2010–2019
Ma Mwet Sruok Aaronic Pristut Nuhkwewa Enenuh in Etuh
April 2018

Ma Mwet Sruok Aaronic Pristut Nuhkwewa Enenuh in Etuh

Sel Douglas D. Holmes

Mwet in Kahsruh Se Met ke Prestuhnsi Luhlahp luhn Mukul Fuhsr

Akmuhsralah ke Aaronic Pristut lom an yohk srihpac in kahsruh tuhlihk nuhtin God eis kuh in iwaclah luhn Kraist.

Tamuhlwel, pacl na wowo se in wi kowos ke toeni muhtahl se inge. Ke nga sie misin prestuhn sasuc ah, nga arlac rahrah in eis u in misineri se emet lasr ah. Kuhtuh sin misineri lasr ma yohk etuh la ahkolah nuh ke sie miting fototo yohrohlos. Nga akihlen lah elos tahkuhnlah siah luhn tuhlihk srihsrihk ke sie tahfuhn raun.

“Kuh mwe meac siah srihsrihk inge?” nga siyuck.

Misineri uh, luhman mwekihn, fahk, “Ma nuh sin misineri sasuc uh.”

Nga luhlahlfongi muh ohiyac kuht nuhnkuh ke mwet sahyac uh mokle na pwacye ohiyaclos ac mwet elos ac eklac nuh kac uh.1Misineri sasuc lasr uh muhta ke siah luhn mwet mahtuh ke lwen sac.

Kuhtuh pacl uh, nga sahngweng, oacna kuht in sang nuh sin mukul fuhsr ke Aaronic Pristut inge siah luhn tuhlihk in muhta kac likina in kahsrwelos in kahlwem kac lah God El sang nuh selos sie luhlahlfongi ac sie orekma na yohk srihpac in oruh.

Prestuhn Thomas S. Monson el ahkkweye nuh sesr lah mukul fuhsr uh enenuh in kahlwem lah meac “kalmeyac… in mwet us pristut luhn God uh. Elos enenuh in kolyuck ke sie akihlenyacn ma luhn nguhn ke muhtahliyen pahng akmuhsralah elos nuh kac uh.”2

Mihsenge, nga pruhe tuh Nguhn Muhtahl in kol kuht nuh ke sie kahlwem ke kuh ac muhtahliyen Aaronic Pristut uh ac mokle kuht in oaru in lohacng nuh ke kunohkohn in pristut lasr uh. Pweng luhk uh ma nuh sin mwet sruok Aaronic Pristut nuhkwewa, weacng elos ma sruok Melchizedek Pristut uh.

Elder Dale G. Renlund el luti lah srihpac luhn pristut pa in sang nuh sin tuhlihk nuhtin God lwelah nuh ke kuh in iwaclah luhn Jisus Kraist.3In eis kuh in iwaclah luhn Kraist nuh ke moul lasr, kuht enenuh in luhlahlfongi Kacl, auiyak ke ma koluk lasr, oraclah ac liyacacng olwelah muhtahl ke akwuck uh, ac eis Nguhn Muhtahl.4Ma inge tiac ip yohk ma kuht enenuh in wi oruh pacl sefanna; tuhsruhk, elos tuhkweni orekma, sifil ahkfokokoye ac muhsaheack kais sie ke ohiyac ma kalweniyuck na in kuh in kapkapwack in “tuhkuh nuh yurin Kraist, ac ahksuwohsyeyucklac Kacl.”5

Na, meac kunohkohn luhn Aaronic Pristut ke ma inge uh? Ac kahsrwe kuht fuhah in eis kuh in iwaclah luhn Kraist? Nga luhlahlfongi muh top uh ac sukokyak ke ki luhn Aaronic Pristut uh—ki in luti luhn lipufacn ac ke ahkolah luhn wosasuc.6

Luti luhn Lipufacn

Lwelah kuht in muhtwacwacack ke sie ipin luti luhn lipufacn. Met liki tuhlihk nuhtin God kuh in eis luhlahlfongi ke Jisus Kraist, elos enenuh in etuh Kacl ac lutiyuck ke wosasuc Lal. Oacna Mwet Sap Paul el fahk:

“Tusruk elos ac pang nu sel fuka elos fin tialulalfongi in el? Ac elos ac lulalfongel fuka elos fin tia lohng mwe luti kacl?

“Ac mwe fahkak ac sulkakinyukfuka fin tiasupweyukla mwet in sulkakin? …

“Mwet uh elos lulalfongi ke elos lohng mwe fahkak, mwe fahkak uh pa kas in luti ke Christ.”7

Ke muhtwacwacyen pacl uh, God El “suhpwaclah lipufacn in luti nuh sin tuhlihk nuhtin mwet, in oruh in kahlwem … ke tuhkuh luhn Kraist.”8Lipufacn uh pa mwet inkuhsrao ma us pweng luhn God.9Ke kwewana kahs Hebrew ac Greek, root word luhn lipufacn pa “mwet utuck pweng.”10

Ke ohiyac sepacna inge lipufacn uh pa mwet utuck pweng oasr wal la suhpweyuckme sin God in fakwack kahs Lal ac ohinge in muhsaheack luhlahlfongi, kuht suc sruok Aaronic Pristut uh akmuhsralah in “luti, ac suli mwet nuh kwewa in tuhkuh nuh yurin Kraist.”11In fahkwack wosasuc uh el sie kunohkohn luhn pristut. Ac kuh ma wi kunohkohn se inge tiac ma nuh sin mwet pahluh muhkwena kuh finne misineri uh na. Ma nuh suwos pac!12

Na kuht ac eis fuhkah kuh se inge? Tikin yac 12 se—kuh oacna sie sesr—ac sang luhlahlfongi ke Kraist nuh ke insiacn tuhlihk nuhtin God uh fuhkah? Kuht ac muhtwacwacack ke liyacacng kahs Lal in muh kuh kac uh oanna in kuht.13El olwelah lah kuht fin oruh, kuht ac fah eis kuh luhn God nuh ke pahtokyaclos.14Kuh pac in sie pacl wowo in luti ke sie u in miting kuh muhtwacta lohm sin sie mempucr. Kuh in sie mana fihsrwacsr, oacna sie sramsram yurin kawuck kuh mwet ke sucu. Ke kuhtwena kain atac inge, kuht fin ahkolah, kuht kuh in luti wosasuc uh oacna lipufacn uh oruh: ke kuh luhn Nguhn Muhtahl.15

Petsac
Jacob ac Tamuhlwel Holmes

Nga tuhfahna lohng lah Jacob, sie mwet sruok Aaronic Pristut fin acn Papua New Guinea, el fahkwack luhlahlfongi lal ke Puk luhn Mormon ac puk sac kahsrwel fuhkah in lain ma koluk ac ukwe Nguhn. Kahs lal ahkyohkye luhlahlfongi luhk ac luhlahlfongi luhn mwet sahyac uh. Luhlahlfongi luhk uh kapwack pac ke nga lohng mwet sruok Aaronic Pristut se inge luti ac fahkwack ke u in miting lalos ah.

Mukul fuhsr, kom pa mwet utyuck pweng oasr wal la. Ke kahs ac mukwikwi lom uh, kom kuh in use luhlahlfongi ke Kraist nuh ke insiyacn tuhlihk nuhtin God.16 Prestuhn Russell M. Nelson el fahk, “Nuh selos kom ac oacna sie lipufacn in luti.”17

Wosasuc in Ahkolah

Ahkyohkye luhlahlfongi ke Kraist pacl nuh kwewa kol nuh ke sie kena in eklac kuh auliyak.18 Oruh etweyuck lah ki ke luti luhn lipufacn uh fah wi ki in ahkolah wosasuc uh, wosasuc ke auliyak ac ke pacptais, ac ke eis nuhnak muhnahs ke ma koluk uh.”19

Ke kom lutlut ke kunohkohn ke Aaronic Pristut lom uh, kom fah liye sie sap kahlwem in suli mwet sahyac uh in auliyak ac oraclah wo.20 Tiac kalmac pa kuht in tu ke srosrihk inkacnek uh ac sasa, “Kom in auliyak!” Inkaiyen pacl uh, kalmeyac pa kuht auliyak, kuht nuhnak muhnahs, ac ke kuht luti mwet sahyac uh, kuht sang finsrak ac mihs ma auliyak use uh—ke srihpen kuht puhlakihn sesr sifacna.

Nga wi mwet sruok Aaronic Pristut uh ke elos muhtwacta yurin mempucr wiaclos ke u uh. Nga mwet lohoh ke inse luhngse fihsrwacsr ac kahsruh tamuhlwel wiaclos in puhla luhngse luhn God. Nga lohng lah sie mukul fuhsr fahkwack luhlahlfongi nuh sin mwet wiyacl ke kuh in auliyak. Ke el oruh ah, insiac uh fihsrwacsrsrwacsr uh, olwelah uh oreklac, ac kuh in onwelah luhn Kraist puhlakihnyuck.

Prestuhn Gordon B. Hinckley el luti: “Ma se pa in auliyak. Sie pacna in sang ma koluk lasr in in eis nuhnak muhnahs. Kuh in sang ma inge uh sukokyak ke Aaronic Pristut.”21 Akwuck luhn Aaronic Pristut ke pacptais ac mwe ahkpwacye ke kuhfa luhn Leum ac ahksahfyelah auliyak lasr nuh ke elah luhn ma koluk uh.22 Prestuhn Dallin H. Oaks el ahkuhtweyac ke inkacnek se inge: “Sapkihnyuck kuht in auliyak ke ma koluk lasr ac in tuhkuh nuh yurin Leum ke sie inse muhsahl ac toasr in nguhn ac ipeis ke kuhfa luhn Leum. … Ke kuht ahksasucye olwelah ke pactais lasr ke inkacnek se inge, Leum El ahksasucye atacn ahknwacsnwacs ke pacptais lasr ah.”23

Tamuhlwel, sie pacl na muhtahl in oruh akwuck ma use nuhnak muhnahs ke kuh luhn iwaclah luhn Mwet Lahngo nuh sin elos suc inse auliyak uh.24

Nga tuhfahna lohng ke sie prist, suc upac nuh se ke suhpah in kahs, ahkinsewowo kuhfa luhn Leum ke pacl se emet. Ke el oruh ah, sie nguhn fokoko tuhkuh nuh fwacl ac mwet alu ac. Tukun miting sac, el oraclah sie fahkwack luhlahlfongi na fihsrwacsr ac kahlwem ke kuh luhn God el puhlakihn ke akwuck sac.

Petsac
U luhn Prist wi sucu lal Mbuelongo

Fin acn Sydney, Australia, mempucr ahkosr ke sie u in prist pacptaiselah mwet ke sucu Mbuelongo. Ninac kiacn sie mukul ke u luhn priest uh fahk nuh sik ke ohiyac fokoko se inge lah mokleack na pwacye mukul se nahtuhl ah. Mwet prist inge kahlwemwack lah meac kalmeyacn “sang kuh luhn Jisus Kraist.”25

Oacna ke kom etuh uh, prist uh kuh in ingena oruh pacptais nuh sin mwet misac lun tempuhl. Tuhlihk mukul yac 17 se intihk ah tuhfahna pacptaisiyuclac nuh sin kuhtuh mwet somlah lasr. Kuht tuhkweni puhla tarilacna luhn Aaronic Pristut ac pacl wowo ke mukwikwi nuh ke molwelah luhn tuhlihk nuhtin God uh.

Mukul fuhsr, ke kom oaru in oruh ip kunom ke pristut uh, kom eiskomyang in wi God ke orekma Lal “in use moul kaul ac moul ma pahtpaht luhn mwet uh.”26 Kain in oruh inge ahkyohkye kena lom ac ahkoekomlac in luti mwet auliyak ac pacptaislac uh ekihn misineri. Ma inge oacyacpac ahkoekom in oruh kuhlwacnsap ke Melchizedek Pristit ke lusen moul lom.

John Pacptist, Mwet Srihkasrak Lasr

Mwet sruok Aaronic Pristut an, kuht eis pacl wowo ac kunohkohn in mwet kuhlwacnsap pac weluhl John Pacptist. John el suhpweyucklac oacna sie mwet utuck pweng sollac in mwet lohoh luhn Kraist ac suli mwet nuh kwewa in auliyak ac pacptaislac—pa ingacn, el orekmakihn ki luhn Aaronic Pristut kuht sramsram kac uh. Na John el fahkwelihk, “Nga baptaisi kowos ke kof, in akkalemye lah kowos auliyak, tusruktu el su ac tuku tukuk … : el ac fah baptaisi kowos ke Ngun Mutal ac ke e.”27

Pwacyena, Aaronic Pristut uh, wi nuh ke luti luhn lipufacn uh ac ahkoeyacn wosasuc uh, ahkolah inkacnek nuh sin tuhlihk nuhtin God in eis, ke Melchizedek Pristut me, mwe sang luhn Nguhn Muhtahl, mwe sang wowo se emet kuht kuh in eis ke moul se inge.28

Ma inge pa sie kunohkohn usrnguck God El sang nuh sin mwet sruok Aaronic Pristut uh!

Sie Solsol ac Olwelah

Pahpah an ac mwet kol pristut an, yac kom kuh in puhla yohk srihpaciyen kahs in kahsruh lal Prestuhn Monson in kahsruh mukul fuhsr uh in kahlwem ke “meac kalmac… in mwet us pristut luhn God”?29 In kahlwem ac ahkyohkye Aaronic Pristut fah ahkoelosllac in mwet luhlahlfongi sruok Melchizedek Pristut, misineri sesseslah ke kuh, ac pahpah ac mukul tuhma suwohswohs. Ke kuhlwacnsap lalos, elos fah kahlwem ac puhla ma pwacye ke kuh luhn pristut uh, kuh in mukwikwi ke inen Kraist nuh ke molwelah luhn tuhlihk nuhtin God.

Mukul fuhsr, oasr orekma luhn God nuh suwos in oruh.30 Akmuhsralah luhn Aaronic Pristut lom uh yohk srihpac in kahsruh tuhlihk Nahtuhl in eis kuh in iwaclah luhn Kraist. Nga olwelah lah ke kom oruh kunohkohn muhtahl inge in yohk srihpac nuh ke moul lom uh, kom fah puhllla kuh luhn God likina met ah. Kom fah kahlwem ke ohiyom in sie wen nuhtin God, pahng ke sie pahng muhtahl in oruh orekma Lal. Ac, oacna John Pacptais, kom fah kahsruh ahkolah inkacnek nuh ke tuhkuh luhn Wen Nahtuhl. Ke ma pwacye inge nga fahkwack mwe lohloh ke inen Jisus Kraist, amen.

Mwe kahsruh

  1. Pa inge ma sikyak nuh sel Moses ah. Tukun sramsram wolacna lal yurin God, el muhtwacwacack in liyacl sifacna in siena—oacna sie wen nuhtin God. Mwe etuh se inge kahsrwel in lain Setuhn, suc pahnglol “wen nuhtin mwet” (liye Moses 1:1–20). Liye pac Thomas S. Monson, “See Others as They May Become,” Liahona, Nov. 2012, 68–71; Dale G. Renlund, “Through God’s Eyes,” Liahona, Nov. 2015, 93–94.

  2. Thomas S. Monson, general conference leadership meeting, Mar. 2011.

  3. Liye Dale G. Renlund,“The Priesthood and the Savior’s Atoning Power,” Liahona, Nov. 2017, 64–67.

  4. Liye 2 Nephi 31–32; 3 Nephi 11:30–41; 27:13–21;Ether 4:18–19; Moses 6:52–68; 8:24.

  5. Moroni 10:32; liye pac Preach My Gospel: A Guide to Missionary Service (2004), 6.

  6. Liye Doctrine and Covenants 13:1;84:26–27; 107:20.

  7. Rome 10:14–15, 17. Joseph Smith el luti ma pwacye se inge pacna: “Luhlahlfongi tuhkuh ke lohng kahs luhn God, ke fahkwack luhlahlfongi luhn mwet kuhlwacnsap luhn God; fahkwack luhlahlfongi se ingacn kwacna wi ke Nguhn luhn palye ac fwackyuck”(Teachings of Presidents of the Church: Joseph Smith [2007], 385).

  8. Moroni 7:22; liye pac Alma 12:28–30; 13:21–24; 32:22–23;39:17–19; Helaman 5:11; Moroni 7:21–25, 29–32; Doctrine and Covenants 20:35; 29:41–42; Moses 5:58; liye pac Matthew 28:19; Rome 10:13–17.

  9. Liye George Q.Cannon, Gospel Truth, sel. Jerreld L. Newquist (1987), 54.

  10. Liye James Strong, The New Strong’s Exhaustive Concordance of the Bible (1984), Hebrew and Chaldee dictionary section, 66, Greek dictionary section, 7.

  11. Liye Doctrine and Covenants 20:59.

  12. Liye Henry B. Eyring, “That He May Become Strong Also,” Ensign kuh LiahonaNov. 2016, 75–78; Alma 17:3;Helaman 5:18; 6:4–5;Doctrine and Covenants 28:3.

  13. Liye Sie John 2:14;Alma 17:2; 26:13; 32:42. Fulfilling My Duty to God: For Aaronic Priesthood Holders el sie kuhfa yohk srihpac in kahsruh ahkfahsryelah ma inge.

  14. D&C 11:21; liye pac Doctrine and Covenants 84:85.

  15. Liye 2 Nephi 32:3; Doctrine and Covenants 42:14; 50:17–22.

  16. Liye Moroni 7:25.

  17. Russell M. Nelson, “Honoring the Priesthood,” Ensign, May 1993, 40; liye pac Alma 27:4.

  18. Liye Alma 34:17;Helaman 14:13.

  19. Liye Doctrine and Covenants 84:27.

  20. Liye Doctrine and Covenants 20:46, 51–59, 73–79. Fulfilling My Duty to God: For Aaronic Priesthood Holders pa ip sacohk in kahsrwekuht in kahlwem kunohkohn lasr.

  21. Gordon B. Hinckley, “The Aaronic Priesthood—a Gift from God,”Ensign, May 1988, 46.

  22. Elder D. Todd Christofferson el ahkuhtweyac: “Pacptais ke kof pa step sahflah ac yohk srihpac emet ke mukwikwi in auliyak uh. Tulokihnyac luhn ma koluk, wi olwelah ke ahkostwen lasr, ahkfalyelah auliyak lasr uh; pwacyena, in auliyak na ac tiac sahflah sahyacn olwelah sacn” (“Building Faith in Christ,” Liahona, Sept. 2012, 14–15). Liye pac D. Todd Christofferson, “The Divine Gift of Repentance,” Liahona, Nov. 2011, 38–41; Joseph Smith Translation, Matthew 26:24 (Som nuh ke Ma Suhmuhslah uh).

    Akwuck ke kuhfa luhn Leum use nuh sesr “sie pacl wowo ke kais sie wik in ahksasucye olwelah muhtahl ma lwelah kuht in ipeis iwaclah pahkotwen luhn Mwet Lahngo ke nwacsnwacslah in nguhn sepacna ke pacptais ac ahkkweyeyucklac ah” (“Understanding Our Covenants with God,” Liahona, Julahe 2012, 23; Liahona, Julahe 2012, 21). Liye pac Dallin H. Oaks, “Always Have His Spirit,” Ensign, Nov. 1996, 59–61.

  23. Dallin H. Oaks, “The Aaronic Priesthood and the Sacrament,”Liahona, Jan. 1999, 44.

  24. Elder David A. Bednar el ahkuhtweyac: “Akwuck ke molwelah ac in kaksahk lutiyuck ke Alu fohlohkyak luhn Leum uh el yohk likina mukwikwi in alyalu kuh orek akucl. Sahyacna, elos oraclah ma ahkkweyeyucklac in usaclihk ke ma insewowo ac kuh inkuhsrao uh kuh in tuhkuh nuh ke moul lasr kais sie (“Always Retain a Remission of Your Sins,” Liahona, May 2016, 60).

  25. Liye Doctrine and Covenants 20:73.

  26. Liye Moses 1:39.

  27. Matthew 3:11.

  28. Puhs mwet kol ke Alu uh ma ahkuhtweyac Nguhn Muhtahl oacna mwe sang wolacna emet ke moul in mahno uh.

    Prestuhn Dallin H. Oaks el fahk, “In kalweni in eis wi luhn Nguhn Muhtahl pa ma sacohk se emet lasr kuht kuh in eis ke moul in mahno uh” (“The Aaronic Priesthood and the Sacrament,” Liahona, Jan. 1999, 44).

    Elder Bruce R. McConkie el luti: “In sramsram ke ma pahtpaht, moul ma pahtpaht pa ma wolacna emet ke mwe sang luhn God uh. Tuh ahksrihkyelah nuh ke moul se inge muhkwena, mwe sang luhn Nguhn Muhtahl pa mwe sang wowo se emet sie mwet kuh in engankihn” (“What Is Meant by ‘The Holy Spirit’?” Instructor, Feb. 1965, 57).

    Prestuhn Wilford Woodruff el fahkwack: “Kom fin puhla Nguhn Muhtahl in kom—ac enenuh mwet nuhkwewa in oruh—nga kuh in fahk nuh sum lah wacngihn mwe sang wo sahyac, wacngihn mwe insewowo sahyac, wacngihn fahkwack luhlahlfongi wowo sahyac ituckyang nuh sin kuhtwena mwet facluh. Sahp oasr lutiyuck sin lipufacn uh sum; sahp kom liye ma usrnguck puhkantwen; sahp kom liye ma usrnguck puhkantwen fin facluh; tuh nga fahk na pwacye lah Nguhn Muhtahl pa mwe sang wowo se emet ma kuh in utuckuh nuh sin mwet uh” (Teachings of Presidents of the Church: Wilford Woodruff [2004], 49).

    Ac David A. Bednar el fahk pac: “Masap sin God kuht ahkos ac kahs in kahsruh moklweyuck sin mwet kol ke Alu uh kuht ukwe in lohacng in eis wi luhn Nguhn. Yohk srihpac emet, luti ac mukiwikwi nuh kwewa ke wosasuc uh yohk srihpac ke tuhkuh luhn Kraist ke eis Nguhn Muhtahl nuh ke moul lasr” (“Receive the Holy Ghost,” Liahona, Nov. 2010, 97).

  29. Thomas S. Monson, general conference leadership meeting, Mar. 2011.

  30. Liye Moses 1:6.