Ahkolah in Ohsun nuhsin God
Kampare in oruh ma kunac ke suwohswohs, insese, ac suwohs ac kahsrwe kuht ahkolah in ohsun nuhsin God.
Eliza R. Snow, el sramsramkihn ke kihsaclah luhn Kirtland Tempuhl (suc el wi), ac fahk: “Toeni ke kihsaclah sac sahp ac enenuh in nahweyuck, tuhsruhk wacngihn oacna sie kahs ma kuh in sang ahkuhtweyac muhtahliyac ke lwen sac. Lihpufacnsikyang nuhsin kuhtuh, ke puhla na wo se tuh sikyak mwet ah tuh puhlakihn, ac kais sie inse sesseslah ke engan ac kaksyak yohk.”1
Puhla wowo se tuh sikyak ke Kirtland Tempuhl ah arulacna fal nuhke srihpen fohlohkihnyuckyak luhn Alu luhn Jisus Kraist in use molwelah ac engan nuh sesr sin Pahpah tuhmwacsr Inkuhsrao.2 Ke kuht ahkolah in ohsun nuhsin God, kuht kuh in etuh lah meac kunohkohn utuckuh nuh sesr ke kuht liye muhtahliyacn ki ma fohlohkihnyuckyak ke Kirtland Tempuhl ah.
Ke pruhe sac, Mwet Pahluh Joseph Smith el puhsisacl in nguhsr nuhsin Leum in eis acn sel suc El sap elos in muhsahi.3
Tukun wik se tohkoh, ke Sacnri in Istuh sac, Leum El tuhkuh ke ararama se ac eis tempuhl Lal. Sikyak ke Eprel 3,1836, apkuhran na in yac 182 liki Sacnri in Istuh se inge. Pacl in ahkfuhlwact se pac pa ngacn—tiac arlac sikyak in Istuh ac pacl in Passover se in tuh langyak. Ke ararama sac tari, mwet pahluh tolu, Moses, Elias, ac Elijah, sikyak ac eis ki suc ma yohk srihpac in sang ahksahfyelah srihpen orekma luhn Leum nuhke fohlohkihnyuckyak luhn Alu Lal ke pacl se inge. Srihpac se ingacn kalmac pa in orwacni Israel, silitahluh in sucu, ac ahkolah facluh nuhke tuhkuh ahkluo luhn Leum.4
Nuh kacl kwewana Elijah ac Moses in tuhkuh tiacna “akihlenyuck… [ke] facsin luhn mwet Jew, oacna ke Moses ac Elijah elos tuhkweni tuhkuh ke ‘sahflahiyacn pacl.’”5 Ke mwe luti nahtuhsr uh, tuhkuh se inge ahksahfyelah fohlohkihnyuckyak sac nuhke ki ma ituckyangnuhke lwen sahflah ac nuhke pacl sahflah, nuhke suc ac pa pacl in sesseslah ke pacl.6
Kirtland Tempuhl, kwewanake acn sacac srihklac an tiacpacna etweyuck. Tuhsruhk oacna ke etweyacn yohk srihpac nuhsin mwet an, pa eklac-sahflah se. Mwet Pahluh met ah fohlohkohnwack ki luhn pristut in molwelah akwuck ke wosasuc luhn Jisus Kraist. Ma se inge sikyak ke engan luhlahp ke mempucr ma yohk luhlahlfongi la.
Ki inge sang kuh lucng me7 ke kunohkohn ma kunweyucki lah met kuh ingena orwaclah srihpenyohk ke alu uh. 8 Ke lwen in Istuh sac ac Kirtland Tempuhl ah, ki tolu fohlohkihnyuckyak:
Ma se met an, Moses el sikyak ac eis ki in oracni tuhlihk nuhtin Israel liki ip ahkosr ke facluh, suc pa orekma luhn missionary. 9
Ahkluo, Elias el sikyak ac eis ki ke fohlohkihnyuckyak luhn wosasuc kacl Abraham, suc pac fohlohkihnyuckyak ke olwelah lal Abraham.10 Prestuhn Russell M. Nelson el luti lah srihpen ki in olwelah pa in ahkoelah mempucr nuh ke tohkohsrahi luhn God. El fahk, “Kuht etuh lah suc kuht uh, ac [kuht etuh] lah meac God El ke kacsr uh. 11
Ahktolu, Elijah el sikyak ac eis ki ke kuh in siliyac, suc pa orekma luhn tahk sucu ac akwuck ke tempuhl in lwelah molwelah nuh sin mwet moul ac misac.12
Elos pa, oan ye kuh luhn Prestuhnsi se Met ac ke U luhn Met Singucul Luo, mwet kahsruh ke Alu liye kunohkohn inge oacna ke ki ma fohlohkihnyuckyak ke Kirtland Tempuhl. Elos pa Missionary Executive Council, Priesthood and Family Executive Council, ac Temple and Family History Executive Council.
Kuht Oasr Oyac Mihsenge ke Ahkpwacyeiyacn Kunohkohn Inge?
Ma se met, in akihlen fohlohkwack lal Moses ke ki in orwacni mwet Israel, mihsengesun 70,000 misineri elos fahsrwelihk nuh facluh fahkwack ke wosasuc Lal in orwacni tuhlihk Nahtuhl. Pa inge muhtwacwackiyacnahkpwacyeiyacn orekma yohk Nephi el oruh inmahsrlon kwewana mwet Gentiles ac tuhlihk nuhtin Israel ah. Nephi el liye pacl lasr ke Mwet Luhlahlfongi luhn God ac oasr fin facluh nohfohn, tuhsruhk pihsacltahl ac srihk mweyen ma ke ma koluk uh. Ne fuhkah, el palye ah elos ac “nuklac ke suwohswohs ac ke kuh luhn God ke wolacna yohk.” 13 Ke nuhnkweyuck ma mahtuh luhn Alu uh, orekma yohk luhn missionary arulacna akihlenyuck. Kuht liye ahkpwacyeyucklac luhn ararama lal Nephi. Finne kuht suhpuhs, kuht ac kampare na ke ma kunacsr in sramsram nuh selos suc soenna eis ke pweng luhn Mwet Lahngo.
Ahkluo, Elias el tuhkuh ac eis ke plwacn ke wosasuc sel Abraham, fahkwack lah kacsr ac tuhlihk nahtuhsr fihlin tuhlihk nahtuhsr ac ahkinsewowoyeyuck. Ke kanfracns se inge, yohk srihpaciyacn kolyuck uh utuckuh in sang ahksuwohsye Mwet luhlahlfongi ac ahkoelos nuhkr tohkohsrah luhn God.14 Mwe fahkwack se ke toeni luhn pristut ma oasr ahkfuhlwactyeyacn mwet mahtuh ac u ke prist fuhlwact fah ahkkahlwemyeyuck kuh ac wal luhn pristut. Muhtwacta ac luti nuh ke lohm se, inge “lotweacng,” ke lutiyuck oacna ke toeni se inge, fah ahkkoelah Mwet Luhlahlfongi ke Lwen Sahflah in ohsun nuh sin God.
Ahktolu, Elijah el eis ki in sil nuhke fihl in pacl se inge. Nuh sesr suc moulmihsenge uh, kapwack luhn tempuhl ac sramsram mahtuh luhn sucu uh wo na pwacye. Acn se inge ac fahsr na ac yohkwelihk ne ke na Tuhkuh Ahkluo luhn Mwet Lahngo, ke facluh nohfohn ac muhsahllah ke tuhkuh lal uh.15
Orekma ke sramsram mahtuh luhn sucu, inkuhsrao ahkinsewowoyeyuck ke technology, suc lihksreni na kapwack ke yac ekahsr tari ah. Kuht tiac kuh in alsracngwesr ke ma kunacsr lucng me ac sano tuh mwet sahyac kuh mwet sahyac oaru se ke sucu lasr in oruh orekma kac an.Lwelah nga in akacsruhi fahk se lal Prestuhn Joseph Fielding Smith: “Wacngihn mwet tiac eis ma kunac se inge. Ma na enenuh se sin sie mwet sap kuh elder puhsisacl se [kuh sister se]. Acn, kuh ma fuhlwact, kuh kuhlwacnsap paht ke Alu … tiac kuh sang wal luhn sie mwet in tiac ipeis ke sie molwelah luhn mwet misac ke sucu la.”16
Oasr tempuhl tari fin facluh nohfohn ac mwe kahsruhoacna patron assistance fundma in kahsrwekuht suc muhta loeslac liki tempuh uh.
Sin sie mwet, kuht enenuh in oruh wo in sang fahkwack kampare lasr in fahkwack oacna sie orekma luhn misineri, tempuhl ac orekma ke sramsram mahtuh luhn sucu, ac ahkolah in ohsun nuh sin God.
Suwohswohs, Insese, ac Suwohs ye muhtuhn Leum oasr srihpac nuhke Kunohkohn Muhtahl Inge
Puhsisacl ke suwohswohs, moul se inge pacl lasr nohfohn in ahkolah in ohsun nuh sin God.17 Puk luhn Mormon use mwe srihkasrak puhkantwen nuhke ma sikyak ke mwet se kuhu in mwet se tiac ahkos masap luhn God.18
Ke moul luhk, ma upac ac nuhnak luhn facluh se inge shrike na in ahkkolukye ma se nuhke ma se—ke ma lusrongtwen kuh wacngihn srihpac nuh ke ma koluk emet. Ma nuh wo lah oasr suc tiac insese ke kosro kuh in ahkkahlwemyeyuck ac ahkkolukyeyucklac.19 Kosro ke tiac insese lain masap luhn God ac luhn mwet uh. Elos suc kahlwem ke plwacn luhn God enenuh in sruhnga ma luhn el suc insese in kosro, suc pa oacyacpac ma koluk. Mwe fahkwack se ke sucu nuh facluh sensenkackihn “mwet suc kuhnahoslah olwelahluhn tiac kosro, suc ahkkulukye nuh sin muhtwacn kiackuh mukul tuhma kuh tuhlihk nahtuhlos[kuh, ke srihpac sacn, kuhtwena mwet sahyac] … fah sie lwen tunuhnuhnkweyuck sin God.”20
Ke kuht ngwetngwet liye, kuht liye ma sikyak ke srihpen ma koluk ac mwe pahlah acn nuh kwewa. Fin, kais sie sesr, kuht sensen ke nuhnuhnkuh sahflah luhn Mwet Lahngo lasr, kuht enenuh sokwack auliyak. Nga sahngweng lah puhslac mwet tiac puhla oasr ma kunacl nuh sin God ac tiac forma nuh ke ma suhmuhslah kuh mwet pahlah ke kolyuck. Kuht fin, ke u luhn mwet, ac motko ke ma sikyak ke srihpen ma koluk, na oasr u yohk in lain petsac koluk ac ahkkolukye luhn muhtwacn uh. 21 Oacna Alma fahk nuh sin mukul nahtuhl Corianton ke Puk luhn Mormon, “ma koluk tiacna pa engan.”22
Nuhke insese, Mwet Lahngo El fahk, kuht fin tiac sie kuht tiac ma lal. .”23 Kuht etuh lah nguhnihn sruhnga el ma luhn devil.24
Ke lwen lasr uh, ma suhmuhslah sruhmuhnyuck ke insese arulacna sruhngwacyuck, ac mwet puhs srihke in wi mukwikwi luhn u lalos,25 fal nuhke acn el oasr kac an, lah el mukul se kuh muhtwacn se, el mwet oyac, ac kahsruhp lal. Ke kuhtuh pac acn sahyac, fin tiac nohfohn, mwet uh srisrielihk lah elos ac muhta fuhkah. Ke Alu luhn Leum, facsin se ma kuht ukwe pa in luti ke ohiyacn wosasuc luhn Jisus Kraist. Insese se kuht suk uh sukokyak yurin Leum ac luti lal.26
Ke kuht ngwetwacng liye ke srihpen primary ke Alu uh, elos nohfohn kuhpahsr nuhke suwohs ye muhtuhn Leum27 ac ukwe ohiyacn wosasuc luhn Jisus Kraist. Ke orekma luhn misineri, mwe luti se ma fal nuhke pacptais arulacna ahkpuhsisaclye sie mwet ye muhtuhn God ac fahsr nuh met ke sie inse muhsahllah ac nguhn muhtahl se.28 Lutlut, kahsruhp, race, kuh yen tuhkuh we an tiacna motkweyuck.
Weacng pac, misineri elos puhsisacl in kuhlwacnsap nuhke acn elos pahng nuh we. Elos tiacna ahlohloh in kuhlwacnsap nuhke ma luhn facluh kuh ahkoeyacn orekma pacl fahsruh laltahl. Elos kuhlwacnsap ke insiyaclos nohfohn, kuh, nuhnak, ac fokoko nuhke acn elos ac kuhlwacnsap we uh. Elos tiacna sulwaclah lah suc ac weluhltahl uh, ac elos suk in ahkyohkye luhngse luhn Kraist, 29 suc pa infulwen ohiyacn Jisus Kraist.
Ma suhmuhslah uh use nuhsesr kolyuck nuhke kuhpahsr se ma yohk srihpac nuh sesr uh. Mwet Lahngo El luti lah masap se emet pa in “luhngse Leum God lom.” Ac masap se ahkluo “luhngse mwet tuhlan lom oacna kom luhngse kom.”30
Mwet Lahngo El ahkuhtweyac lah mwet nuhkwewa pa mwet tuhlan lasr uh. 31 Puk luhn Mormon oruh arulacna kahlwem lah wacngihn srwisrwi lac luhn oacna sie mwet. 32 Kuht enenuh in insese ac ma sefanna ye muhtuhn God.
Olwelah muhtahl ac kunohkohn uh muhsahiyuckyak ke nuhnak se inge. Nga kwacfe tuh ma kom puhlakihn ke tempuhl ah in oacna puhla luhk uh. Ke nga tuh tui ke ma nga muhta kwacna oruh lwen nuhkwewa ke acn San Francisco ac tuhkuh nuh Oakland Tempuhl ah, nga tuh puhlakihn puhla in luhngse ac mihs se. Inkaiyacn monuk puhla lah nga fototoyang nuh yurin God ac nuh ke srihpac Lal. Akwuck in molwelah pa ma nga porongo nuh kac, tuhsruhk yohk srihpaciyacn puhla sac pa suwohs ac insese pa oruh puhla fokoko sac ke tempuhl sac. Mwet nuhkwewa nuknukyang ke nuknuk fasrfasr. Wacngihn liyeyacn kahsruhp, wal, kuh lutlut; kuht nuhkwewa tamuhlwel ac tahmtahel puhsisacli kuhti nuh ye muhtuhn God.
Ke infuckihl in sil muhtahl se, akwuck ke macruht ma pahtpaht el oacna sie nuh sin mwet nuhkwewa. Nga luhngse lah siyacnyacn ke kais sie acn ac siyacnyacn ma kahsruhp elos puhlakihn puhla se fanna. Elos nukum atacn nuknuk se fanna ke elos oruh olwelah lalos ke altar ah. Elos eis pac mwe insewowo ma pahtpaht oacna sie sin pristut. Ma inge oreklac ke tempuhl na kahto se muhsahiyuckyak sin Mwet Luhlahlfongi oacna ke muhtahl luhn lohm sin Leum.
Ahkpwacyeiyac kunohkohn kunom, fal nuhke suwohswohs, insese, ac suwohs ye muhtuhn Leum, use engan ac mihslac nuh facluh ac ahkoekuhtlac nuhke moul ma pahtpaht ke facluh se ac muh tuhkuh.33 Ahkoeyuck kuht in ohsun nuh sin God.34
Kuht pruhe tuh kais sie suwos, lah oasr ma upac kom puhla ingena, kuh in suk kahsruh in pisap lom ac fal in eis sie tempuhl recommend ah.35
Kuht sruikihn lah puhslac mempucr ma ahkolah in som nuhke tempuhl. Oasr kiluck na yohk se ke mwet ma fal in oasr tempuhl recommend la yac puhs. Oasr pac kiluck na yohk se nuh sin tuhlihk fuhsr ke yac luo tari ah. Arulacna kahlwem lah fokokoiyacn mempucr uh oruh alu uh fokoko.
In ahksahfye, nuhnak muhnahs ahkpwacyeye lah mwet kol mahtuh ke alu uh suc karihngihn toeni luhn alu an elos fahsr fal nuhke kunohkohn nuh pwacye lalos an. Mwe kahsruh se inge tuhkuh sin Nguhn me ac kuhtuh pacl uh sin Leum me. Kwewana kain in nguhn luo inge orekmakihnyuck. Nga arulacna sruikihn ke kain kahsruh se inge. Tuhsruhk kahsruh el ituckyang fal nuhke pacl fal, lain nuhke lain, mwe luti nuhke mwe luti,36 ke ma nuhkwewa e etweyuck lah Leum pa ac sulwaclah in luti uh.”37 Kolyuck ke alu uh in fohnlah tuhkuh muhkwena sin sie mwet pahluh Lal.
Kuht luhngse sang kuloh nuh sin akmuhsralah lal Prestuhn Russell M. Nelson ke mwet pahluh lasr ac Prestuhn luhn Alu luhn Jisus Kraist luhn Mwet Luhlahlfongi ke Lwen-sahflah ke kanfracns se inge. Mwet singucul luo, lah u se kuh kais sie, oasr puhla se ke kuht fihliyac pahosr ke insifac Prestuhn Nelson ac Prestuhn Dallin H. Oaks, orekmakihn puhsrwacl, akmuhsra eluhllah in Prestuhn luhn Alu uh. Nga fahkwack lah in in tuh in akmuhsralah ac in ahkoeyucklac moul lal nohfohn in Mwet Pahluh se luhn Leum ke pacl inge. Ke inen Jisus Kraist, amen.