Sa Rawa Vei Ira na Lewenilotu Mera Kerea na Veitarataravi ni Lewa ni Matabete

Ena gauna oqo sa rawa me vakarautaka na Lotu na itukutuku ni veitarataravi ni lewa ni matabete me soli vei ira na lewenilotu ni ra kerea vakakina. Na veitarataravi ni lewa ni matabete sai koya na ivakarau tudei ni veitabaki vakayadudua e rawa ni vakamuri lesu sara ena gauna a tekivu taumada kina na Lotu ka laki yaco sara vua na iVakabula.

E dina ga ni dua na lewe ni matabete e taura tu na itutu ni Vitusagavulu e rawa ni okati tiko ki na veitarataravi ni lewa e nona e dua tale na lewenilotu, e sega ni tiko vakatabakidua e dua na veitarataravi ni lewa ena itutu ni Vitusagavulu. Sa vakakina, na nodra veitarataravi ni lewa ni matabete na bisopi kei na peteriaki era sa tabaki ena rawa ni vakamuri lesu ki na gauna era a tabaki kina mera bete levu.

Na itukutuku walega me baleta na veitarataravi ni lewa ni Matabete i Melikiseteki ena rawa ni kerei ena Lotu; e sega ni vakarautaki na veitarataravi ni lewa ni Matabete i Eroni. Sa rawa vei ira na lewenilotu mera kerea na itukutuku ni veitarataravi ni lewa ni Matabete i Melikiseteki, me baleti ira ga, e dua na gone e tiko e vale, se dua na daukaulotu itabagone e kaulotu tiko. Na ivola oqo era sega ni itukutuku dina ni Lotu.

Kevaka o gadreva mo kerea na nomu veitarataravi ni lewa ni matabete, mo vola mai na yacamu taucoko vakalawa, tikinisiga o sucu kina, nomu naba ni lewenilotu (e tiko ena ivolatara ni valetabu se vei vunivola ni tabanalevu), na yacai koya a tabaki iko ki na itutu ni italatala qase se bete levu (ke kilai), kei na vanua me vakau yani kina kei na naba ni talevoni se imeli.

Vakauta na nomu kerekere ki na:

Priesthood Line of Authority

Global Service Center

120 North 200 West

Salt Lake City, Utah 84103-1514, USA

Fax: 1-801-240-6816

Talevoni: 1-800-453-3860, naba lailai 2-3500

Imeli: Vakauta na nomu imeli ki na lineofauthority@ldschurch.org ka vola toka ena vanua ni ulutaga na “PLA.” Ena qai vakau mai vei iko e dua na fomu mo vakalewena ka vakauta lesu (ena saumi mai vakalivaliva na itukutuku taucoko e tiko kina na “PLA” ena vanua ni ulutaga.