Au na Wasea na Kosipeli Vei Ira Kece na Luve ni Kalou

Ko sa kania beka e dua na kakana vinaka sara ko a gadreva sara mo wasea yani? E dua na gauna a tadra o Liai ni sa kania tiko e dua na tiki ni vuanikau kamikamica. A totoka sara na kena ikanakana ka sa “vuabale na [nona] marau” (1 Nifai 8:12). A gadreva sara o Liai me ratou kania talega na nona matavuvale na vuanikau kamica o ya.

Na vuanikau ena tadra nei Liai sai koya na loloma nei Tamada Vakalomalagi. A vinakata o Liai me ratou vakila na nona matavuvale na loloma nei Tamada Vakalomalagi. A gadreva me wasea na kosipeli vei iratou baleta ni kila ni ratou na bula marau kina.

Era dau maqosa toka na gone ena kena wasei na kosipeli vei ira tale eso.

O Maria e yabaki walu a raici rau na daukaulotu ena gaunisala mai Ecuador. A kerea ke rawa ni rau vakavulica vua na kosipeli. Rau a yaco yani na daukaulotu ki na itikotiko nei Maria me vakavulica na nona matavuvale. A isevu ni nona matavuvale o Maria me papitaiso. A marau sara vakalevu o koya ena gauna era sa lewena talega kina na Lotu na nona matavuvale taucoko.

Sa dua na ka na marau nei Eric yabaki ciwa baleta na ivakaraitaki ni Lalai ena soqoni ni sakaramede ka sureti ira nona neiba mera gole mai. Era a qai lako mai.

Oi rau ruarua na gone oqo e rau wasea e dua na ka talei vei ira na tamata rau lomana. Ni ko wasea na kosipeli, ena tubu na nomu ivakadinadina. Me vakataki Liai, ko na vakila “na vuabale ni marau.”