Mwet Pahluh luhn God
Mwet pahluh se tiac tu infulwom ac Mwet Lahngo. Likina, el tu siskom ac srihsrngi inkacnek nuh yurin Mwet Lahngo.
Nga wi pac in pain Elder Gerrit Gong ac Elder Ulisses Soares nuh ke un tamuhlwel ke U luhn Mwet Sap Singucul Luo.
Ke ahkkweyeyacl Prestuhn Russel M. Nelson in ekihn mwet pahluh se luhn Leum ac in pa Prestuhn luhn Alu luhn Jisus Kraist luhn Mwet Luhlahlfongi ke Lwen-sahflah, kuht ipin u se ke sie tuhkweni muhtahl akwucki sin God ah— muhtahl mweyen ma sikyak ke pacl somlah inge tuh motkoeyuck inkuhsrao nekena facluh se inge oasr. Leum Jisus Kraist, suc kol orekma Lal, mihsenge sel Prestuhn Eyring fahkwack mwet pahluh Lal, mwet kol akmuhsraiyucklac Lal, nuh sesr, mwet olweacng Lal, lwelah nuh sesr in ahkkahlwemye insese lasr in ahkkweyacl ac sap lal.
Nuh suwos mempucr miliacn suc tiac wi kuht tuhkweni ke Nien Tuhkweni Luhlahp se, nga ke kowos in etuh lah Nguhn luhn Leum lun iwac se inge ke pacl se ahkkweyeyucklac lal Prestuhn Nelson ah in oacna ma kom finsraki—nwacnwaclah ke kuh luhn nguhn. Tuh tuhkweni muhtahl akwucki se lasr uh tiac oasr ke Nien Toeni Luhlahp se inge muhkwena tuhsruhk fin fwacluh nohfohn—ke lohm alu fin acn Asia, Africa, ac North America; ke lohm fin acn Central ac South America ac Europe; ke ipin acn Pacific ac tuhka ke meoa uh. tuhkweni muhtahl se oasr ke oacna sie ipin acn fin facluh kom oasr kac, finne kuhpahsr lom nuh kac an tiac apkuhran nuh ke mwe lohngyuck kuh fon. Kohkoh paho lasr tiac oekyuck sin pisap, tuh elos akilwenyuck inkuhsrao, oacna ke olwelah lasr sin God, ac ohiyacsr sihmlac lun puk luhn moul.
Leum El Sulwaclah Mwet Pahluh Lal
Suleyucklac luhn sie mwet pahluh oreklac sin Leum sifacna. Wacngihn srihke in sollac, wacngihn akuhkuhin, wacngihn petsac ke ohiyac, tiac uslah insiyacn mwet, wacngihn ahlohloh, fohswack, kuh fohs. Nga pac ahkkweye lah luhn inkuhsrao pa yohrohsr ke kuh oasr infuckihl fuhlwact luhn tempuhl ah ke kuht pruhe raun Prestuhn Nelson ac puhla insese suwos Lal Leum kacl.
Sulwaclah lal Prestuhn Nelson in kuhlwacnsap ekihn sie mwet pahluh luhn God tuh oreklac yac pucs met ah. Kahs luhn Leum nuh sin Jeremiah wi pac nuh sel Prestuhn Nelson: “Meet liki nga lumwekomla nga sulekomla, ac meet liki kom isusla nga srikomla in sie mwet palu nu sin mutunfacl uh.”1 Yac tolu muhkwena somlah ah, Elder Nelson, matwac yac 90, tuh ahkahkosr ke seniority suc ma luo sin Mwet Sap paht ingacn srihk yac lalos an luhkwel. Leum, suc nuhnuhnkuh moul ac misac uh, sulwaclah Mwet Pahluh Lal. Prestuhn Nelson, yac 93, srack kuh in mahno. Kuht finsrak elan wi kuht sun yac singucul kuh longoul, tuhsruhk kuht srihke in kwacfel in tiac som nuhke acn lallal in ski uh.
Ke kuht ahkkweye mwet pahluh ekihn mwet akmuhsralah luhn Leum, lwelah in kahlwem lah kuht alu muhkwena nuh sin God, Pahpah tuhmasr Inkuhsrao, ac Wen Nahtuhl. Ke oruh wowo, pahkotwen, ac kuhlwacng luhn Mwet Lahngo, Jisus Kraist, kuht in kuh in sie lwen sifil ilyak nuh Yohrohlos.2
Efuh Kuht Ukwe Mwet Pahluh
Tuh Jisus El luti ma yohk srihpac ke mwet kuhlwacnsap El suhpwacma nuh sesr. “El su eis kowos,” El fahk, “el eisyu; ac el su eisyu, el eisal su supweyume.”3
Kuhlwacnsap yohk srihpac emet luhn mwet pahluh luhn Leum uh pa in luti kuht ke Mwet Lahngo ac kol kuht nuh Yohrohl.
Puhs srihpac na kahlwem in fahsr tohkohl Prestuhn Russell M. Nelson. Finne mwet luhn facluh ac pahngonohl suhmaht. Oacna Elder Stevenson el fahk, el tuh sie taktuh ke ono matwac yac 22, sie taktuh in art akihlenyuck, ac pwengpweng ke ahkyohkye unweyacn art uh.
Mwet sahyac ac ahkkahlwemye lahlmwetmwet ac nuhnuhnkuh lal: yac yucngucul ke lutiyacn moul ac misac, moul tiac nuhnkuh kac sifacna, luhngse ac luti tuhlihk nuhkwewanuhtin God ke sroasrihk facluh uh, ac lahlmwetmwet ke tuhfahlah ke tuhlihk 10, grand 57 nahtuhl, ac great-grand 118 nahtuhl (nempuh sahflah se inge ekyek pacl nuhkwewa; sie great-grandson isuslac ke Wenste tari ah).
Elos ma etwacl na pwacye uh ac sramsramkihn Prestuhn Nelson el puhlakihn moul upac ke luhlahlfongi uh ac puhlaik. Ke cancer uh eslah moul luhn tuhlihk muhtwacn yac 37 se nahtuhl, Emily, fihliyac muku tuhma luhngse se ac tuhlihk srihsrihk limekohsr, nga lohng el fahk “Nga tuh pahpah tuhmwacl ac sie taktuh ke ono ac sie mwet sap luhn Jisus Kraist, tuhsruhk nga tuh enenuh in suwollac ac ahkkahlwemye, ‘Tiac luhngse luhk a luhngse lom in orek.’”4
Sie Mwet Topang ke Tower
Finne kuht akihlen ma wowo fuhlwact inge kwewa, kuht ukwacl Prestuhn Nelson mweyen Leum Jisus Kraist El pahnglol ac el in ekihn mwet topang se Lal ke tower uh.
Carcassonne pa sie siti kalkalyak na wowo fin acn France ma srack tu eke pacl mahtuh luhn Europe ah me. Tower loeloes suwohsack nuh lucng liki kalkal karihngihnyuck uh, oreklac luhn mwet topang ma to ke tower ingacn ke lwen ac fong oruh in lohacng na nuhke acn loeloes luhn mwet lokoalok uh. Pacl se mwet topang se liye sie mwet lokoalok sikyak uh, puhsra in sensenkackihn lal karihngihn mwet fin acn Carcassonne liki mwe elyah elos tiac kuh in liye uh.
Mwet pahluh se el sie mwet topang ke tower, karihngihn kuht liki mwe elyah luhn nguhn kuht ac kuh in tiac liye.
Leum el fahk nuh sel Ezekiel, “Nga ac oru tuh kom in sie mwet san nu sin mutanfahl Israel. Kom enenu in tafwela nu selos kas in sensenkakin manga ac sot nusum.”5
Kuht wacna sramsramkihn enenuh lasr in ukwe mwet pahluh, tuhsruhk nuhnkuh ke ma toasr se inge ma Leum El fihliyac fin mwet pahluh Lal: “Ac kom fin tia sensenkakinul el an … , ac molela moul lal na el ac misa sie mwet koluk, … ac nga ac fah filiya mwatan misa lal uh nu fom.”6
Mwet Loh Sifacna Wowo Se
Kuht ahkkweyacl Prestuhn Nelson oacna kuht ac kuh in ahkkweyacl Peter kuh Moses fin kuht moul in lwen lalos ah. God El fahk nuh sel Moses, El ac kahsrwel in sramsram, ac El ac fah fahk nuh sel ma el in fahk.7 Kuht lohacng nuh sin mwet pahluh luhn Leum ke luhlahlfongi lah kahs lal pa ma sin inwacluhl Leum.8
Kuh luhlahlfongi kun pa inge? Moh, tiac. Kuht kais sie oasr mwe loh luhn nguhn ke pwacyeiyacn fohlohkyak ke wosasuc luhn Jisus Kraist. Ke insese lasr sifacna ac sulwaclah uh, kuht kohlwack pahosr lutuah, fahkwack kena lasr in ahkkweye mwet pahluh luhn Leum ke “kuh, luhlahlfongi, ac ke pruhe9 ac in ukwe kahs in kahsruh lal. Kuht eis pacl wowo ekihn Mwet Luhlahlfongi ke Lwen-sahflah in eis sie ahkkweye lasr sifacna lah pahng lal Prestuhn Nelson ma sin God. Ke muhtwacn kiyuck Kathy, etwacl Prestuhn Nelson sifacna apkuhran yac tolngoul ac wacngihn nuhkanlah lal ke nuknuk in pahluh lal, ke srisrilac lal, el muhtwacwacack riti sramsram nohfohn lal ke toeni luhlahp ke yac 34 somlah ah, pruhe ke finne sie kahlwem na loal ah ke ip kunacl ekihn sie mwet pahluh uh. Nga olwelah nuh sum lah mwe loh yohk se ac tuhkuh nuh sum ke kom suk ke puhsisacl ac suwohs uh.
Efuh kuht arlac ke ukwe puhsren mwet pahluh lasr? Nuh selos ma oaru in suk moul ma pahtpaht uh, puhsren mwet pahluh use karihngihnyuck luhn nguhn ke sie pacl na fohs.
Kuht muhta ke sie facluh ma wohwohn ke mwet puhs pihrihk kuht ke kain in ma. Internet, smartphone nahtuhsr, sulwaclah lasr ke mwe ahkpwacr puhs siyuck kuht in porongo kac ac nohfohn pahtokyuck nuh facsr, finsrak kuht a moli ma lalos ac wi eis luhlahlfongi lalos.
Oacna in pacl wacngihn sahflah luhn ma in etuh ac nuhnak inge ahkacsmakihnye kuht ke mwe sensen ke ma suhmuhslah uh ma muh “ikwot ikme,”10 “eng uh pahlela,”11 kihfucsyucklac ke “mwe luti kuhtasrihk,” ac kuhtangyucklac selos suc “sano in kiapwelos.”12
Ke luhlahlfongi in ukwe Leum Jisus Kraist enenuh kuht in porongo nuh sin mwet El suhpwelah. Ukwe mwet pahluh uh ke facluh ohkahrkahr ac oacna ke kuht nuklac ke sie placngkiht fihsrwacsr, fucsrfucsr ke sie lwen na mihsrihsr uh
Kuht muhta ke sie facluh suk srihpac uh, amein, akuhkuhin, kuh in nuhnak, ac ahkuhtweyac. Siyuck ke “efuh?” uh el wo ke atac puhs ke moul lasr uh, oraclah kuhluhn etwacack lasr in kol sie pihsac kesulwaclah ac otwelahkuht puhlakihn kais sie lwen.
Tuhsruhk puhsren Leum wacna tuhkuh wacngihn ahkuhtweyac kac.13 Loeslac pacl met liki mwet lutlut ke ma sikyak nuh sin mukul, muhtwacn, ac tuhlihk nahtuhlos yurin mwet suc orek kosro, Leum El fahkwack, “Nik kom kosro.”14 Loes liki lahlmwetmwet muhkwena, kuht oruh mwe sang luhn Nguhn Muhtahl in sacohk.
Nimet Lut
Puhsren mwet pahluh uh, pacl sramsram ke kuhlwacng, ac kwacna sie puhsra siyuck kuht in eklac, in auliyak, ac fohlohk nuh sin Leum. Pacl enenuh ahksuwohs uh, lwelah kuht in tiac koto. Ac nimet sulkackihn pacl puhsra in sensenkackihn luhn mwet pahluh tuhkuh lain sulwaclah pwengpweng ke lwen sacn. Ma fireball luhn kasrkuhsrak luhn mwet suhlahlahlfongi tohllah ke pacl se mwet pahluh an muhtwacack in sramsram. Ke kom puhsisacl in ukwe kahs in kahsruh luhn mwet pahluh luhn Leum, nga olwelah nuh sum sie mwe insewowo luhn karihngihnyuck ac mihs in weacng.
Nimet kom lut ke pacl liye lom an tiac oacna luti luhn mwet pahluh luhn Leum uh. Ma inge pacl luhn eis etwacack, ke puhsisacl, pacl kuht pruhe ke puhsisacl uh. Kuht fahsr na nuh met ke luhlahlfongi, luhlahlfongi ke God, etuh lah ke pacl kuht ac eis kuhtuh pac mwe ahkkahlwemye sin Pahpah tuhmasr Inkuhsrao. Sie mwet pahluh ahkuhtweyac mwe sang koflah in kapsreyuck luhn Mwet Lahngo oacna “kena luhn Wen som nuh ke kena luhn Pahpah.”15 Fuhlweack ke kena lasr nuh ke kena luhn God pa, tiac fuhlweack na tuhsruhk pa muhtwacwacyacn sie kuhtanglah wolacna.
Kuhtuh mwet uh ac srihke in ikweyac kahs luhn mwet pahluh uh, srihke in konwacack puhsren pahluh ac meac nuhnak lal sifacna uh.
Ke 1982, yac luo met liki pahng lal ekihn sie General Authority, tamuhlwel Russell M. Nelson el fahk, Nga soenna siyuck sihk sifacna, ‘Ngac mwet pahluh se ac sramsram ekihn mwet pahluh se ac ngac el ac tiac uh?’ Nuhnak luhk sifacna pa, ‘Ngwac kuh in oacna el fuhkah?’” El tahfwelah, [Fahk luhk pa in] tulokihnyac kihsensiyuck ke fahk luhn mwet pahluh uh lah pwacye doctrine pa ngwe kuh tiac a in tarieisna ac ukwe.”16 Pa inge sulwaclah luhn sie mwet puhsisacl ac yohk nguhn la in tahkuhnlah moul lal uh in wo. Inge, yac 36 tohkoh, el mwet pahluh luhn Leum..
Ahkyohkye Luhlahlfongi Lom ke Mwet Lahngo
Ke moul luhk sifacna, nga konwacack lah ke pruhe nga lutlut ke kahs luhn mwet pahluh luhn God ac lohacng, ke muhtweng, ke nguhn kapsra kena luhk nuhke luti moklweyuck lal, luhlahlfongi luhk ke Leum Jisus Kraist pacl nuhkwewa yohkwelihk.17 Fin kuht sulwaclah in pihlesruh kahsruh lal ac muh kuht etuh wo liki, luhlahlfongi lasr uh kweok ac ahkwot lasr netok uh ohklah. Nga olwelah nuh sum lah ke kom ac sulwaclah na in ukwe mwet pahluh uh, luhlahlfongi lom ke Mwet Lahngo fah yohkwelihk.
Mwet Lahngo el fahk, “Mwet Pahluh nuhkwewa … fahkwack keik.” 18
Mwet pahluh se tiac tu inmahsrlon kom ac Mwet Lahngo. Sahyac, el tu siskom ac srihsrngi inkacnek nuh yurin Mwet Lahngo. Kunohkohn yohk ac mwe sang sacohk emet luhn sie mwet pahluh nuh sesr pa mwe loh pwacye lal, etuh pwacye lal, lah Jisus pa Kraist. Oacna Peter met ah, mwet pahluh lasr fahkwack, “[El] pa Kraist, Wen nutin God moul.”19
Sie lwen tok uh, ke kuht liye moul lasr uh, kuht ac engankihn tuh kuht fahsr ke facluh ke pacl se oasr mwet pahluh se. Ke lwen se inge, Nga pruhe lah kuht in kuh in fahk:
Kuht porongwacl.
Kuht luhlahlfongwel.
Kuht lutlut ke kahs lal ke muhtweng ac luhlahlfongi.
Kuht pruhe kacl.
Kuht tu siskacl.
Kuht tuh mongfihsracsr fal in fahsr tohkohl.
Kuht luhngse el.
Nga fihliyac mwe loh muhtahl luhk lah Jisus El pa Kraist, Mwet in Molwelah and Mwet Lahngo lasr, ac ingena Prestuhn Russell M. Nelson pa mwet pahluh ahkkweyeyucklac Lal fin facluh. Ke inen Jisus Kraist, amen.