Tuhkweni ke Lututacng in Sacte

April 2018

Tuhkweni Muhtahl in Alu

Ahkkahlwemyeyuck sel Prestuhn Henry B. Eyring

Mwet in Kahsruh se Ahkluo ke Prestuhnsi Se Met

Tamuhlwel ac tahmtahel, Prestuhn Nelson el siyuck sik tuh ngan ahkfahsrye mukwikwi ke tuhkweni muhtahl in alu se ma kuht fahsrweni kac mihsenge uh.

Sie pa inge pacl yohk srihpac emet nuh sin mempucr ke Alu luhn Jisus Kraist luhn Mwet Luhlahlfongi ke Lwen-sahflah uh.

Ke lwen ke Ohktohpa 10, 1880 ah, ke John Taylor el ahkkweyacllah in oruh Brigham Young elan sie mwet pahluh, liyactwen, ac fahkwackelihk ac Prestuhn ke Alu luhn Jisus Kraist luhn Mwet Luhlahlfongi ke Lwen-sahflah uh, kais sie pacl inge tuh ahkoeyucklac sie tuhkweni in alu ahkfuhlwact luhn ip ke Alu uh in ahkkahlwemye puhsrwen Alu uh.

Kuht fah vote quorums ac u uh. Acn na kom oasr we an, suliyuck kom in tuyak muhkwena ke ngihsreyuck ac ahkkahlwemyeyuck ke sruhkwack poum finne kom sulaclah in ahkkweye inen mwet ma fwackyuck uh. Kom enenuh in vote muhkwena ke siyuckyuck in tuyak uh.

Mwet Kol Fuhlwact pakpuck uh nuh e Tabernacle ac Assembly Hall ke Temple Square uh fah liye vote ke acn ingacn. Ke stek centers an, sie mempucr ke stek prestuhnsi an fah liye vote an. Fin oasr vote lainyac, mwet ingacn enenuh in ohsun nuh sin stek prestuhn kol lalos an.

Kuht fah muhtwacwacack ingena. Sifilpac, nuhnak muhnahs tuyak ac vote muhkwena ke siyuckyuck uh.

Kuht siyuck mempucr ke Prestuhnsi Se Met in nuhnak muhnahs tuyak.

Tuh inseselac tuh Prestuhnsi Se Met in ahkkweyacl Russell Marion Nelson oacna sie mwet pahluh, mwet liyactwen, ac mwet fahkwackelihk ac Prestuhn ke Alu luhn Jisus Kraist luhn Mwet Luhlahlfongi ke Lwen-sahflah.

Mwet ke Prestuhnsi Se Met ma insese, nuhnak muhnahs ahkkahlwemye.

Tuh inseselac tuh Prestuhnsi Se Met in ahkkweyacl Dallin Harris Oaks in Mwet Kahsruh Se Met ac Henry Bennion Eyring in Mwet in Kahsruh Ahkluo ke Prestuhnsi Se Met ke Alu uh.

Mwet ke mempucr luhn Prestuhnsi Se Met ma insese an kuh in ahkkahlwemye.

Tuh inseselac tuh Prestuhnsi Se Met in ahkkweyacl Dallin Harris Oaks in Prestuhn ke U luhn Mwet Sap Singucul Luo uh ac Melvin Russell Ballard oacna Acting Prestuhn ke U luhn Mwet Sap Singucul Luo an.

Mempucr luhn Prestuhnsi Se Met ma insese an kuh in ahkkahlwemye.

Tuh inseselac tuh Prestuhnsi Se Met in ahkkweyeyucklac in mempucr ke U luhn Mwet Sap Singucul Luo uh: M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit Walter Gong, ac Ulisses Soares.

Mempucr luhn Prestuhnsi Se Met, nuhnak muhnahs ahkkahlwemye.

Tuh inseselac tuh Prestuhnsi Se Met in ahkkweyelah mwet in kahsruh ke Prestuhnsi Se Met ac U luhn Mwet Sap Singucul Luo uh in mwet pahluh, mwet liyactwen, ac mwet fahkwackelihk.

Mempucr luhn Prestuhnsi Se Met nuhnak muhnahs ahkkahlwemye.

Prestuhnsi Se Met fah inge kuh in muhta.

Kuht solwacl Elder Gong ac Elder Soares in eis acn selos yurin U luhn Mwet Sap Singucul Luo uh.

Mempucr ke U luhn Mwet Sap Singucul Luo u muhkwena, weluhlwacng Elder Gong and Elder Soares, fah nuhnak muhnahs tuyak.

Tuh inseselac tuh U luhn Mwet Sap Singucul Luo ah in ahkkweyacl Russell Marion Nelson in sie mwet pahluh, mwet liyactwen, ac mwet fahkwackelihk ac Prestuhn ke Alu luhn Jisus Kraist luhn Mwet Luhlahlfongi ke Lwen-sahflah, tuhkweni yurin mwet kahsruh lal ac mempucr ke U luhn Mwet Sap Singucul Luo ke elos tuh ahkkahlwemyeyuck ac votekihnyuck sin Prestuhnsi Se Met.

Mempucr ke U luhn Mwet Sap Singucul Luo ma insese, nuhnak muhnahs ahkkahlwemye.

Kowos kuh in muhta.

Kuht siyuck Mwet Kol Fuhlwact ke Mwet Itngucul an ac mempucr ke Pisap in Karihngihn an in nuhnak muhnahs tuyak.

Tuh inseselac tuh Mwet Kol Fuhlwact nuh kwewa ke Mwet Itngucul an ac mempucr ke Pisap in Karihngihn uh in ahkkweyacl Russell Marion Nelson in sie mwet pahluh, mwet liyactwen, ac mwet fahkwackelihk ac Prestuhn ke Alu luhn Jisus Kraist luhn Mwet Luhlahlfongi ke Lwen-sahflah, tuhkweni yurin mwet kahsruh lal ac mempucr ke U luhn Mwet Sap Singucul Luo ke elos tuh ahkkahlwemyeyuck ac votekihnyuck sin Prestuhnsi Se Met.

Mwet Kol Fuhlwact nuh kwewa ke Mwet Itngucul an ac mempucr ke Pisap in Karihngihn suc lwelah, nuhnak muhnahs ahkkahlwemye.

Kowos kuh in muhta.

Kuht siyuck mwet pahng inge in nuhnak muhnahs tuyak ke acn kowos oasr we fin facluh uh: Eria Itngucul nuh kwewa, patriarch akmuhsralah, prist fuhlwact, ac elders an.

Tuh inseselac tuh Russell Marion Nelson elan ahkkweyeyucklac oacna sie mwet pahluh, liyactwen, ac fahkwackelihk ac Prestuhn ke Alu luhn Jisus Kraist luhn Mwet Luhlahlfongi ke Lwen-sahflah uh, tuhkweni yurin mwet kahsruh lal ac mempucr ke U luhn Mwet Sap Singucul Luo uh ke elos tuh ahkkahlwemyeyuck ac votekihnyuck.

Mwet nuh kwewa suc insese, nuhnak muhnahs ahkkahlwemye.

Kuhtwena suc lain kuh in ahkkahlwemye pac.

Nuhnak muhnahs muhtah.

Lwelah mempucr nuh kwewa ke Rilif Sosaiti—mac ac, muhtwacn yac 18 nuh kwewa matwac ac mahtuh liki—nuhnak muhnahs tuyak.

Tuh lwelah tuh Russell Marion Nelson elan ahkkweyeyucklac oacna sie mwet pahluh, liyactwen, ac fahkwackelihk ac Prestuhn ke Alu luhn Jisus Kraist luhn Mwet Luhlahlfongi ke Lwen-sahflah uh, tuhkweni yurin mwet kahsruh lal ac mempucr ke U luhn Mwet Sap Singucul Luo uh ke elos tuh ahkkahlwemyeyuck ac votekihnyuck.

Mwet nuh kwewa suc insese, nuhnak muhnahs ahkkahlwemye ke poum.

Kuhtwena suc lain ahkkahlwemye pac.

Kowos kuh in muhta.

Lwelah mwet nuh kwewa suc sruok muhkwena Aaronic Pristut—ma ac, nohfohnna ahkkweyeyucklac nuh ke prist, titsucr, ac tikin—nuhnak muhnahs tuyak.

Mwet nuh kwewa suc insese, nuhnak muhnahs ahkkahlwemye ke poum.

Kuhtwena suc lain ahkkahlwemye pac.

Kowos kuh in muhta.

Lwelah muhtwacn fuhsr suc matwac 12 nuh ke 18 in nuhnak muhnahs tuyak.

Mwet nuh kwewa suc insese, nuhnak muhnahs ahkkahlwemye ke poum.

Kuhtwena suc lain ahkkahlwemye pac.

Kowos kuh in muhta.

Kuht ingena siyuck tuh mwet mempucr nuh kwewa, oacna sie acn kom oasr we, weacng mwet nuh kwewa suc tuhfahna tuyak ah, in nuhnak muhnahs tuyak.

Mwet nuh kwewa suc insese, nuhnak muhnahs ahkkahlwemye ke poum.

Kuhtwena suc lain ahkkahlwemye pac.

Kowos nuh kwewa fah muhta.

Kuloh, tamuhlwel ac tahmtahel, ke luhngse ac ahkkweye lowos an.