Wawa mai Winter Quarters

Ni oti na nona vakamatei o Parofita Josefa Simici, sa yaco kina o Nauvoo, mai Illinois me dua na vanua rerevaki. Era sa dro yani na Yalododonu mera laki kunea e dua na itikotiko taqomaki. Ena Feperueri 1846, era sa mua yani na isevu ni Yalododonu vaka ki na ra, ia era a sotava na draki ca kei na tauvimate. Ni gauna era yaco yani ki Iowa, sa sega ni rawa mera takosova rawa na Rocky Mountains ni sa mua tiko ni yabaki. Era sa qai digitaka na iliuliu ni Lotu e dua na vanua mera na laki tiko kina na Yalododonu ena gauna ni draki batabata. Era vakatoka me ko Winter Quarters.

Eso era sa tara na nodra vale ena kau se qele. Eso era vakavale ena valelaca kei na qaravatu. Era sasaga na Yalododonu mera tiko marau ena gauna ni draki batabata balavu oqo. Era a veivukei vakai ira. Era gole ki na vakatasuasua ka lagalagasere ka danisi. Era a tara e dua na nodra iqaqi ni valawa, e dua na olo ni taoni, kei na dua na vale ni caka basikete.

E dredre sara na gauna era tiko kina na Yalododonu mai Winter Quaters. E lewelevu sara era a mate. Ia era vakabauta tiko na ivuvu ni na vakalougatataki ira na Turaga ka na vukei ira mera yaco rawa ki Saioni. Ni sa yaco mai na vula itubutubu, era a biuti Winter Quarters yani na isevu ni ilawalawa ki na ilakolako ki Salt Lake Valley.

Nikua o ni sa rawa ni raica na totoka ni Valetabu e Winter Quarters Nebraska ka sikova na Mormon Trail Center e Winter Quarters mo ni vulica e vuqa na veika baleti ira na ivuvu.