Vakasama ni Lotu Vakamatavuvale

“Yaco mo Daukaulotu ni Vunautaka na Noqu Kosipeli,” tabana e 46: vakasamataka mo veitalanoataka ena nomu matavuvale na lima na ka me caka mo Daukaulotu ni Vunautaka na Noqu Kosipeli. Qai tovolea mo vakatovotovotaka na veiivakavuvuli. Saga mo railesuva vata e dua na iwase ni Vunautaka na Noqu Kosipeli qai solia yadua vei ira na lewe ni matavuvale e dua na gauna lekaleka mera vakatovotovotaka na vakavulici ni lesoni ni kaulotu ka mera na qai vakataki ira na sega ni lewenilotu o ira na vo ni matavuvale. Ena rawa mo dou veivosakitaka na bolebole ni cakacaka ni kaulotu ka qai vakaraica e dua na ituvatuva me rawati kina na veika e vosa tiko kina o Elder David A. Bednar.

“Mo Kaukauwa, Mo Bulabula, Mo Matai,” tabana e 52: Ni sa vakatalevi lesu oti na veika e a vola o Elder Adrián Ochoa, vakasamataka me navuci e dua na itaviqaravi me rawa ni ra na vakabulabulataki kece kina na lewe ni matavuvale. Ko na rawa beka ni qitotaka e dua na qito se dou taubale vata. Mo vakadeitaka ni itaviqaravi ena caka me rawa ni ra na vakaitavi kece kina na lewe ni matavuvale (ena rawa ni ko kerei ira na luvemu qasecake mera na vukei ira na gone mera na vakacavara na itaviqaravi, me vaka oqo). Ni sa oti ga na itaviqaravi, veitalanoataka sara vakamatavuvale na vinaka ni ivakarau bula e veivakabulabulataki vakayago. Ko na rawa beka ni navuca me vakuri na veika sa cakava tiko na matavuvale me muri kina na nodra ivakasala na noda parofita ena vakamareqeti ni yagoda.