Na iSolisoli o Jen

Au a cakava e levu sara na digidigi cala ena gauna ni noqu vuli ena koronivuli torocake. Na digidigi oqori e a veikau yani kina bula rarawa kau sa qai vakadeitaka meu sa na vakayagataka na gauna ni sereki ni vulaikatakata meu sa na veisau kina. Ni tekivu tale na vuli au dau kania na kequ ivakasigalevu e valenisili se ena olo ni lala tu meu kakua ni sotavi ira kina na dau vaqara veiba mera kidavaki au lesu tale mai.

Se bera vakadua ni bau galili me vaka na gauna o ya.

Sa qai solia vei au na Kalou e dua na isolisoli: Sa qai soli Jen mai vei au. E sega vakadua ni bau vakalewai au ni dua na noqu cala, ia e dau vakauqeti au ga meu toso ga ki liu ena sala dodonu. Niu kila ni na tiko mai koronivuli e dau uqeti au meu wilika na noqu ivolanikalou ka vakatataka cake na noqu ivakadinadina. Ni qai yaco mai na siga ni tuvaitutu au sa vakadinadinataka vakaiau niu sa vakadeitaki au meu sa na veisau.

Au dau vakasamataka seu na tu beka evei kevaka me a sega ni basika ena noqu bula o Jen. Ena rawa beka meu dinata na noqu ivakavuvuli kevaka me a sega o koya? Kalougata, niu na sega sara ni kila baleta, ni okoya e a tiko kina ena yalona taucoko ka sa lomana sara ga me vukei au.