Sa Vakalougatataki Ira na Gonelalai o Jisu

Era lewelevu na tamata era sa vakavolivoliti Jisu. Era gadreva me talanoa o Koya vei ira. Era vinakata mera rogoca na Nona tukuni lomalagi.

Ni ra sa tauvimate na tamata, a vakabulai ira o Jisu. A vakabulai ira era sega tu ni rai rawa. A vakabulai ira era sega tu ni rogo rawa.

Ena dua na siga a ra kauta mai eso na luvedra lalai mera mai raici Jisu. Era a gadreva me masulaki ira na luvedra o Koya. Era a kaya na tisaipeli vei ira na tamata mera kakua ni vakasosataki Jisu. E ratou nanuma ni sa rui osooso sara o Koya.

A sega ni osooso o Jisu. A qai kaya vei iratou na tisaipeli mera laivi ira na gonelalai mera lako mai Vua. A kaya ni sa nodra na matanitu vakalomalagi o ira na tamata era sa vakataki ira na gonelalai.

E lomani ira na gone taucoko o Jisu Se o cei ga o iko, na kemu irairai, se na vanua o tiko kina. E lomani iko o Jisu!