sesr kuh in kuhtanglah ma koluk. Kuht enenuh oacyacpac kahlwem lah srihke luhn luhlahlfongi lasr enenuh kuht in ahkos, pucs pacl kuht nihkihn ma ac sikyak.

Nga usot atac se lah ac kahsrwekuht kampare nuh ke sahflah.

1. Lwen nuhkwewa, pruhe ac riti ma suhmuhslah.

2. Wik nuhkwewa, ipeis ke kuhfa luhn leum ke insiyac muhsahllah ac nguhn insepuhsisacl.

3. Moli sie tahfuh singucul ac fast offering ke mahlwem nuhkwewa.

4. Yac luo nuhkwewa—yac nuhkwewa ke mwet fuhsr—ahksasucye pwepuh in utyak tempuhl.

5. Ke moul lom nohfohn, kuhlwacnsapuh ke orekma luhn Leum.

Lwelah ma pwacye yohk luhn wosasuc se ahkkweye nuhnak lasr, ac lwelah kuht in oruh moul lasr in wacngihn crack ma kuh in tulokihn fuhfahsryucsr mwesahs lasr liki meoa luhn moul se inge.

Oasr ma enenuh in kuhtanglah ke inkacnek luhn Leum, ohiyac sefanna in eis pa in moli ma enenuh se.

Fuhkah tarilacna luhk lah Mwet Lahngo lasr kampare nuh ke sahflah, ahkfalye kihsac in iwaclah wolacna Lal.

El kweok ke ma koluk, kihnet, puhla toasr, ahsor, suhfal, ac sahngweng lasr, ac El oacyacpac etuh ohiyac in kahsruh kuht, ohiyac in ahkpuhlaikye kuht, ohiyac in karihngihn kuht, ac ohiyac in ahkkweye kuht na kuht in kampare ac eis mwe sang luhn mwet ma tiacna puhtatlac.

Moul pa siena liki nuh sin kais sie sesr. Kuht nuhkwewa puhlakihn pacl upac, pacl se in engan, pacl se in sulaclah, pacl se in kuhtanglah ma tulokihn, ac pacl se in use kuh in oruh ma se.

Finne ohiyac lasr sifacna pa, Nga fahkwelihk lah Pahpah tuhmasr Inkuhsrao El kampare fahk, “Nga luhngse kom, Nga ahkkweye kom, Nga oasr yurum. Tiac forlah liki. Auliyak ac kampare ke inkacnek ma Nga ahkkahlwemye nuh sum. Ac Nga fah ahkkweye kom lah kuht fah sulpac liye sie sin sie kom lohm sum celestial.” Ke inen Jisus Kraist, amen.